ស្តាប់អត្ថបទជាសម្លេង
អាជ្ញាធរសុខាភិបាលនៅក្នុងប្រទេសហ្គីណេកំពុងតាមដានសុខភាពមនុស្សចំនួន១៥៥នាក់ដែលប្រហែលជាមានទំនាក់ទំនងជាមួយអ្នកជំងឺម្នាក់ដែលឆ្លងវីរុស ម៉ាបឺក (Marburg)
ជាវីរុសបង្កជំងឺគ្រុនឈាមដែលអាចឆ្លងបានលឿនស្រដៀងទៅនឹងវីរុសអេបូឡា (Ebola) ។
ករណីឆ្លងវីរុស ម៉ាបឺក (Marburg) ដែលអង្គការសុខភាពពិភពលោកបាននិយាយថាជាករណីដំបូងនៅតំបន់អាហ្វ្រិកខាងលិចនេះត្រូវបានគេរកឃើញនៅក្នុងភាគអាគ្នេយ៍នៃប្រទេសហ្គីណេ។
តំបន់នោះគឺជាប្រភពដើមនៃការផ្ទុះឡើងនូវជំងឺអេបូឡានៅអាហ្វ្រិកខាងលិចនៅឆ្នាំ២០១៤ និងឆ្នាំ២០១៦ដែលជាការផ្ទុះឡើងដ៏អាក្រក់បំផុតក្នុងប្រវត្តិសាស្ត្រ។
![](https://puthinews.com/wp-content/uploads/2021/08/photo_2021-08-12-08.01.50.jpeg)
លោក ចច គីហ្ស៊ែបូ (Georges Ki-Zerbo) ប្រធានអង្គការសុខភាពពិភពលោកប្រចាំប្រទេសហ្គីណេបាននិយាយថា វីរុស ម៉ាបឺក (Marburg) បានចរាចរនៅក្នុងខ្លួនសត្វជាពិសេសគឺ
សត្វប្រចៀវនៅភាគខាងត្បូងប្រទេសហ្គីណេ និងប្រទេសក្បែរខាងរួមមានសៀរ៉ាឡេអូន និងលីបេរីយ៉ា។
ភ្នាក់ងារបង្ករោគបានចម្លងពីសត្វទៅមនុស្សនៅក្នុងតំបន់នោះតាមរយៈការហូបសាច់សត្វព្រៃ។
គួរបញ្ជាក់ថា វីរុស ម៉ាបឺក (Marburg) និងវីរុសអេបូឡា (Ebola) មានភាពស្រដៀងគ្នាខ្លាំង ហើយវាអាចចម្លងពីមនុស្សម្នាក់ទៅមនុស្សម្នាក់តាមរយៈឈាម ឬសារធាតុរាវផ្សេងទៀតដែលបញ្ចេញ
ពីរាងកាយមនុស្ស៕
![](https://puthinews.com/wp-content/uploads/2021/08/photo_2021-08-12-08.01.44.jpeg)
![](https://puthinews.com/wp-content/uploads/2021/08/photo_2021-08-12-08.01.44.jpeg)
![](https://puthinews.com/wp-content/uploads/2021/08/photo_2021-08-12-08.01.48.jpeg)
![](https://puthinews.com/wp-content/uploads/2021/08/photo_2021-08-12-08.01.48.jpeg)
![](https://puthinews.com/wp-content/uploads/2021/08/photo_2021-08-12-08.01.46.jpeg)
![](https://puthinews.com/wp-content/uploads/2021/08/photo_2021-08-12-08.01.46.jpeg)
អត្ថបទនិងរូបភាពដោយ Puthi News