ស្តាប់អត្ថបទជាសំឡេង
កំពង់ធំ៖ សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានណែនាំឱ្យថ្នាក់ដឹកនាំ និងមន្ត្រីរាជការចំណុះ រដ្ឋបាលខេត្តទាំងអស់ ខិតខំថែរក្សាការពារសន្តិភាព សន្តិសុខ សណ្ដាប់ធ្នាប់សាធារណៈ ជំរុញគោលនយោបាយ ភូមិឃុំមានសុវត្ថិភាព ដែលជាបន្ទាត់នយោបាយមួយក្នុងការពង្រឹងសន្តិសុខសាធារណៈ និងដោះស្រាយ បញ្ហាប្រឈមនានានៅមូលដ្ឋាន។
សម្ដេចក្រឡាហោម ស ខេង គូសបញ្ជាក់ថា “គោលនយោបាយនេះ ត្រូវការការផ្សព្វផ្សាយ អនុវត្ត និងជំរុញការគាំទ្រពីប្រជាពលរដ្ឋ”។
ការថ្លែងនេះរបស់សម្ដេចក្រឡាហោម ស ខេង ក្នុងឱកាសអញ្ជើញជាអធិបតីក្នុងពិធីប្រកាស ចូលកាន់មុខតំណែងលោកងួន រតនៈ ជាអភិបាល នៃគណៈអភិបាលខេត្តកំពង់ធំ នៅរសៀលថ្ងៃទី១១ ខែតុលា ឆ្នាំ ២០២១នេះ៕
អត្ថបទ និងរូបភាពដោយ៖ Puthinews
