31 C
Phnom Penh
Thursday, June 30, 2022

លោក ឃួងស្រេង ប្រាប់អាជ្ញាធរខណ្ឌទាំង១៤ ឱ្យពង្រឹងវិធានការទប់ស្កាត់កូវវីដ-១៩ ខណៈមេរោគបំប្លែងថ្មីកំពុងរាត្បាត

ភ្នំពេញ៖ អភិបាលរាជធានីភ្នំពេញ លោក ឃួង ស្រេង បានជំរុញឱ្យអាជ្ញាធរខណ្ឌទាំង ១៤ និងមន្ទីរពាក់ព័ន្ធមួយចំនួនឱ្យពង្រឹងបង្ការ និងទប់ស្កាត់ជំងឺកូវីដ-១៩ឱ្យបានខ្លាំងក្លាបន្ថែមទៀត ខណៈដែលជំងឺកូវីដ-១៩ប្រភេទថ្មី អូមីក្រុង បាននិងកំពុងរីករាលដាលចូលទៅក្នុងសហគមន៍ ពិសេសជំរុញឱ្យប្រជាពលរដ្ឋទៅចាក់វ៉ាក់សាំងដូសមូលដ្ឋាន ដូសជំរុញទី៣ និងដុសទី៤ ឱ្យបានគ្រប់គ្នា។

លោក ឃួង ស្រេង បានលើកឡើងនាព្រឹកថ្ងៃទី១១ ខែមករា ឆ្នាំ២០២២ ក្នុងកិច្ចប្រជុំតាមរយៈការបញ្ជូនរូបភាព និងសម្លេង(Video Conference) ជាមួយនឹងអាជ្ញាធរខណ្ឌទាំង១៤ និងមន្ទីរពាក់ព័ន្ធមួយចំនួនទៀតនៅសាលារាជធានីភ្នំពេញ។ លោកបានលើកឡើងថា មកដល់ពេលនេះជំងឺកូវីដ-១៩ ប្រភេទអូមីក្រុង បាននិងកំពុងរាលដាលចូលទៅក្នុងសហគមន៍ហើយ។ 

ដូច្នេះអ្វីដែលត្រូវអនុវត្តដើម្បីបង្ការទប់ស្កាត់ជំងឺកូវីដ-១៩ គឺអាជ្ញាធរខណ្ឌក៏ដូចជាមន្ទីរពាក់ព័ន្ធទាំងអស់ ត្រូវពង្រឹងវិធានការការពារ ពិសេសការអនុវត្ត ៣កុំ និង៣ការពារ និងជំរុញការចាក់វ៉ាក់សាំងដូសមូលដ្ឋាន ដូសជំរុញនៅតាមទីតាំងទាំង៤២ ដែលបានរៀបចំដោយអាជ្ញាធររាជធានីភ្នំពេញ៕

អត្ថបទ និងរូបភាពដោយ៖ Puthinews

Telegram group: Puthinews

YOUTUBE | Puthinews

WEBSITE | Puthinews

- Advertisement -spot_imgspot_img

អានបន្ត