ស្តាប់អត្ថបទជាសម្លេង
ត្បូងឃ្មុំ៖ ក្រុមហ៊ុនរ៉ុករករ៉ែ រ៉ឺនេសង់ មីនើរ៉ល លីមីធីត បានទទួលបានសិទ្ធិរុករករ៉ែមាសពីក្រសួងរ៉ែ និងថាមពល នៅតំបន់សំពៅលូន ក្នុងឃុំជាំតាម៉ៅ ស្រុកមេមត់ ខេត្តត្បូងឃ្មុំ។ បន្ទាប់ពីទទួលបាលសិទ្ធិហើយ ក្រុមហ៊ុនមួយនេះបានស្វះស្វែងជួយជាមួយអាជ្ញាធរខេត្ត និងមន្ត្រីពាក់ព័ន្ធក្នុងខេត្ត។ ជាក់ស្តែងនៅថ្ងៃទី០៩ ខែកញ្ញា ឆ្នាំ២០២១ តំណាងក្រុមហ៊ុននេះ បានជួបជាមួយ លោក ជាម ច័ន្ទសោភ័ណ្ឌ អភិបាលខេត្តត្បូងឃ្មុំ ដើម្បីពិភាក្សាការងារ។
![](https://puthinews.com/wp-content/uploads/2021/09/photo_2021-09-10-09.13.21-1024x768.jpeg)
ក្នុងជំនួបនោះ លោក ជាម ច័ន្ទសោភ័ណ្ឌ បានស្នើដល់ភាគីក្រុមហ៊ុន ត្រូវរក្សាចំណុចណាមួយសម្រាប់ប្រជាពលរដ្ឋដែលកំពុងរស់នៅ និងអាស្រ័យផលក្នុងតំបន់នោះ ដោយធ្វើយ៉ាងណាកុំឱ្យមានការថ្នាំងថ្នាក់ធ្ងន់ធ្ងរចំពោះប្រជាពលរដ្ឋខ្លួន។ សព្វថ្ងៃមានប្រជាប្រជាពលរដ្ឋមួយចំនួន បាននិងកំពុងអាស្រ័យផលក្នុងតំបន់នោះដោយពួកគាត់ធ្វើសកម្មភាពរ៉ែងជាលក្ខណៈគ្រួសារ ដើម្បីរកប្រាក់ចំណូលទ្រទ្រង់ជីវភាពគ្រួសារ ក្នុងបរិបទនៃការរីករាលដាលជំងឺកូវីដ-១៩។ ដូច្នេះខាងក្រុមហ៊ុនដែលទទួលបានអាជ្ញាប័ណពីក្រសួង ត្រូវយោគយល់ និងដោះស្រាយផលប៉ះពាល់ជូនប្រជាពលរដ្ឋឱ្យបានសមរម្យ។
ចំពោះខាងតំណាងក្រុមហ៊ុនវិញ និងបានសុំផ្តល់ការងារជូនប្រជាពលរដ្ឋក្នុងតំបន់នោះ ដើម្បីឱ្យពួកគាត់មានការងារធ្វើជៀសវាងការធ្វើចំណាក់ស្រុក ទៅរកការងារធ្វើឆ្ងាយ ឬចេញទៅក្រៅប្រទេសជាដើម។ ក្រៅពីនេះ បានសំណួមពរដល់អាជ្ញាធរខេត្ត ស្រុក ឱ្យជួយផ្តល់កិច្ចសហការ ដើម្បីធ្វើយ៉ាងណាឱ្យដំណើរការរ៉ុករករ៉ែធ្វើទៅបានរលូន ព្រោះជាផលប្រយោជន៍ទាំងអស់គ្នា ទាំងខាងក្រុមហ៊ុន និងរាជរដ្ឋាភិបាល៕
![](https://puthinews.com/wp-content/uploads/2021/09/photo_2021-09-10-09.13.19-1024x768.jpeg)
![](https://puthinews.com/wp-content/uploads/2021/09/photo_2021-09-10-09.13.19-1024x768.jpeg)
![](https://puthinews.com/wp-content/uploads/2021/09/photo_2021-09-10-09.13.08-1024x768.jpeg)
![](https://puthinews.com/wp-content/uploads/2021/09/photo_2021-09-10-09.13.08-1024x768.jpeg)
![](https://puthinews.com/wp-content/uploads/2021/09/photo_2021-09-10-09.13.10-1024x768.jpeg)
![](https://puthinews.com/wp-content/uploads/2021/09/photo_2021-09-10-09.13.10-1024x768.jpeg)
![](https://puthinews.com/wp-content/uploads/2021/09/photo_2021-09-10-09.13.00-1024x768.jpeg)
![](https://puthinews.com/wp-content/uploads/2021/09/photo_2021-09-10-09.13.00-1024x768.jpeg)
![](https://puthinews.com/wp-content/uploads/2021/09/photo_2021-09-10-09.13.03-1024x768.jpeg)
![](https://puthinews.com/wp-content/uploads/2021/09/photo_2021-09-10-09.13.03-1024x768.jpeg)
អត្ថបទ និងរូបភាពដោយ៖ Puthi News