បន្ទាយមានជ័យ៖ រកឃើញសាកសពបុរសម្នាក់ទៀត នៅលើអគារកាស៊ីណូដែលឆាបឆេះនៅក្រុងប៉ោយប៉ែត នៅថ្ងៃទី១១ ខែមករា ឆ្នាំ២០២៣ នៅជាន់ទី១០ ខណៈដែលក្រុមការងារជំនាញកំពុងតែធ្វើការរុះរើសំណល់អគារ។
![](https://puthinews.com/wp-content/uploads/2023/01/photo_2023-01-12-17.47.58-768x1024.jpeg)
លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត បានឱ្យដឹងថា សពជនរងគ្រោះមានឈ្មោះ Chavivat peechapol ភេទប្រុស អាយុ៥៨ឆ្នាំ ជនជាតិថៃ កាន់លិខិតឆ្លងដែនលេខ AB1916225។ ក្រោយធ្វើកោសល្យវិច័យ លទ្ធផលបានបង្ហាញថា សពជនរងគ្រោះពិតជាបានស្លាប់បាត់បង់ជីវិត ដោយសារឈ្លក់ផ្សែង។
![](https://puthinews.com/wp-content/uploads/2023/01/photo_2023-01-12-17.48.03-862x1024.jpeg)
![](https://puthinews.com/wp-content/uploads/2023/01/photo_2023-01-12-17.48.03-862x1024.jpeg)
លោកអធិការបញ្ជាក់ថា សាកសពត្រូវបានរៀបចំរក្សាទុកក្នុងបន្ទប់រក្សាសាកសពនៃមន្ទីរពេទ្យបង្អែកក្រុងប៉ោយប៉ែត ដើម្បីធ្វើការទំនងទៅកាន់សាច់ញាតិតាមរយៈអាជ្ញាធរថៃឱ្យមកទទួលយកសពទៅធ្វើបុណ្យនៅស្រុកកំណើត។
![](https://puthinews.com/wp-content/uploads/2023/01/photo_2023-01-12-17.48.07-1024x975.jpeg)
![](https://puthinews.com/wp-content/uploads/2023/01/photo_2023-01-12-17.48.07-1024x975.jpeg)
គួរបញ្ជាក់ថា កាលពីយប់វេលាម៉ោង១១.៤៥នាទី ថ្ងៃទី២៨ ឈានចូលថ្ងៃទី២៩ ខែធ្នូ ឆ្នាំ២០២៣ អគ្គីភ័យបានឆាបឆេះអគារកាស៊ីណូ ជាលក្ខណៈទ្រង់ទ្រាយធំ ដែលមិនធ្លាប់មាន បានឆាបឆេះអគារអស់ចំនួន៤ ឆេះអគារ៣ទាំងស្រុង របស់ក្រុមហ៊ុនកាស៊ីណូ ហ្គ្រេនដាយអឹមិនស៊ីធី និងអគារកាស៊ីណូប៉ោយប៉ែតរីសត ដែលបានជួយសង្គ្រោះមនុស្សដែលជាប់គាំងនៅលើអាគារពេលកំពុងកើតហេតុបាន៥៧នាក់ និងក្រុមការងាររុករក កម្ពុជា និងថៃបានធ្វើការរុករកជិត៤០ម៉ោង រកឃើញសពចំនួន២៦នាក់ ដែលមានជនជាតិ ថៃ ឥណ្ឌូនេស៊ី ចិន នេប៉ាល់៕
![](https://puthinews.com/wp-content/uploads/2023/01/photo_2023-01-12-17.48.09-810x1024.jpeg)
![](https://puthinews.com/wp-content/uploads/2023/01/photo_2023-01-12-17.48.09-810x1024.jpeg)
![](https://puthinews.com/wp-content/uploads/2023/01/photo_2023-01-12-17.48.15-768x1024.jpeg)
![](https://puthinews.com/wp-content/uploads/2023/01/photo_2023-01-12-17.48.15-768x1024.jpeg)
![](https://puthinews.com/wp-content/uploads/2023/01/photo_2023-01-12-17.48.18-768x1024.jpeg)
![](https://puthinews.com/wp-content/uploads/2023/01/photo_2023-01-12-17.48.18-768x1024.jpeg)
ដោយ៖ Puthinews
Telegram Channel: Puthi News
Puthinews Android app: Puthi News
Youtube Channel: Puthi News