ភ្នំពេញ៖ ប្រជាពលរដ្ឋរាយការណ៍មកថា ក្រុមរថយន្តដឹកដី និងថ្មចេញពីបឹងតាមោក ស្ថិតនៅខណ្ឌព្រែកព្នៅ កំពុងបំពុលបរិស្ថាន និងរំខានដល់ជីវភាព សុខភាព សុវត្ថិភាព ជាពិសេសអ្នកធ្វើដំណើរ និងរស់នៅអមសងខាងផ្លូវ បានរងដោយធូលីហុយ បើកគេចពំនូកដី និងថ្ម ដែលជ្រុះពីទ្រុងរថយន្ត។
ចំណុចដែលក្រុមរថយន្តទាំងនោះឆ្លងកាត់ ផ្ដើមចេញពីមហាវិថីឈ្នះឈ្នះ និងកំណាត់ផ្លូវបេតុងទើបសង់ហើយថ្មី ចាប់ពីភូមិស្វាយចេក ខណ្ឌព្រែកព្នៅ មុនបន្តដំណើរទៅតាមបណ្ដាផ្លូវផ្សេងទៀត ក្នុងភូមិសាស្ត្រ រាធានីភ្នំពេញ។
ទាក់ទងករណីនេះលោក សែម រតនា នាយការិយាល័យនគរបាលចរាចរណ៍រាជធានីភ្នំពេញ មិនទាន់បញ្ជាក់ពីការអនុវត្តច្បាប់នៅគោលដៅច្រកចេញចូលក្រុមរថយន្តខាងលើនៅឡើយ។
![](https://puthinews.com/wp-content/uploads/2021/08/photo_2021-08-11-18.41.50-1024x679.jpeg)
ចំណែកលោក សាន សីហា អ្នកនាំពាក្យស្នងការដ្ឋាននគរបាល រាជធានីភ្នំពេញ បានលើកឡើងថា ករណីនេះគួររាយការណ៍ទៅសាលារាជធានី និងសាលាខណ្ឌ។
ដោយលោកបញ្ជាក់ថា “ជាក់ស្ដែងវាមិនមែនត្រូវតែមានខាងចរាចរណ៍ទេណា! ត្រូវតែមានការចូលរួមទាំងអស់គ្នា មិនអាចលើកបន្ទុកបណ្ដាក់នៅលើការងារចរាចរណ៍តែមួយមុខទេ ត្រូវមានការរាយការណ៍ទៅដល់ថ្នាក់លើ ថ្នាក់អីទាំងអស់ទៅ រាយការណ៍ទៅក្នុងទឹកដីខណ្ឌណា គណៈបញ្ជាការឯកភាពខណ្ឌ រាយការណ៍ទៅគណៈបញ្ជាការឯកភាពក្រុងទៅ បើចរាចរណ៍ពេលខ្លះគាត់ ហៅថាម្នាក់ឯងក៏មិនកើត សំខាន់មានការចូលរួមដឹកនាំពីគណៈបញ្ជាការឯកភាពដែរ”។
![](https://puthinews.com/wp-content/uploads/2021/08/photo_2021-08-11-18.41.51-1024x571.jpeg)
![](https://puthinews.com/wp-content/uploads/2021/08/photo_2021-08-11-18.41.51-1024x571.jpeg)
ដោយឡែកលោក សុខ សម្បត្តិ អភិបាលខណ្ឌព្រែកព្នៅ ពុំទាន់មានការបញ្ជាក់ទេ ជុំវិញករណីនេះ។ រីឯម្ចាស់អាជីវកម្ម លោក ញឹក ផន ហៅ (កៅ) ក៏មិនទាន់តបសារសំណួរពីក្រុមការពុទ្ធិញូវ នៅឡើយផងដែរ នៅថ្ងៃទី១១ ខែសីហា ឆ្នាំ២០២១ នេះ។
គួររំឭថា បើតាមបទដ្ឋានបច្ចេកទេសច្បាប់ និងសារាចរណែនាំរបស់អន្តរក្រសួង ក្នុងការដឹកជញ្ជូនធនធានរ៉ែ (ដី ថ្ម ខ្សាច់) បានកំណត់ដល់អ្នកដឹកជញ្ជូន និងម្ចាស់ទីតាំងអាជីវកម្មថា រាល់ការអនុញ្ញាតឱ្យដឹកជញ្ជូនមិនត្រូវផ្ទុកលើសទ្រុងរថយន្ត មិនឱ្យលើសទម្ងន់ ដឹកដីឬខ្សាច់ស្ងួត គ្របឱ្យជិត ដែលមិនបង្កឱ្យប៉ះពាល់ដល់បរិស្ថាន សណ្ដាប់ធ្នាប់ និងទ្រព្យសម្បត្តិសាធារណៈ៕
![](https://puthinews.com/wp-content/uploads/2021/08/photo_2021-08-11-18.41.52-1024x576.jpeg)
![](https://puthinews.com/wp-content/uploads/2021/08/photo_2021-08-11-18.41.52-1024x576.jpeg)
![](https://puthinews.com/wp-content/uploads/2021/08/photo_2021-08-11-18.41.53-1024x579.jpeg)
![](https://puthinews.com/wp-content/uploads/2021/08/photo_2021-08-11-18.41.53-1024x579.jpeg)
![](https://puthinews.com/wp-content/uploads/2021/08/photo_2021-08-11-18.41.54-1024x577.jpeg)
![](https://puthinews.com/wp-content/uploads/2021/08/photo_2021-08-11-18.41.54-1024x577.jpeg)
![](https://puthinews.com/wp-content/uploads/2021/08/photo_2021-08-11-18.41.55-1024x553.jpeg)
![](https://puthinews.com/wp-content/uploads/2021/08/photo_2021-08-11-18.41.55-1024x553.jpeg)
![](https://puthinews.com/wp-content/uploads/2021/08/photo_2021-08-11-18.41.56-1024x564.jpeg)
![](https://puthinews.com/wp-content/uploads/2021/08/photo_2021-08-11-18.41.56-1024x564.jpeg)
![](https://puthinews.com/wp-content/uploads/2021/08/photo_2021-08-11-18.41.57-1024x551.jpeg)
![](https://puthinews.com/wp-content/uploads/2021/08/photo_2021-08-11-18.41.57-1024x551.jpeg)
អត្ថបទ និងរូបភាពដោយ៖ Puthi News