32 C
Phnom Penh
Sunday, June 26, 2022

ឥទ្ធិពលមូសុងនិរតីក្នុងកម្រិតមធ្យមទៅខ្លាំង ជ្រលងសម្ពាធទាបប៉ាស៊ីហ្វិច ឥទ្ធិពលព្យុះទី១៧ និងប្រព័ន្ធម្ពាធទាប

ស្តាប់អត្ថបទជាសំឡេង

ភ្នំពេញ៖  សម្ពាធទាបសកម្ម  នឹងកើតឡើងនៅលើប្រទេសហ្វីលីពីន នៅថ្ងៃទី០៨ ខែតុលា ឆ្នាំ២០២១ ។ សម្ពាធទាបសកម្មនេះនឹងបង្កើនឥទ្ធិពលជាបន្តបន្ទាប់ធ្វើដំណើរចូលក្នុងសមុទ្រចិនខាងត្បូង ដោយអាចបង្កើតឥទ្ធិពលទៅជាព្យុះទី១៧ (មិនទាន់មានឈ្មោះជាផ្លូវការ)។ 

ដូចនេះនាសប្តាហ៍ខាងមុខកម្ពុជានឹងទទួលនៅបណ្តាឥទ្ធិពលជាអាទិ៍ មូសុងនិរតីក្នុងកម្រិតមធ្យមទៅខ្លាំង ជ្រលងសម្ពាធទាបប៉ាស៊ីហ្វិច  ឥទ្ធិពលព្យុះទី១៧ និងប្រព័ន្ធម្ពាធទាប (ITCZ)។ នេះបើយោងតាមការឱ្យដឹងក្រសួងធនធានទឹក  និងឧតុនិយម។ ស្ថានភាពបែបនេះ  នឹងធ្វើឱ្យបណ្តាលខេត្តមួយចំនួនទទួលរង ដូចជា  នៅតំបន់វាលទំនាបកណ្តាល ខេត្តជាប់ជួរភ្នំដងរែក និងខ្ពង់រាបឦសាន  និងតំបន់មាត់សមុទ្រ។ 

ចំពោះបណ្តាខេត្តនៅតំបន់វាលទំនាបកណ្ដាល សីតុណ្ហភាពអប្បបរមា មានពី២១-២៣°C និងសីតុណ្ហភាពអតិបរមា មានពី២៨-៣០ºC  អាចនឹងមានពពកច្រើនដេរដាស មានភ្លៀងផ្គរ រន្ទះ ក្នុងកម្រិតពីមធ្យមទៅខ្លាំង ដែលអាចបង្កជាជំនន់ទឹកភ្លៀងក្នុងភូមិសាស្ត្រមួយចំនួន រាជធានីភ្នំពេញ កណ្តាល ស្វាយរៀង ព្រៃវែង កំពង់ស្ពឺ តាកែវ កំពង់ឆ្នាំង ពោធិ៍សាត់ កំពង់ធំ និងសៀមរាប។ នៅថ្ងៃទី១០-១២ ខែតុលា នឹងអាចមានខ្យល់កន្ត្រាក់ក្នុងល្បឿនមធ្យម។

បណ្តាខេត្តជាប់ជួរភ្នំដងរែក និងខ្ពង់រាបឦសាន សីតុណ្ហភាពអប្បបរមាមានពី១៩-២១ °C និងសីតុណ្ហភាពអតិបរមា មានពី ២៥-២៧°C អាចនឹងមានពពកច្រើនដេរដាស មានភ្លៀងផ្គរ រន្ទះ ក្នុងកម្រិតពីមធ្យមទៅខ្លាំង ដែលអាចបង្កជាជំនន់ ទឹកភ្លៀងក្នុងភូមិសាស្ត្រមួយចំនួន ព្រះវិហារ ឧត្ដរមានជ័យ កំពង់ចាម និងត្បូងឃ្មុំ។ នៅថ្ងៃទី១០-១២ ខែតុលា  នឹងអាចមានខ្យល់កន្ត្រាក់ ក្នុងល្បឿនពីមធ្យមទៅខ្លាំង។

ដោយឡែកនៅតំបន់មាត់សមុទ្រ សីតុណ្ហភាពអប្បបរមា មានពី២១-២៣°C  និងសីតុណ្ហភាពអតិបរមា មានពី២៥-២៧°C  អាចនឹងមានពពកច្រើន មានភ្លៀងក្នុងកម្រិតពីតិចទៅមធ្យម  អាចនឹងមានពពកច្រើនដេរដាស មានភ្លៀង ផ្គររន្ទះ ក្នុងកម្រិតមធ្យមទៅខ្លាំង ដែលអាចបង្កជាជំនន់ទឹកភ្លៀងក្នុងភូមិសាស្ត្រមួយចំនួន ដូចជា កោះកុង និងក្រុងព្រះសីហនុ។ នៅថ្ងៃទី១០-១២ ខែតុលា នឹងអាចមានខ្យលកន្ត្រាក់ ក្នុងល្បឿនពីមធ្យមទៅខ្លាំង ជាមួយ នឹងរលកនៅលើផ្ទៃសមុទ្រ មានកម្ពស់ពីមធ្យម  ទៅខ្ពស់។

ចំពោះតំបន់នៅទំនាបកណ្តាល ជួរភ្នំដងរែក ខ្ពង់រាបឦសាន និងតំបន់មាត់សមុទ្រ នឹងមានភ្លៀងផ្គរ រន្ទះ ពីខ្សោយទៅច្រើន និងអាចមានភ្លៀង រន្ទះ ផ្សែងក្រូចជាច្រើននិងមានសីតុណ្ហភាពអប្បបរមាពី២១អង្សាសេទៅ២៣អង្សាសេ និងអតិបរមាពី ២៥អង្សាសេ  ទៅ២៧អង្សារសេ។ នៅថ្ងៃទី១០-១២ ខែតុលា នឹងអាចមានខ្យល់កន្ត្រាក់ក្នុងល្បឿនពីមធ្យមទៅខ្លាំង ជាមួយនឹងរលកនៅលើផ្ទៃសមុទ្រមានកម្ពស់ពីមធ្យមទៅខ្ពស់៕

អត្ថបទ និងរូបភាពដោយ៖ Puthinews

- Advertisement -spot_imgspot_img

អានបន្ត