32 C
Phnom Penh
Sunday, June 26, 2022

ផ្ងារជើងកណ្ដាលផ្លូវជាតិលេខ៤ សំណាងហើយមិនមានគ្រោះថ្នាក់ដល់មនុស្ស និងឆេះរថយន្ត

ខេត្តព្រះសីហនុ៖ សមត្ថកិច្ចកងរាជអាវុធហត្ថស្រុកកំពង់សីលាបានឱ្យដឹងថា  មានករណីគ្រោះថ្នាក់ចរាចរណ៍មួយកើតឡើង  បង្កដោយខ្លួនឯង រថយន្តរបស់ក្រុមហ៊ុន  ដឹកជញ្ជូន ប្រេងកម្ពុជាតេលា  ពាក់ផ្លាកលេខ(ភ្នំពេញ) 4A-3002 ពណ៌ទឹកប្រាក់ នៅវេលាម៉ោង ១៣:៤០នាទី  ថ្ងៃទី៣០  ខែកញ្ញា  ឆ្នាំ២០២១  នៅចន្លោះ គីឡូម៉ែត្រលេខ ១២០-១២១ ស្ថិត ក្នុងភូមិស្ទឹងសំរោង ឃុំអូរបាក់រទេះ ស្រុកកំពង់សីលា ខេត្តព្រះសីហនុ។

សមត្ថកិច្ចឱ្យដឹងទៀតថា លុះមកដល់កន្លែងកើតហេតុខាងលើ រថយន្តបានរេចង្កូតក្រឡាប់  និង ពុំមានអ្នករងរបួសឡើយ ចំពោះអ្នកបើកបររថយន្ត  បានរត់គេចខ្លួនបាត់  (មិនស្គាល់អត្តសញ្ញាណ)។  

ខាងម្ចាស់ក្រុមហ៊ុនដឹកជញ្ជូនកម្ពុជាតេលា កំពុងឱ្យជំនាញបច្ចេកទេស  យករថយន្តមកបន្ថែមទៀត  ដើម្បីបូមប្រេងសាំង ចេញពីរថយន្តនោះ ។

ចំពោះចរាចរណ៍  អាចធ្វើដំណើរបានលើចិញ្ចើមផ្លូវក្រួសក្រហម(one way)។

ករណី នេះពុំបណ្តាលរងរបួស ឬមានគ្រោះថ្នាក់ដល់មនុស្ស ឬប៉ះពាល់ដល់សម្បត្តិសាធារណៈឡើយ។

បច្ចុប្បន្ន កម្លាំងមូលដ្ឋានអាវុធហត្ថស្រុកកំពង់ សីលា សហការជាមួយកម្លាំងអធិការរដ្ឋាន នគរបាល ស្រុកកំពង់សីលា  កំពុងសម្រួលសណ្តាប់ចរាចរណ៍ បញ្ជ្រៀសការកក់ស្ទះ លើដងផ្លូវជាតិ៕

អត្ថបទ និងរូបភាពដោយ៖ Puthinews

- Advertisement -spot_imgspot_img

អានបន្ត