34 C
Phnom Penh
Saturday, June 15, 2024

សហរដ្ឋអាមេរិក បញ្ជូននាវាពិឃាដធ្វើដំណើរឆ្លងកាត់ច្រកសមុទ្រតៃវ៉ាន់

នាវាពិឃាដ៍មួយគ្រឿងរបស់សហរដ្ឋអាមេរិក បានធ្វើដំណើរឆ្លងកាត់ច្រកសមុទ្រតៃវ៉ាន់ កាលពីថ្ងៃពុធ ទី៨ ខែឧសភា ខណៈមិនដល់២សប្តាហ៍ទៀតទេ មេដឹកនាំថ្មី របស់តៃវ៉ាន់នឹងស្បថចូលកាន់តំណែងជាផ្លូវការ ដោយជំរុញឱ្យមានការថ្កោលទោសទាំងការខឹងសម្បារពីសំណាក់ទីក្រុងប៉េកាំង។ ចិនបានចាត់ទុកតៃវ៉ាន់ត្រឹមតែជាខេត្តមួយរបស់ខ្លួនប៉ុណ្ណោះនិងថាមានសិទ្ធិគ្រប់គ្រងលើច្រកសមុទ្រតៃវ៉ាន់។ ប៉ុន្តែសហរដ្ឋអាមេរិក និងតៃវ៉ាន់បានអះអាងថាច្រកសមុទ្រនេះ គឺជាដែនទឹកអន្តរជាតិ។ កងនាវាទី៧ របស់សហរដ្ឋអាមេរិកបាននិយាយថានាវាពិឃាដប្រដាប់ដោយមីស៊ីល USS Halsey បានដឹកនាំការធ្វើប្រតិបត្តិការឆ្លងកាត់ច្រកសមុទ្រ តាមទម្លាប់ធម្មតា កាលពីថ្ងៃពុធ កាត់តាមដែនទឹកជាទីដែលសេរីភាពនៃការធ្វើនាវាចរ និងការហោះហើរត្រូវបានអនុវត្តស្របតាមច្បាប់អន្តរជាតិ។ តែយ៉ាងណាក៏ដោយ យោធាចិនបានចាត់ទុកការធ្វើដំណើរឆ្លងកាត់ច្រកសមុទ្រតៃវ៉ាន់ដោយនាវាពិឃាដអាមេរិក គឺជាការបំភ្លៃសាធារណជន ហើយថាខ្លួនបានបញ្ជូននាវា និងយន្តហោះចម្បាំងតាមឃ្លាំមើលសកម្មភាពនាវាចម្បាំងអាមេរិក។

ដោយ៖ Puthinews

Youtube Channel: Puthi News

Telegram Channel: Puthi News

Puthinews Android app: Puthi New

អានបន្ត

spot_img