ភ្នំពេញ ៖ ឧត្តមសេនីយ៍ ឈុំ សុជាតិរដ្ឋលេខាធិការ និងជាអ្នកនាំពាក្យក្រសួងការពារជាតិ បានប្រាប់ ពុទ្ធិញូវ នាថ្ងៃទី១៩ ខែមករា ឆ្នាំ២០២២នេះថា ចំពោះអ្នកចាក់វ៉ាក់សាំងបង្ការជំងឺកូវីដ១៩ ដែលមិនទាន់ទទួលបានប័ណ្ណចាក់វ៉ាក់សាំង សូមទៅទំនាក់ទំនង នៅកន្លែងដែលខ្លួនធ្លាប់បានចាក់ ឬនៅកងរាជអាវុធហត្ថ ក្នុងមូលដ្ឋានរបស់ខ្លួន ដើម្បីស្វែងរក ឬធ្វើប័ណ្ណនេះឡើង។
![](https://puthinews.com/wp-content/uploads/2022/01/photo_2022-01-19_22-49-54.jpg)
លោក ឈុំ សុជាត បានមានប្រសាសន៍ថា “ក្រសួងបានទទួលដំណឹងនេះច្រើន ពីសំណាក់ប្រជាពលរដ្ឋ ហើយបាននឹងកំពុងធ្វើការជាមួយអង្គភាព ដែលទទួលបន្ទុកចេញប័ណ្ណចាក់វ៉ាក់សាំងនេះ”។ ឯកឧត្តមបន្ថែមថា ក្រសួងនឹងធ្វើការដោះស្រាយជូនប្រជាពលរដ្ឋ នូវបញ្ហានេះ ដោយមិនទុកចោលនោះទេ។
លោកបានទទួលស្គាល់ថា ការចេញប័ណ្ណចាក់វ៉ាក់សាំងនេះយឺត ដោយសារមានមនុស្សទៅចាក់ច្រើន ហើយក្រុមគ្រូពេទ្យក្របខណ្ឌការពារជាតិ សម្រុកចាក់ ធ្វើយ៉ាងណាឲ្យបានវ៉ាក់សាំងចូលខ្លួនសិន ដើម្បីទប់ស្កាត់ជំងឺកូវីដ១៩ ហើយបណ្ណចាក់វ៉ាក់សាំង ទើបធ្វើតាមក្រោយ។
![](https://puthinews.com/wp-content/uploads/2022/01/photo_2022-01-19_22-49-59.jpg)
![](https://puthinews.com/wp-content/uploads/2022/01/photo_2022-01-19_22-49-59.jpg)
យោងតាមរបាយការណ៍ អ្នកដែលបានចាក់វ៉ាក់សាំងទូទាំងប្រទេស ក្នុងនោះរួមទាំងក្រសួងការពារជាតិផងដែរ បានបង្ហាញថា កំណើនអត្រាចាក់វ៉ាក់សាំងកូវីដ១៩ នៅកម្ពុជា គិតត្រឹមថ្ងៃទី១៨ ខែមករា ឆ្នាំ២០២២ រួមមាន៖ -លើប្រជាជនអាយុពី១៨ឆ្នាំឡើងមាន១០១,៨២% ធៀបជាមួយចំនួនប្រជាជនគោលដៅ១០លាននាក់
-លើកុមារ-យុវវ័យអាយុពី ១២ឆ្នាំ ទៅក្រោម១៨ឆ្នាំ មាន៩៩,៣៣% ធៀបជាមួយចំនួនប្រជាជនគោលដៅ ជាង១លាន៨សែននាក់ (១,៨២៧,៣៤៨ នាក់)
-លើកុមារអាយុពី០៦ឆ្នាំ ដល់ក្រោម១២ឆ្នាំ មាន១០៥,៦៧% ធៀបជាមួយនឹងប្រជាជនគោលដៅ ជិត១លាន៩សែននាក់ (១,៨៩៧, ៣៨២នាក់)
-លើកុមារអាយុ០៥ឆ្នាំ មាន១០៣,៩៦% ធៀបជាមួយនឹងប្រជាជនគោលដៅ ជាង៣សែននាក់ (៣០៤,៣១៧នាក់)
-លទ្ធផលចាក់វ៉ាក់សាំង ធៀបនឹងចំនួនប្រជាជនសរុប១៦លាន នាក់ មាន៨៩,៤៩% ៕
![](https://puthinews.com/wp-content/uploads/2022/01/photo_2022-01-19_22-50-06-1024x683.jpg)
![](https://puthinews.com/wp-content/uploads/2022/01/photo_2022-01-19_22-50-06-1024x683.jpg)
![](https://puthinews.com/wp-content/uploads/2022/01/photo_2022-01-19_22-50-11-1024x683.jpg)
![](https://puthinews.com/wp-content/uploads/2022/01/photo_2022-01-19_22-50-11-1024x683.jpg)
![](https://puthinews.com/wp-content/uploads/2022/01/photo_2022-01-19_22-55-45-1024x683.jpg)
![](https://puthinews.com/wp-content/uploads/2022/01/photo_2022-01-19_22-55-45-1024x683.jpg)
អត្ថបទ និងរូបភាពដោយ Puthinews
YOUTUBE | Puthinews