30 C
Phnom Penh
Saturday, December 3, 2022

រកឃើញវិជ្ជមានកូវីដ-១៩ ចំនួន០៦នាក់ បន្ទាប់ពីបង្ក្រាបទីតាំងខារ៉ាអូខេមួយកន្លែង

ភ្នំពេញ ៖  កម្លាំងគណៈបញ្ជាការឯកភាពខណ្ឌពោធិ៍សែនជ័យបានចុះបង្ក្រាបទីតាំងខារ៉ាអូខេមួយកន្លែង  ដែលលួចបើកល្មើសនឹងបម្រាមរបស់រដ្ឋបាលរាជធានីភ្នំពេញ  បានឃាត់ខ្លួនមនុស្សប្រុសស្រីចំនួន៤៣នាក់  រកឃើញអ្នកឆ្លងជំងឺកូវីដ-១៩ ចំនួន០៦នាក់។ ប្រតិបត្តិការបង្ក្រាប នេះ  បានធ្វើឡើងកាលពីវេលាម៉ោង៨យប់ ថ្ងៃទី២០ ខែកញ្ញា ឆ្នាំ២០២១  នៅចំណុចហាងយីហោ  ខារ៉ាអូខេគ្រួសារ  ក្នុងភូមិព្រៃទា១  សង្កាត់ចោមចៅទី៣  ខណ្ឌពោធិ៍សែនជ័យ  រាជធានីភ្នំពេញ។

យោងតាមរបាយការណ៍របស់សមត្ថកិច្ច  បានឱ្យដឹងថា  មានប្រជាពលរដ្ឋបានរាយការណ៍ទៅអាជ្ញាធរដោយសម្ងាត់ទើបកម្លាំងចុះពិនិត្យជាក់ស្តែងឃើញថា  ទីតាំងខាងលើពិតជាមានការលួចបើកទទួលភ្ញៀវពិតប្រាកដមែន  បន្ទាប់មកទើបធ្វើការឃាត់ខ្លួនមនុស្សប្រុសស្រីចំនួន៤៣នាក់  (ប្រុស១១នាក់ ) ក្រុមគ្រូពេទ្យក៏បានចុះយកសំណាក និងរកឃើញអ្នកវិជ្ជមានកូវីដ-១៩ ចំនួន០៦នាក់។ ទីតាំងខាងលើត្រូវបានបិទជាបណ្តោះអាសន្ន  ចំណែកអ្នកជំងឺកូវីដ-១៩ត្រូវបានយកទៅព្យាបាល។ 

សូមបញ្ជាក់ថា  រដ្ឋបាលរាជធានីភ្នំពេញ  បានបន្តបិទអាជីវកម្មផ្សេងៗមួយចំនួន  រហូតដល់ថ្ងៃទី២៣  ខែកញ្ញា  ឆ្នាំ២០២១  និងរងចាំសេចក្តីសម្រេចថា  ត្រូវបន្តទៀត  ឬអត់  ដើម្បីចូលរួមទប់ស្កាត់ជំងឺកូវីដ-១៩ ៕

អត្ថបទ និងរូបភាពដោយ៖ Puthi News

- Advertisement -spot_imgspot_img
- Advertisement -spot_imgspot_img

អានបន្ត

spot_img
spot_imgspot_img