ស្តាប់អត្ថបទជាសំឡេង
បន្ទាយមានជ័យ៖ ជំនន់ទឹកភ្លៀងនៅខេត្តបន្ទាយមានជ័យ ទោះបានស្រកចុះវិញបន្តិចហើយក៏ដោយ តែនៅតែមានស្ថានភាពធ្ងន់ធ្ងរនៅឡើយ ជាក់ស្តែង ស្រុក/ក្រុងចំនួន២ នៅតែមានស្ថានភាពធ្ងន់ធ្ងរនៅឡើយ ដោយបានប៉ះពាល់ពលរដ្ឋជាង ៥ពាន់គ្រួសារ និងជម្លៀសជិត១ពាន់គ្រួសារ គិតត្រឹមថ្ងៃទី១១ ខែតុលា ឆ្នាំ២០២១។
លោក ឡាយ សុធី អនុប្រធានមន្ទីរធនធានទឹក និងឧតុនិយម ខេត្តបន្ទាយមានជ័យ បានឱ្យដឹងថា ទឹកបានស្រកទៅវិញបន្តិចហើយ នៅតាមដងស្ទឹងមង្គលបូរី ត្រង់ចំណុចសំណង់ពោធិ៍២ដើម ឃុំរហាត់ ទឹកមានកម្រិត ៣,៥៨ម៉ែត្រ ទឹកស្រក២ហ៊ុន។ ចំពោះដងស្ទឹងសិរីសោភ័ណកម្រិតទឹកនៅ ៧,៥០ម៉ែត្រ ទឹកស្រក ៧ហ៊ុន។ ស្រុកភ្នំស្រុកអាងត្រពាំងថ្ម កម្រិតទឹកក្នុងអាង ២,០២ម៉ែត្រ ទឹកស្រក២ហ៊ុន។
![](https://puthinews.com/wp-content/uploads/2021/10/6-15-682x1024.jpg)
យោងតាមរបាយការណ៍គណៈកម្មាធិការជាតិគ្រប់គ្រងគ្រោះមហន្តរាយ ទូរទាំងខេត្តបន្ទាយមានជ័យ ក្នុងឆ្នាំ២០២១ រងគ្រោះដោយទឹកជំនន់ ប៉ះពាល់ចំនួន ៦ស្រុក/ក្រុង ស្មើនឹង៣៨ឃុំ/សង្កាត់ ប៉ះពាល់ប្រជាពលរដ្ឋចំនួន ១៨,៧១៥គ្រួសារ និងត្រូវជម្លៀសរកទីទួលសុវត្ថិភាពចំនួន ១,១៥០នាក់ លិចស្រូវចំនួន ២៥,២២៣ហិកតា ដំណាំរួមផ្សំចំនួន ៣០១ហិកតា ប៉ះពាល់សាលារៀន ២៦កន្លែង លិចវត្តចំនួន ៩កន្លែង លិចមណ្ឌលសុខភាព ២កន្លែង។
សូមបញ្ជាក់ថា ក្នុងចំណោម៦ស្រុក/ក្រុងដែលរងគ្រោះទឹកជំនន់ រហូតដល់ថ្ងៃទី១១ ខែតុលា ឆ្នាំ២០២១ មានស្ថានភាពធ្ងន់ធ្ងរមានចំនួន ២ស្រុក/ក្រុង។ ចំពោះក្រុងសិរីសោភ័ណ បានប៉ះពាល់ទាំង៧សង្កាត់ ស្មើនឹង ៣៦ភូមិ លិចលង់ប្រជាពលរដ្ឋចំនួន ២,៣៤៩គ្រួសារ ស្មើនឹងមនុស្សរាយចំនួន ៩,៤៥៩នាក់ ជម្លៀសរកទីទួលសុវត្ថិភាពចំនួន ៦៤៩គ្រួសារ ស្មើនឹងមនុស្សរាយចំនួន ២,១៧៧នាក់ លិចស្រូវចំនួន ៥,៣៨២ហិកតា លិចផ្លូវចំនួន ១២៤ខ្សែរ មានប្រវែង ៨៤,៨៦៨ម៉ែត្រ។
![](https://puthinews.com/wp-content/uploads/2021/10/1-20-1024x576.jpg)
![](https://puthinews.com/wp-content/uploads/2021/10/1-20-1024x576.jpg)
ដោយឡែក ស្រុកមង្គលបូរី ប៉ះពាល់ទាំង ១០ឃុំស្មើនឹង ៦៦ភូមិ លិចលង់ប្រជាពលរដ្ឋចំនួន ២,៨២១គ្រួសារ ស្មើនឹងមនុស្សរាយចំនួន ១៣,០៩១នាក់ ជម្លៀសរកទីទួលសុវត្ថិភាពចំនួន ៣០៩គ្រួសារ ស្មើមនុស្សរាយចំនួន ១,២៦០នាក់ លិចស្រូវ៨,១៩៥ហិកតា លិចផ្លូវចំនួន ១៣១ខ្សែរ ប្រវែង ៧៤,៥៣០ម៉ែត្រ៕
![](https://puthinews.com/wp-content/uploads/2021/10/7-11-1024x682.jpg)
![](https://puthinews.com/wp-content/uploads/2021/10/7-11-1024x682.jpg)
![](https://puthinews.com/wp-content/uploads/2021/10/5-15-1024x768.jpg)
![](https://puthinews.com/wp-content/uploads/2021/10/5-15-1024x768.jpg)
![](https://puthinews.com/wp-content/uploads/2021/10/4-16-1024x768.jpg)
![](https://puthinews.com/wp-content/uploads/2021/10/4-16-1024x768.jpg)
![](https://puthinews.com/wp-content/uploads/2021/10/3-16-1024x576.jpg)
![](https://puthinews.com/wp-content/uploads/2021/10/3-16-1024x576.jpg)
![](https://puthinews.com/wp-content/uploads/2021/10/2-18-1024x576.jpg)
![](https://puthinews.com/wp-content/uploads/2021/10/2-18-1024x576.jpg)
អត្ថបទ និងរូបភាពដោយ៖Puthi News