LEXUS GS300 បើកបរមិនប្រកាន់ស្តាំ ទៅបុករថយន្តម៉ាក ហ៊ីយ៉ាន់ដាយ ដាច់កង់ក្រោយរងរបួសធ្ងន់

ខេត្តស្វាយរៀង៖ ករណីគ្រោះថ្នាក់ចរាចរណ៍មួយដ៏រន្ធត់រវាងរថយន្តGS300 និងរថយន្តធុនធំម៉ាកយីយ៉ានដាយ ដែលបណ្តាលឱ្យមានមនុស្សរងរបួសធ្ងន់ និងស្រាល។

ករណីគ្រោះថ្នាក់ចរាចរណិបានកើតឡើងកាល ថ្ងៃ អាទិត្យ ត្រូវនិងថ្ងៃទី១២ ខែមីនា ឆ្នាំ២០២៣ វេលាម៉ោង២២:០២ នាទី នៅលើផ្លូវជាតិលេខ១៣ ចន្លោះ គីឡូម៉ែត្រលេខ០៦-០៧ ស្ថិតក្នុងភូមិអកនាគ សង្កាត់ សង្ឃ័រ ក្រុងស្វាយរៀង។

យោងតាមសមត្ថកិច្ចបានឱ្យដឹងថា នៅមុនពេលកើតហេតុ មានរថយន្តមួយគ្រឿង ម៉ាកហ៊ីយ៉ាន់ដាយ ពណ៏ ស ពាក់ផ្លាកលេខ កណ្ដាល ៣A ២៨១៧ អ្នកបើកបរមិនស្គាល់អត្តសញ្ញាណ ( រត់គេចពីកន្លែងកើតហេតុ ) បើកបរពីត្បូងទៅជើង លុះមកដល់កន្លែងកើតហេតុខាងលើ ស្រាប់តែមានរថយន្តម៉ាក LEXUSGS300 ពណ៌ ស ពាក់ផ្លាកលេខ ភ្នំពេញ ២BM ៥០៩០ បើកបរដោយបុរសម្នាក់ឈ្មោះ ឆាយ សំភាស់ ភេទ ប្រុស អាយុ២៦ឆ្នាំ មុខរបរ អាវុធហត្ថ រស់នៅភូមិ កំពង់ចក ឃុំកំពង់ចក ស្រុ រំដួល ខេត្តស្វាយរៀង បើកបរពីជើងទៅត្បូង អ្នកបើកបររងរបួសធ្ងន់ និងអ្នករបួសសម្រាកព្យាបាលនៅមន្ទីរពេទ្យខេត្តស្វាយរៀង។