ស្ថានអគ្គកុងស៊ុលកម្ពុជា ជួយអន្តរាគមន៍ពលករ និងអាជីវករនៅដីថៃ វិលត្រឡប់មកវិញ

ស្តាប់អត្ថបទជាសម្លេង

ភ្នំពេញ៖ ស្ថានអគ្គកុងស៊ុលកម្ពុជា បានប្រមូលប្រជាពលករ និងកម្មករខ្មែរ ដែលមកពីបណ្តារខេត្តនានានៃប្រទេសថៃ ហើយមកកកស្ទះនៅផ្សាររុងគ្លឿ និងនៅមុខស្ថានអគ្គកុងស៊ុល រួមទាំងបងប្អូនអាជីវករ កម្មករនៅផ្សាររុងគ្លឿផងដែរ ដែលត្រៀមសម្រុកចេញទៅប្រទេសខ្មែរ ចំនួន១៦៥នាក់ (ស្ត្រី៦១ និងក្មេង២០នាក់) កាលពីថ្ងៃទី១៨ ខែសីហា ២០២១ម្សិលមិញ។ នេះបើយោងតាម លោក កុយ គួង អ្នកនាំពាក្យក្រសួងការបរទេស នៅថ្ងៃនេះ។

អ្នកនាំពាក្យក្រសួងការបរទេស បានបញ្ជាក់ថា៖ ស្ថានអគ្គកុងស៊ុលកម្ពុជា តែងតែធ្វើអន្តរាគមន៍ទៅសម្ថកិច្ចថៃ និងបានជួលរថយន្តដឹកពលករខ្មែរទាំងនោះ ទៅប្រគល់ឱ្យសមត្ថកិច្ច និងក្រុមការងារទប់ស្កាត់ជំងឺកូវីដ-១៩កម្ពុជា នៅច្រកអូរបីជាន់ ដើម្បីចាត់វិធានការតាមនីតិវិធីសុខាភិបាលបន្ត។

អនុវត្តតាមអនុសាសន៍ណែនាំរបស់ប្រមុខរាជរដ្ឋាភិបាលកម្ពុជា ឯកអគ្គរាជទូត និងស្ថានអគ្គកុងស៊ុល ប្រចាំខេត្តសាកែវប្រទេសថៃ បានជួយអន្តរាគមន៍ដល់ប្រជាពលរដ្ឋខ្មែរ ដែលជួបការលំបាក និងអ្នកដែលចាញ់បោកមេខ្យល់ នាំឆ្លងដែនដោយខុសច្បាប់ ទៅស្វែងរកការងារធ្វើនៅប្រទេសថៃ ដោយប្រថុយប្រថាន ដែលពួកគាត់ប្រឈមនឹងគ្រោះថ្នាក់ដោយប្រការណាមួយ៕

អត្ថបទ និងរូបភាពដោយ៖ Puthi News