ស្តាប់អត្ថបទជាសំឡេង
ភ្នំពេញ៖ ផែនទីចង្អុលផ្លូវស្តីពីកិច្ចសម្រួលពាណិជ្ជកម្ម ឆ្នាំ២០២២-២០២៥ នឹងធ្វើឱ្យប្រសើរឡើងបន្ថែមទៀតនូវកិច្ចសម្រួលពាណិជ្ជកម្មសម្រាប់ការជំរុញ ការប្រកួតប្រជែងសេដ្ឋកិច្ចកម្ពុជា និងជំរុញកំណើនពាណិជ្ជកម្មអន្តរជាតិ។
![](https://puthinews.com/wp-content/uploads/2021/10/1-36-1024x682.jpg)
នេះជាការលើកឡើងពីលោកបណ្ឌិតសភាចារ្យ ជូ វិជិត រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ នៅក្នុងកិច្ចប្រជុំលើកទី១ នៃ (គ.ជ.ស.ព) ដោយមានការចូលរួមពីលោកបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា និងលោក បណ្ឌិត តាន់ មុនីវណ្ណ អនុប្រធានសភាពាណិជ្ជកម្មកម្ពុជា តំណាងអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា នៅថ្ងៃទី១១ខែតុលា ឆ្នាំ ២០២១ តាមប្រព័ន្ធវីដេអូ។
![](https://puthinews.com/wp-content/uploads/2021/10/2-34-1024x682.jpg)
![](https://puthinews.com/wp-content/uploads/2021/10/2-34-1024x682.jpg)
លោកបណ្ឌិតសភាចារ្យ ជូ វិជិត្ត បានមានប្រសាសន៍ថា កិច្ចប្រជុំលើកទី១ នៃគណៈកម្មាធិការជាតិកិច្ចសម្រួលពាណិជ្ជកម្ម (គ.ជ.ស.ព) ធ្វើឡើងដើម្បីអនុម័តការងារចាំបាច់មួយចំនួននៃគ.ជ.ស.ព និងសេចក្តីព្រាងផែនទីចង្អុលផ្លូវ ស្តីពីកិច្ចសម្រួលពាណិជ្ជកម្មឆ្នាំ២០២២-២០២៥ ព្រមទាំងបង្ហាញពីរបាយការណ៍វឌ្ឍនភាពនៃគណៈកម្មាធិការជាតិកិច្ចសម្រួលពាណិជ្ជកម្ម ស្ថានភាពអនុវត្ត កិច្ចសម្រួលពាណិជ្ជកម្មជាមួយអង្គការពាណិជ្ជកម្មពិភពលោក ជំនួយនិងគម្រោងសហប្រតិបត្តិការជាមួយដៃគូអភិវឌ្ឍន៍លើកិច្ចសម្រួលពាណិជ្ជកម្ម។
![](https://puthinews.com/wp-content/uploads/2021/10/3-32-1024x682.jpg)
![](https://puthinews.com/wp-content/uploads/2021/10/3-32-1024x682.jpg)
លោកបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា បានលើកឡើងថា អនុលោមតាមមាត្រា២៣.២ នៃកិច្ចព្រមព្រៀង WTO-TFA តម្រូវឱ្យសមាជិកនីមួយៗនៃអង្គការពាណិជ្ជកម្មពិភពលោកបង្កើតគណៈកម្មាធិការជាតិកិច្ចសម្រួលពាណិជ្ជកម្ម ឬបង្កើតយន្តការជាក់លាក់ ក្នុងកិច្ចសហប្រតិបត្តិការផ្ទៃក្នុងជាមួយក្រសួងស្ថាប័នពាក់ព័ន្ធនិងវិស័យឯកជន ក៏ដូចជា ការធ្វើឱ្យប្រសើរឡើងនូវកិច្ចសហការជាមួយដៃគូអភិវឌ្ឍន៍នានា ដើម្បីសម្រួលដល់ការអនុវត្តបញ្ញត្តិកិច្ចព្រមព្រៀងកិច្ច សម្រួលពាណិជ្ជកម្ម ឱ្យបានរលូននិងប្រកបដោយប្រសិទ្ធភាព។
![](https://puthinews.com/wp-content/uploads/2021/10/4-28-1024x682.jpg)
![](https://puthinews.com/wp-content/uploads/2021/10/4-28-1024x682.jpg)
សូមបញ្ជាក់ថា ផែនទីចង្អុលផ្លូវស្តីពីកិច្ចសម្រួលពាណិជ្ជកម្ម ឆ្នាំ២០២២-២០២៥ ត្រូវបានរៀបចំឡើង ជាប្រទីបបង្ហាញផ្លូវដល់គ្រប់ក្រសួង-ស្ថាប័នពាក់ព័ន្ធ ជាពិសេសសមាជិកនៃគណៈកម្មាធិការជាតិ កិច្ចសម្រួលពាណិជ្ជកម្ម និងលេខាធិការដ្ឋាន ក្នុងគោលដៅធានាឱ្យការអនុវត្តឱ្យមានប្រសិទ្ធភាព និងប្រសិទ្ធផលលើការអនុវត្តគោលនយោបាយ និងវិធានកិច្ចសម្រួលពាណិជ្ជកម្មផ្សេងទៀត របស់រាជរដ្ឋាភិបាល ជាពិសេសលើវិស័យដឹកជញ្ចូននិងភស្តូភារកម្ម៕
![](https://puthinews.com/wp-content/uploads/2021/10/5-28-1024x682.jpg)
![](https://puthinews.com/wp-content/uploads/2021/10/5-28-1024x682.jpg)
![](https://puthinews.com/wp-content/uploads/2021/10/6-26-1024x682.jpg)
![](https://puthinews.com/wp-content/uploads/2021/10/6-26-1024x682.jpg)
![](https://puthinews.com/wp-content/uploads/2021/10/7-21-1024x682.jpg)
![](https://puthinews.com/wp-content/uploads/2021/10/7-21-1024x682.jpg)
អត្ថបទ និងរូបភាពដោយ៖Puthi News