32 C
Phnom Penh
Sunday, June 26, 2022

អង់គ្លេសនឹងទទួលយកជនភៀសខ្លួនអាហ្វហ្គានីស្ថាន ២ម៉ឺននាក់បន្ទាប់ពីក្រុមតាលីបង់ចូលគ្រប់គ្រងអាហ្វហ្គានីស្ថាន

ស្តាប់អត្ថបទជាសម្លេង

រដ្ឋាភិបាលអង់គ្លេស  កាលពីថ្ងៃអង្គារ  បានសន្យាថា  ជនភៀសខ្លួនអាហ្វហ្គានីស្ថានរាប់ពាន់នាក់នឹងបានតាំងទីលំនៅថ្មីនៅអង់គ្លេស  បន្ទាប់ពីក្រុមតាលីបង់បានចូលគ្រប់គ្រងប្រទេសអាហ្វហ្គានីស្ថានវិញ។ 

នៅក្រោមគម្រោងថ្មីនេះ  ពលរដ្ឋអាហ្វហ្គានីស្ថានរហូតទៅដល់ ២ម៉ឺននាក់នឹងត្រូវបានទទួលយកដេីម្បីឲ្យទៅតាំងទីលំនៅនៅក្នុងប្រទេសអង់គ្លេសនៅក្នុងរយៈពេលប៉ុន្មានឆ្នាំទៅមុខ។ 

នៅក្នុងឆ្នាំដំបូង  ជនភៀសខ្លួនអាហ្វហ្គានីស្ថានចំនួន ៥ពាន់នាក់នឹងត្រូវបានទទួលយក នៅក្រោមគម្រោងនេះ ដោយអាទិភាពនឹងត្រូវបានផ្ដល់ទៅឲ្យស្ត្រី ,  ក្មេងស្រី  និងអ្នកផ្សេងៗទៀតដែលមានតម្រូវការចាំបាច់។ 

រដ្ឋមន្រ្តីក្រសួងមហាផ្ទៃអង់គ្លេសបានជំរុញឱ្យប្រទេសដទៃទៀតជួយទទលយកជនភៀសខ្លួនអាហ្វហ្គានីស្ថាន  ដោយលោកបានសរសេរនៅលេីបណ្ដាញសង្គមថា  «យើងមិនអាចធ្វើរឿងនេះតែម្នាក់ឯងបានទេ»។ 

ប៉ុន្តែទោះជាយ៉ាងណា  គណបក្សប្រឆាំងខ្លះនៅអង់គ្លេសបានរិះគន់គម្រោងទទួលយកជនភៀសខ្លួនអាហ្វហ្គានីស្ថានឲ្យមកតាំងទីលំនៅនៅអង់គ្លេសនេះ  ដោយពួកគេបាននិយាយថា  គម្រោងនេះមិនទាន់ទូលំទំលាយគ្រប់គ្រាន់ទេ។ 

សូមបញ្ជាក់ថា  ផែនការថ្មីនេះគឺជាគម្រោងបន្ថែមពីលើគម្រោងដែលមានស្រាប់របស់អង់គ្លេសដែលនឹងទទួលយកអ្នកបកប្រែជនជាតិអាហ្វហ្គានីស្ថាន  និងបុគ្គលិក ដទៃទៀតដែលធ្លាប់បានធ្វើការឱ្យអង់គ្លេសឲ្យទៅតាំងទីលំនៅនៅអង់គ្លេស៕

អត្ថបទ នឹង រូបភាព Puthi News

- Advertisement -spot_imgspot_img

អានបន្ត