អាជ្ញាធររាជធានីភ្នំពេញ ប្រកាសបិទ មហាវិថីឈ្នះឈ្នះ ចាប់ ពីគល់ស្ពានព្រែកព្នៅ រហូតដល់ផ្លូវជាតិលេខ៦

ស្តាប់អត្ថបទជាសម្លេង

ភ្នំពេញ៖  រដ្ឋបាលរាជធានីភ្នំពេញ  បានប្រកាសបិទ កំណាត់មហាវិថីឈ្នះឈ្នះ ចាប់ ពីគល់ស្ពានព្រែកព្នៅ  រហូតដល់ផ្លូវជាតិលេខ៦ ចាប់ពីម៉ោង៤ទៀបភ្លឺ  រហូតដល់វេលាម៉ោង  ៧ព្រឹក   នៅថ្ងៃទី១២  ខែកញ្ញា  ឆ្នាំ២០២១  ដើម្បីបញ្ចៀសចរាចរក្នុងពិធីប្រគល់-ទទួលវិមានកីឡដ្ឋាន នៃពហុកីឡដ្ឋានជាតិមរតកតេជោ ស្ថិតក្រោមអធិបតីភាពសម្តេចតេជោ ហ៊ុន សែន។ 

ប្រជាពលរដ្ឋ ម្ចាស់ការដ្ឋានសំណង់នានា ម្ចាស់អាជីវកម្មក្រឡុកស៊ីម៉ង់ត៏ ម្ចាស់រថយន្តដឹកទំនិញគ្រប់ប្រភេទ រថយន្តឈ្នួលដឹកអ្នកដំណើរ និងម៉ូតសណ្តោងរ៉ឺម៉កគ្រប់ប្រភេទត្រូវបានហាមធ្វើចរាចរឆ្លងកាត់កំណាត់មហាវិថីឈ្នះឈ្នះ ពីគល់ស្ពានព្រែកព្នៅ  រហូតដល់ផ្លូវជាតិលេខ៦។ 

 ចំពោះរថយន្តធុនធំ រថយន្តដឹកទំនិញ និងរថយន្តទេសចរណ៍ ដែលធ្វើចរាចរតាមផ្លូវជាតិលេខ៥ត្រូវឆ្លងទៅផ្លូវជាតិលេខ៦ និងពីផ្លូវជាតិលេខ៦ ឆ្លងមកផ្លូវជាតិលេខ៥ ត្រូវពង្វាងចរាចរឆ្លងកាត់តាមស្ពានព្រែកក្តាមវិញ៕

អត្ថបទ និងរូបភាពដោយ៖ Puthi News