ស្តាប់អត្ថបទជាសំឡេង
![](https://puthinews.com/wp-content/uploads/2021/09/photo_2021-09-29_06-10-37-1024x473.jpg)
ខេត្តក្រចេះ៖ លោកបណ្ឌិត ប៊ុនហ្វេង ភូមិម៉ាឡៃស៊ិត រដ្ឋមន្ត្រីក្រសួងសុខាភិបាល និងជាអនុប្រធានគណៈកម្មការ ការពារគ្រប់គ្រងទប់ស្កាត់ការរីករាលដាលនៃជំងឺកូវីដ-១៩ នៃប្រទេសឡាវបាន ថ្លែងអំណរអគុណចំពោះរាជរដ្ឋាភិបាល និងប្រជាជនកម្ពុជា ដែលបានផ្តល់ជំនួយនូវវ៉ាក់សាំងការពារមេរោគកូវីដ-១៩ដល់ប្រជាជន និងរដ្ឋាភិបាលឡាវ ដើម្បីចូលរួមចំណែកទប់ស្កាត់មេរោគកូវីដ-១៩នោះ។
ថ្លែងនៅក្នុងពិធីផ្តល់ និងទទួលវ៉ាក់សាំងប្រភេទស៊ីណូវ៉ាក់ ដែលជាជំនួយមនុស្សរបស់រាជរដ្ឋាភិ បាលកម្ពុជា នាព្រឹកថ្ងៃទី២៨ ខែកញ្ញានេះ នៅច្រកទ្វារព្រំដែនត្រពាំងក្រៀល-ណុងណុកខៀន លោកបណ្ឌិត ប៊ុនហ្វេង ភូមិម៉ាឡៃស៊ិត បានលើកឡើងថា “ក្នុងនាមរដ្ឋាភិបាល និងប្រជាជនឡាវ សូមដឹងគុណយ៉ាងជ្រាលជ្រៅ ចំពោះចំនួយដ៏មានតម្លៃរបស់សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងប្រជាជនកម្ពុជានាពេលនេះ”។
![](https://puthinews.com/wp-content/uploads/2021/09/photo_2021-09-29_06-10-40-1024x473.jpg)
![](https://puthinews.com/wp-content/uploads/2021/09/photo_2021-09-29_06-10-40-1024x473.jpg)
សូមបញ្ជាក់ថាជំនួយវ៉់ាក់សាំងចំនួន២០ម៉ឺនដូស ដែលផ្តល់ជូនដល់ប្រជាជន និងរដ្ឋាភិបាលឡាវនេះគឺ បានផ្តល់ ដោយ លោក អ៊ុច បូររិទ្ធ រដ្ឋលេខាធិការក្រសួងការបរទេសកម្ពុជា។
សូមជម្រាបថា នៅយប់ថ្ងៃទី២៧ ខែកញ្ញា ឆ្នាំ២០២១ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានផ្ញើលិខិតជូនលោក ផាន់ខាំ វីផាវ៉ាន់ នាយករដ្ឋមន្រ្តី នៃសាធារណរដ្ឋប្រជាធិបតេយ្យប្រជាមានិតឡាវ បញ្ជាក់អំពីការផ្តល់អំណោយ ជូនរដ្ឋាភិបាលឡាវនូវវ៉ាក់សាំងកូវីដ-១៩ (ប្រភេទស៊ីណូវ៉ាក់) ចំនួន២០ម៉ឺនដូស ដើម្បីរួមចំណែកក្នុងការប្រយុទ្ធប្រឆាំង នឹងជំងឺដ៏សាហាវកូវីដ-១៩៕
![](https://puthinews.com/wp-content/uploads/2021/09/photo_2021-09-29_06-10-47-1024x473.jpg)
![](https://puthinews.com/wp-content/uploads/2021/09/photo_2021-09-29_06-10-47-1024x473.jpg)
![](https://puthinews.com/wp-content/uploads/2021/09/photo_2021-09-29_06-10-51-1024x473.jpg)
![](https://puthinews.com/wp-content/uploads/2021/09/photo_2021-09-29_06-10-51-1024x473.jpg)
![](https://puthinews.com/wp-content/uploads/2021/09/photo_2021-09-29_06-10-54-1-1024x473.jpg)
![](https://puthinews.com/wp-content/uploads/2021/09/photo_2021-09-29_06-10-54-1-1024x473.jpg)
អត្ថបទ និងរូបភាពដោយ៖ Puthinews