31 C
Phnom Penh
Saturday, June 15, 2024

ប្រមុខការពារជាតិអាមេរិក និង ចិន ផ្លាស់ប្តូរទស្សនៈលើបញ្ហាចម្រូងចម្រាសនានានៅសិង្ហបុរី

រដ្ឋមន្ត្រីការពារជាតិអាមេរិកលោក Lloyd Austin និងរដ្ឋមន្ត្រីការពារជាតិចិន លោក
Dong Jun បានជួបប្រជុំដោយផ្ទាល់ជាលើកដំបូង នៅក្រៅសន្និសីទកំពូល Shangri-La Dialogue នៅប្រទេសសិង្ហបុរីកាលពីថ្ងៃទី៣១ ខែឧសភា។ មន្ត្រីទាំងពីរបានផ្លាស់ប្តូរទស្សនៈលើបញ្ហាចម្រូងចម្រាសនានា រួមទាំងភាពតានតឹងដែលកំពុងកើនឡើងនៅទូទាំងច្រកសមុទ្រតៃវ៉ាន់ការប្រឈមមុខដាក់គ្នារវាងហ្វីលីពីន និងចិននៅសមុទ្រចិនខាងត្បូង ក៏ដូចជាជម្លោះសាកលធំៗមួយចំនួន ដូចជា សង្គ្រាមរុស្ស៊ីនៅអ៊ុយក្រែន និងជម្លោះនៅមជ្ឈិមបូព៌ា។អំឡុងកិច្ចប្រជុំរយៈពេល ៧៥នាទី លោក Austin និងលោក Dong បានលើកឡើងពីសារៈសំខាន់នៃការបន្តរក្សាការប្រាស្រ័យទាក់ទងគ្នាដោយបើកចំហរវាងយោធាប្រទេសទាំងពីរ ហើយបន្តខ្សែទំនាក់ទំនងទាន់ហេតុការណ៍ រវាងមេបញ្ជាការនៅសមរភូមិរវាងភាគីទាំងសងខាង នៅប៉ុន្មានខែខាងមុខ។ លោក Austin បានអះអាងជាថ្មីនូវកង្វល់របស់រដ្ឋាភិបាលក្រុងវ៉ាស៊ីនតោនអំពីសមយុទ្ធយោធា រយៈពេល២ថ្ងៃ ឡោមព័ន្ធតៃវ៉ាន់ ហើយជំរុញកុំឱ្យចិនប្រើប្រាស់ការផ្លាស់ប្តូរនយោបាយរបស់តៃវ៉ាន់ ដែលលោកហៅថា ជាផ្នែកដំណើរការប្រជាធិបតេយ្យធម្មតាមួយ។ លោក Austin បានថ្លែងថា អាមេរិកនឹងបន្ត «ហោះហើរ ធ្វើនាវាចរណ៍ និងប្រតិបត្តិការ» នៅទីណាក៏ដោយឱ្យតែច្បាប់អន្តរជាតិអនុញ្ញាត ដោយសុវត្ថិភាព និងការទទួលខុសត្រូវ ដោយសង្កត់ធ្ងន់ពីសារៈសំខាន់ នៃការគោរពសេរីភាព ពិសេសនៅសមុទ្រចិនខាងត្បូង។អំឡុងពេលប្រជុំ លោក Dong បានថ្លែងថាហ្វីលីពីនមិនបានគោរពពាក្យសន្យា ដោយសារតែមានការគាំទ្រពី «កម្លាំងខាងក្រៅ»ហើយបន្តបង្ករឿងនៅតំបន់ថ្មប៉ប្រះទឹកSecond Thomas Shoal នៅសមុទ្រចិនខាងត្បូង ដែលទាំងរដ្ឋាភិបាលក្រុងប៉េកាំងនិងរដ្ឋាភិបាលក្រុងម៉ានីល មើលឃើញថាជាទឹកដីរបស់ខ្លួន។ លោករដ្ឋមន្ត្រីការពារជាតិចិន ក៏បានរិះគន់រដ្ឋាភិបាលក្រុងវ៉ាស៊ីនតោន ពីការពង្រាយប្រព័ន្ធមីស៊ីលខ្នាតមធ្យមទៅឱ្យហ្វីលីពីន «ដោយសម្ងាត់តាមរយៈសមយុទ្ធយោធា» ដោយចិនព្រមានថា ចំណាត់ការនេះ បង្កជាការគំរាមកំហែងពិតប្រាកដដល់សន្តិសុខតំបន់។ ក្រសួងការបរទេសចិន បានថ្លែងថា ភាគីទាំងពីរនឹងមានប្រឹក្សាជាបន្តបន្ទាប់ អំពីការផ្លាស់ប្តូរទស្សនៈនាពេលអនាគត រវាងយោធាទាំងពីរជាមួយការចូលរួម រវាងបណ្ឌិតសភាយោធាទាំងពីរ ហើយកិច្ចចរចាគោលនយោបាយទ្វេភាគីអាចនឹងជាចំណុចចាប់ផ្តើម។ ប៉ុន្តែជាមួយនឹងភាពតានតឹង ដែលកំពុងកើនឡើងនៅផ្នែកជាច្រើននៅអាស៊ី រួមទាំងច្រកសមុទ្រតៃវ៉ាន់ សមុទ្រចិនខាងត្បូង ឧបទ្វីបកូរ៉េ អ្នកវិភាគមួយចំនួនថ្លែងថា កិច្ចចរចាកាលពីថ្ងៃទី៣១ ខែឧសភា រវាងលោកAustin និងលោក Dong នឹងកាន់តែសំខាន់សម្រាប់តំបន់ ពិសេសនៅពេលមានជម្លោះយោធាពីរកំពុងកើតមានឡើងនៅលើពិភពលោក៕

China’s Defence Minister Dong Jun (C) walks out after a bilateral meeting with US Secretary of Defence Lloyd Austin on the sidelines of the 21st Shangri-La Dialogue summit at the Shangri-La Hotel in Singapore on May 31, 2024. The US and Chinese defence chiefs held rare direct talks in Singapore on May 31, offering hopes for more military dialogue that could help prevent disputes over Taiwan and other flashpoint issues from spinning out of control. (Photo by NHAC NGUYEN / AFP)

ដោយ៖ Puthinews

Youtube Channel: Puthi News

Telegram Channel: Puthi News

Puthinews Android app: Puthi New

អានបន្ត

spot_img