អាល់កុលក្លែងក្លាយ ប្រមាណ ២១តោនបន្ថែមទៀត ត្រូវបានយកទៅកម្ទេចចោល

ភំ្នពេញ៖ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ(កបប) បានសហការជាមួយអាជ្ញាធរមូលដ្ឋានរបស់សាលាខណ្ឌដង្កោ ដែលស្ថិតនៅទីលានចាក់សំរាម ខណ្ឌដង្កោ រាជធានីភ្នំពេញ បានធ្វើការកម្ទេចចោលអាល់កុលក្លែងក្លាយ (មេតាណុល) ចំនួន ៧០១ ប៊ីដុង ដែលស្មើនឹង ២១, ០៥២លីត្រ ដែលបានមកពីការចាប់ និងដកហូតតាមបណ្ដាទីផ្សារនានាកន្លងមក។

សូមបញ្ជាក់ថា ការកម្ទេចចោលអាល់កុលក្លែងក្លាយដ៏ច្រើននេះ ដោយមានការឯកភាពពីស្ថាប័នអយ្យការអមសាលាដំបូងរាជធានីភ្នំពេញ ផងដែរ។ កន្លងមក អាល់កុលក្លែងក្លាយនេះ ក៏ត្រូវបានមន្ត្រីជំនាញបានធ្វើការកម្ទេចចោលច្រើនលើករួចមកហើយ ដែលមានចំនួនរាប់រយតោនឯណោះ ដើម្បីកុំឱ្យប៉ះពាល់ដល់សុខភាពអ្នកប្រើប្រាស់៕

អត្ថបទ និងរូបភាពដោយ Puthinews