26 C
Phnom Penh
Tuesday, February 7, 2023

រដ្ឋមន្ត្រីការបរទេសអាមេរិក គ្រោងនឹងបំពេញទស្សនកិច្ចទៅកាន់ ទីក្រុងប៉េកាំង

(វ៉ាស៊ីនតោន)៖ រដ្ឋមន្ត្រីការបរទេសអាមេរិក លោក អាន់តូនី ប្ល៊ីនខិន (Antony Blinken) គ្រោងនឹងបំពេញដំណើរទស្សនកិច្ច ពីថ្ងៃទី៥ ដល់ថ្ងៃទី៦ ខែកុម្ភៈខាងមុខនេះ ទៅកាន់ទីក្រុងប៉េកាំង ប្រទេសចិនជាទីដែលលោកនឹងត្រូវជួបពិភាក្សាការងារជាមួយរដ្ឋមន្ត្រីការបទេសចិន លោក Qin Gang។ នេះបើតាមការដកស្រង់ចេញផ្សាយពី សារព័ត៌មាន Politico នៅថ្ងៃអង្គារ ទី១៧ ខែមករា ឆ្នាំ២០២៣។

សារព័ត៌មាន Politico ដោយផ្អែកលើប្រភពដែលខ្លួនទទួលបាន បានឱ្យដឹងទៀតថាប្រមុខការទូតអាមេរិក នឹងពិភាក្សាលើប្រធានបទសំខាន់ៗដូចជា សង្រ្គាមនៅអ៊ុយក្រែន ឃ្លាំងអាវុធនុយក្លេអ៊ែររបស់ចិន កិច្ចសហប្រតិបត្តិការប្រយុទ្ធប្រឆាំងការជួញដូរគ្រឿងញៀន និងការដោះលែងពលរដ្ឋអាមេរិកដែលកំពុងជាប់ឃុំនៅក្នុងប្រទេសចិន។ លើសពីនេះទៅទៀត លោក ប្ល៊ីនខិន ក៏ត្រូវបានគេរំពឹងថាអាចនឹងលើកយកបញ្ហាស្ដារកិច្ចសន្ទនាយោធាឡើងវិញជាមួយចិន មកពិភាក្សាផងដែរ ក្រោយទីក្រុងប៉េកាំង កាត់ផ្ដាច់កិច្ចសន្ទនានេះជាការឆ្លើយតបទៅនឹងដំណើរទស្សនកិច្ចរបស់អតីតប្រធានសភាតំណាងរាស្ត្រអាមេរិក លោកស្រី ណាន់ស៊ី ផេឡូស៊ី នៅកោះតៃវ៉ាន់ កាលពីខែ សីហា ឆ្នាំ២០២២។

គួរបញ្ជាក់ថា បើតាមសេចក្ដីរាយការណ៍ដាច់ដោយឡែកពីកាសែតអាមេរិក Wall Street Journal កាលពីថ្ងៃចន្ទដើមសប្ដាហ៍នេះដែរ រដ្ឋមន្ត្រីហិរញ្ញវត្ថុអាមេរិក លោកស្រី Janet Yellen អាចនឹងជួបជាមួយឧបនាយករដ្ឋមន្ត្រីចិន លោក លុយ ហេ (Liu He) នាឱកាសចូលរួមវេទិកាសេដ្ឋកិច្ចពិភពលោក ក្នុងប្រទេសស្វីស នៅថ្ងៃពុធសប្ដាហ៍នេះ៕

ដោយ៖ Puthinews

Telegram Channel: Puthi News

Puthinews Android app: Puthi News

Youtube Channel: Puthi News

- Advertisement -spot_imgspot_img
- Advertisement -spot_imgspot_img

អានបន្ត

spot_img
spot_imgspot_img