កំពង់ឆ្នាំង៖ ក្រសួងកសិកម្ម រុក្ខាប្រមាញ់ និងនេសាទ សហការជាមួយមន្ទីរកសិកម្មរុក្ខាប្រមាញ់ និងនេសាទ ខេត្តកំពង់ឆ្នាំង នៅថ្ងៃទី២០ ខែកញ្ញា ឆ្នាំ២០២១នេះ បានចុះពិនិត្យមើលបទល្មើសនេសាទ នៅតាមដងទន្លេសាប ក្នុងភូមិសាស្ត្រខេត្តកំពង់ឆ្នាំង ខេត្តកំពងធំ និងខេត្តកំពង់ចាម។
![](https://puthinews.com/wp-content/uploads/2021/09/photo_2021-09-21-17.16.39-1024x634.jpeg)
នៅក្នុងឱកាសអញ្ជើញចុះមកកាន់តំបន់ទន្លេសាបនាពេលនេះ លោក ណៅ ធួក បានដឹកនាំកម្លាំងជំនាញរដ្ឋបាលជលផល កម្លាំងសហគមន៍នេសាទ ខេត្តដែលពាក់ព័ន្ធធ្វើការបង្ក្រាបបទល្មើស ជាក់ស្តែងតែម្តង។
លោក លី ឡា នាយខណ្ឌរដ្ឋបាលជលផលនៃមន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំង បានឱ្យដឹងថា ក្នុងប្រតិបត្តិការបង្ក្រាបបទល្មើសនេសាទនេះ កម្លាំងជំនាញបានសម្រេចរុះរើបំផ្លាញចោលមានរបាំងស្បៃមុង៣៥កន្លែង ប្រវែង ២ ៦០០ម៉ែត្រ លូស្បៃមុង៣៥គ្រឿង និងបានចាក់លែងត្រីចម្រុះទៅក្នុងដែនទឹកធម្មជាតិវិញចំនួន៣០០គីឡូក្រាម។
![](https://puthinews.com/wp-content/uploads/2021/09/photo_2021-09-21-17.16.44-1.jpeg)
![](https://puthinews.com/wp-content/uploads/2021/09/photo_2021-09-21-17.16.44-1.jpeg)
ឆ្លៀតក្នុងឱកាសនោះដែរ លោកបានចុះជួបសំណេះសំណាលជាមួយកម្លាំងយាមកន្លែងអភិរក្សជលផលបឹងប្រា ក្នុងខេត្តកំពង់ឆ្នាំង ដោយបានឧបត្ថម្ភថវិកា និងគ្រឿងឧបភោគបរិភោគមួយចំនួនផងដែរ៕
![](https://puthinews.com/wp-content/uploads/2021/09/photo_2021-09-21-17.16.45.jpeg)
![](https://puthinews.com/wp-content/uploads/2021/09/photo_2021-09-21-17.16.45.jpeg)
![](https://puthinews.com/wp-content/uploads/2021/09/photo_2021-09-21-17.16.46-1-1024x616.jpeg)
![](https://puthinews.com/wp-content/uploads/2021/09/photo_2021-09-21-17.16.46-1-1024x616.jpeg)
អត្ថបទ និងរូបភាពដោយ៖ Puthi News