28 C
Phnom Penh
Thursday, May 30, 2024

មនុស្ស 34 នាក់បានស្លាប់ក្នុងទឹកជំនន់ និងកម្អែលត្រជាក់ពីភ្នំភ្លើងMarapi ធ្វើឲ្យមនុស្ស ១៦នាក់បាត់ខ្លួននៅឥណ្ឌូនេស៊ី

យ៉ាងហោចណាស់មនុស្ស ៣៤នាក់ បាន ស្លាប់ និង ១៦នាក់បាត់ខ្លួន បន្ទាប់ពីទឹកជំនន់ភ្លាមៗ និងលំហូរកម្អែត្រជាក់ចេញពីភ្នំភ្លើងមួយបានវាយប្រហារ ភាគខាងលិចប្រទេសឥណ្ឌូនេស៊ី នេះបើតាមមន្ត្រីគ្រោះមហន្តរាយក្នុងតំបន់បាននិយាយកាលពីថ្ងៃទី១២ ខែឧសភា។ ភ្លៀងធ្លាក់ខ្លាំងជាច្រើនម៉ោងបណ្តាលឱ្យមានទឹកជំនន់នៅស្រុកចំនួនពីរ ក្នុងខេត្តស៊ូម៉ាត្រាខាងលិច កាលពីល្ងាចថ្ងៃសៅរ៍ហើយបានសាយភាយផេះ និងថ្មធំៗធ្លាក់ចុះពីលើភ្នំ Marapi ដែលជាភ្នំភ្លើងសកម្មបំផុតនៅលើកោះស៊ូម៉ាត្រានៃប្រជុំកោះ។ អ្នកនាំពាក្យទីភ្នាក់ងារ គ្រោះមហន្តរាយស៊ូម៉ាត្រាខាងលិចលោក Ilham Wahab បានប្រាប់AFP ថា រហូតមកដល់ពេលនេះ ទិន្នន័យបង្ហាញថា មនុស្ស 34នាក់បានស្លាប់: 16នាក់នៅស្រុក Agam និង 18នាក់ នៅ Tanah Datar។ យ៉ាងហោចណាស់ 18 នាក់ បានរងរបួស។ យើងកំពុងបន្តស្វែងរកមនុស្ស 16នាក់ផ្សេងទៀត។ កិច្ចប្រឹងប្រែងស្វែងរកនេះពាក់ព័ន្ធនឹងអ្នកជួយសង្គ្រោះក្នុងតំបន់ ប៉ូលិសទាហាន និងអ្នកស្ម័គ្រចិត្ត។ ស្រុក Agamនិង Tanah Datar ត្រូវបានវាយប្រហារដោយទឹកជំនន់ភ្លាមៗ និងលំហូរកម្អែត្រជាក់នៅម៉ោងប្រហែល 10.30 យប់ថ្ងៃសៅរ៍ នេះបើយោងតាមទីភ្នាក់ងាររុករក និងជួយសង្គ្រោះBasarnas ។ កម្អែលភ្នំភ្លើង ត្រូវបានគេស្គាល់ថាជា ឡាហារ ជាវត្ថុធាតុភ្នំភ្លើង ដូចជាផេះ ខ្សាច់ និងគ្រួសនៅតាមជម្រាលភ្នំភ្លើងដោយទឹកភ្លៀង។ Basarnas បាននិយាយថា មនុស្ស 12 នាក់បានស្លាប់ រួមទាំងកុមារជាច្រើននាក់។ ប្រធានទីភ្នាក់ងារគ្រោះមហន្តរាយស្រុកBudi Perwira Negara បានប្រាប់ AFP ថា នៅទីក្រុង Agam ផ្ទះជាច្រើនខ្នង និងកន្លែងសាធារណៈត្រូវបានខូចខាត។ប្រធានទីភ្នាក់ងារសង្គ្រោះក្នុងស្រុក Abdul Malikបាននិយាយនៅក្នុងសេចក្តីថ្លែងការណ៍មួយថា សាកសព ៩នាក់ រួមទាំងកុមារអាយុ 3ឆ្នាំ និងអាយុ 8ឆ្នាំ ត្រូវបានគេ
កំណត់អត្តសញ្ញាណកាលពីថ្ងៃអាទិត្យ។អាជ្ញាធរបានបញ្ជូនក្រុមជួយសង្គ្រោះ និងទូកកៅស៊ូ ដើម្បីស្វែងរកជនរងគ្រោះដែលបាត់ខ្លួន និងដឹកជញ្ជូនមនុស្សទៅកាន់ទីជម្រក។រដ្ឋាភិបាលក្នុងតំបន់ បានបង្កើតមជ្ឈមណ្ឌលជម្លៀស និងប៉ុស្តិ៍សង្គ្រោះបន្ទាន់នៅតំបន់ជាច្រើននៃស្រុក Agam និង Tanah Datar ។ឥណ្ឌូណេស៊ីងាយនឹងមានគ្រោះរអិលបាក់ដីនិងទឹកជំនន់ក្នុងរដូវវស្សា។ កាលពីខែមីនាយ៉ាងហោចណាស់មនុស្ស 26 នាក់ ត្រូវបានគេរកឃើញថា បានស្លាប់បន្ទាប់ពីការរអិលបាក់ដី និងទឹកជំនន់វាយប្រហារកោះស៊ូម៉ាត្រាភាគខាងលិច។ នៅឆ្នាំ2022 មនុស្សប្រហែល 24,000 នាក់ ត្រូវបានជម្លៀសចេញ ហើយកុមារ ២នាក់បានស្លាប់ នៅក្នុងទឹកជំនន់នៅលើកោះស៊ូម៉ាត្រា ដោយអ្នកធ្វើយុទ្ធនាការបរិស្ថាន បានស្តីបន្ទោសការកាប់បំផ្លាញព្រៃឈើមហន្តរាយកាន់តែអាក្រក់ទៅៗ។ដែលបណ្តាលឲ្យគ្រោះកាលពីខែធ្នូ ភ្នំភ្លើង Marapi បានផ្ទុះឡើង និងបានបញ្ចេញផេះភ្នំភ្លើងកម្ពស់ 3,000 ម៉ែត្រទៅលើមេឃ ដែលខ្ពស់ជាងភ្នំភ្លើងខ្លួនឯង។យ៉ាងហោចណាស់មានអ្នកឡើងភ្នំ ២៤នាក់ដែលភាគច្រើនជានិស្សិតសាកលវិទ្យាល័យបានស្លាប់នៅក្នុងការផ្ទុះនេះ៕

ដោយ៖ Puthinews

Youtube Channel: Puthi News

Telegram Channel: Puthi News

Puthinews Android app: Puthi New

អានបន្ត

spot_img