ភ្នំពេញ ៖ តំណាងអយ្យការអមសាលាដំបូងរាជធានីភ្នំពេញ បានចេញដីកាកោះ ជាលើកទី២ ដើម្បីហៅលោកឧត្តមសេនីយ៍ត្រីនគរបាលម្នាក់ ឱ្យចូលខ្លួនបំភ្លឺ ពាក់ព័ន្ធនឹងបណ្តឹងចោទពីបទឆរបោកប្រាក់ចំនួន២.៦៥០០ដុល្លារសហរដ្ឋអាមេរិកជាថ្នូរថ្លៃរត់ការចូលក្រមខណ្ឌនគរបាលជាតិ។
លោកផ្កាយ១ខាងលើមានឈ្មោះ កែវ រ័ត្នមុនី ភេទប្រុស កើតនៅឆ្នាំ១៩៨២ មាន តួនាទីជាអនុប្រធាននាយកដ្ឋានស៊ើបអង្កេត និងអនុវត្តនីតិវិធីនៃអគ្គនាយកដ្ឋាន អន្តោប្រវេសន៍ក្រសួងមហាផ្ទៃ មានអសយដ្ឋានផ្ទះលេខ១០C,១២E0E1ផ្លូវលេខ២៧១ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ។
![](https://puthinews.com/wp-content/uploads/2023/02/photo_2023-02-27-22.20.56.jpeg)
យោងតាមដីកាកោះ ជាលើកទី២ អយ្យការអមសាលា ដំបូងរាជធានីភ្នំពេញបានឲ្យដឹងថា យើងសេង ម៉េងស្រ៊ុន តំណាងអយ្យការអមសាលាដំបូងរាជធានីភ្នំពេញអញ្ជើញឈ្មោះ កែវ រ័ត្នមុនី ភេទប្រុសកើតនៅឆ្នាំ១៩៨២ មានអសយដ្ឋានផ្ទះលេខ ១០C,១២E0E1 ផ្លូវលេខ ២៧១ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ អោយចូលមកកាន់អយ្យការអមសាលាដំបូងរាជធានីភ្នំពេញ (ជាន់ទី៥ បន្ទប់«ព») នៅថ្ងៃទី២៨ខែកុម្ភះ ឆ្នាំ ២០២៣ វេលាម៉ោង៩ព្រឹក ដើម្បីបំភ្លឺពីដំណើររឿងពាក់ព័ន្ធបណ្តឹងពីបទ ឆរបោក ។
សូមជម្រាបថា កាលពីកំឡុង ឆ្នាំ២០២១ លោកឧត្តមសេនីយ៍ត្រី កែវ រ័ត្នមុនី ដែលមានតួនាទីជាអនុប្រធាននាយកដ្ឋានស៊ើបអង្កេតនិងអនុវត្តនីតិវិធី(ន៧)នៃអគ្គនាយកដ្ឋាន អន្តោប្រវេសន៍
ក្រសួងមហាផ្ទៃ បានអះអាងថា ខ្លួន មានសិទ្ធិសម្រេចរើសក្របខណ្ឌនគរបាលជាតិហើយ បានលួងលោមនិងបញ្ចុះបញ្ចូល បុរសម្នាក់ ដែលជាអ្នកស្គាល់គ្នា អោយចូលក្របខណ្ឌនគរបាលជាតិ ដោយបានពាក់ស័ក្ត២ ថែមទៀត។
តាមព័ត៌មានឱ្យទៀតថា លោកឧត្តមសេនីយ៍ត្រីកែវ រ័ត្នមុនី បានធានាអះអាងថា គាត់រត់ការបានជោគជ័យ ព្រោះខ្លួនស្គាល់ស្និទជាមួយថ្នាក់ដឹកនាំជាន់ខ្ពស់របស់ក្រសួងមហាផ្ទៃ ដែលមានសិទ្ធិសម្រេច។នៅក្នុងនោះតម្រូវ អោយប្រគល់ប្រាក់ចំនួន២៦៥០០ដុល្លារ តាម ABAជាថ្នូរថ្លៃរត់ការចូលក្រមខណ្ឌនគរបាលជាតិនោះ៕
![](https://puthinews.com/wp-content/uploads/2023/02/photo_2023-02-27-22.20.58.jpeg)
![](https://puthinews.com/wp-content/uploads/2023/02/photo_2023-02-27-22.20.58.jpeg)
![](https://puthinews.com/wp-content/uploads/2023/02/photo_2023-02-27-22.21.00.jpeg)
![](https://puthinews.com/wp-content/uploads/2023/02/photo_2023-02-27-22.21.00.jpeg)
ដោយ៖ Puthinew
Telegram Channel: Puthi News
Puthinews Android app: Puthi News
Youtube Channel: Puthi News