26 C
Phnom Penh
Saturday, June 25, 2022

សហភាពអឺរ៉ុបសន្យាផ្តល់វ៉ាក់សាំងកូវីដ-១៩ ចំនួន ២០០លានដូសទៅប្រទេសមានប្រាក់ចំណូលទាប

ស្តាប់អត្ថបទជាសម្លេង

សហភាពអឺរ៉ុបបានសន្យាថា ខ្លួននឹងផ្តល់ វ៉ាក់សាំងកូវីដ-១៩ចំនួន ២០០លានដូស ដល់ទ្វីបអាហ្វ្រិក​ និងប្រទេសដែលមានប្រាក់ចំណូលទាប នៅត្រឹមពាក់កណ្តាលឆ្នាំក្រោយ។

ប្រធានគណៈកម្មការសហភាពអឺរ៉ុប លោកស្រី អ៊ូសូឡា​ វ៉ុនដឺឡេអេន​ (Ursula von បានធ្វើការសន្យាបែបនេះ កាលពីថ្ងៃពុធ នៅក្នុងសុន្ទរកថារបស់លោកស្រីនៅមុខសភាសហភាពអឺរ៉ុប។

លោកស្រី វ៉ុនដឺឡេអេន​ បាននិយាយថា​ វ៉ាក់សាំងកូវីដ-១៩​ ចំនួន ២០០លានដូសដែលសហភាពអឺរ៉ុបគ្រោងនឹងបរិច្ចាគនេះ គឺជាចំនួនបន្ថែមទៅលើវ៉ាក់សាំង ចំនួន ២៥០លានដូស ដែលសហភាពអឺរ៉ុបបានសន្យារួចហើយកាលពីលើកមុន។

លោកស្រីបានពណ៌នាពីការផ្តល់ជំនួយវ៉ាក់សាំងនេះថា «ជាការវិនិយោគមួយនៅក្នុងចំណងសាមគ្គីភាព និងជាការវិនិយោគសម្រាប់សុខភាពជាសាកល»។

លោកស្រី វ៉ុនដឺឡេអេន​ បានលើកឡើងថា «ទំហំនៃភាពអយុត្តិធម៌ និងកម្រិតនៃតម្រូវការជាបន្ទាន់ មានភាពច្បាស់លាស់ណាស់» ដោយប្រទេសដែលមានប្រាក់ចំណូលទាប និងមធ្យមបានចាក់វ៉ាក់សាំងតិចជាង ១%នៃវ៉ាក់សាំងដែលត្រូវបានចាក់សរុបនៅទូទាំងពិភពលោក។

ជាមួយគ្នានោះ​ លោកស្រីក៏បាននិយាយដែរថា​ សហភាពអឺរ៉ុបក៏កំពុងវិនិយោគប្រាក់ជាង ១ពាន់២រយលានដុល្លារ​ ដើម្បីបង្កើនសមត្ថភាពផលិតវ៉ាក់សាំងនៅក្នុងទ្វីបអាហ្វ្រិក៕

អត្ថបទ នឹងរូបភាពដោយ៖ Puthinews

- Advertisement -spot_imgspot_img

អានបន្ត