ផ្អាកចរាចរណ៍ កំណាត់ផ្លូវជាតិលេខ ៩២ ក្នុងខេត្តព្រះវិហារ ​

ស្តាប់អត្ថបទជាសំឡេង

ព្រះវិហារ៖  ប្រធានមន្ទីរសាធារណការ  និងដឹកជញ្ជូនខេត្តព្រះវិហារ  លោក សំ លានទ្រី បានប្រកាសផ្អាកចរាចរណ៍បណ្ដោះអាសន្នកំណាត់ផ្លូវជាតិលេខ៩២ ចាប់ពីឃុំកំពង់ ស្រឡៅ១ ស្រុកឆែប ដល់បន្ទាយស្រមោច ឃុំមរកត ស្រុកជាំក្សាន្ត ខេត្តព្រះវិហារ ដោយសារភ្លៀងធ្លាក់ជាបន្តបន្ទាប់ជាច្រើនថ្ងៃ  បណ្ដាលឱ្យជំនន់ទឹកភ្លៀងលិច  និងហូរកាត់ផ្លូវមួយចំនួនក្នុងភូមិសាស្រ្តខេត្តព្រះវិហារ។ 

ការប្រកាសផ្អាកចរាចរ នេះ  ខណៈទឹកស្ទឹងសែនខេត្តព្រះវិហារ  មានកម្ពស់  ១៣,៣៤ម៉ែត្រ ។ ចំពោះផ្លូវជាតិលេខ៩២  ដែលបានជនលិចនេះ  នឹងស្រកទៅវិញរយ:ពេលខ្លីប៉ុណ្ណោះ  ដោយសារតំបន់កំពង់ស្រឡៅជាតំបន់ទំនាប។ នេះបេីយោងតាមការឱ្យដឹងពី  លោក ចាប កុយ ប្រធានមន្ទីរធនធានទឹក  និងឧតុនិយមខេត្តព្រះវិហារ៕

អត្ថបទ និងរូបភាពដោយ៖ Puthinews