ស្តាប់អត្ថបទជាសម្លេង
ថ្លែងនៅក្នុងសុន្ទរកថាចេញពីប្រទេសអេមីរ៉ាតអារ៉ាប់រួម កាលពីថ្ងៃពុធ ប្រធានាធិបតីអាហ្វហ្គានីស្ថាន លោក អាស្រាហ្វ ហ្គានី (Ashraf Ghani) បាននិយាយថា លោកបានភៀសខ្លួនចេញពីប្រទេសអាហ្វហ្គានីស្ថានដើម្បីបញ្ចៀសការបង្ហូរឈាម និងបង្ការមិនឲ្យ «គ្រោះមហន្តរាយដ៏អាក្រក់» កេីតមានឡេីង។
លោក ហ្គានី បាននិយាយថា «ប្រសិនបេីខ្ញុំនៅ ខ្ញុំនឹងឃេីញការបង្ហូរឈាមនៅក្នុងទីក្រុងកាប៊ុល»។
នេះគឺជាការអត្ថាធិប្បាយរបស់ លោក ហ្គានី ជាសាធារណៈលេីកដំបូងចាប់តាំងពីមានការបញ្ជាក់ថាលោកបានភៀសខ្លួនមកកាន់ប្រទេសអេមីរ៉ាតអារ៉ាប់រួម។
លោកក៏បាននិយាយដែរថា ពាក្យចចាមអារ៉ាមដែលថាលោកបានធ្វើដំណើរមកកាន់ប្រទេសអេមីរ៉ាតអារ៉ាប់រួមដោយបានយកលុយដ៏ច្រើនមកជាមួយនោះ គឺជា «ការភូតកុហកទាំងស្រុង» និង «គ្មានមូលដ្ឋានទាល់តែសោះ»។
ក្រសួងការបរទេសប្រទេសអេមីរ៉ាតអារ៉ាប់រួមបានប្រកាសថា ប្រទេសអេមីរ៉ាតអារ៉ាប់រួមបានស្វាគមន៍ទទួល លោក ហ្គានី និងក្រុមគ្រួសាររបស់លោកដោយឈរលើមូលដ្ឋានមនុស្សធម៌។
លោក ហ្គានី បានភៀសខ្លួនចេញពីប្រទេសអាហ្វហ្គានីស្ថានភ្លាមៗ នៅពេលដែលក្រុមតាលីបង់បានចូលទៅដល់ទីក្រុងកាប៊ុលកាលពីចុងសប្តាហ៍កន្លងទៅ។
លោក ហ្គានី បានប្រឈមនឹងការរិះគន់យ៉ាងខ្លាំងពីក្រុមអ្នកនយោបាយអាហ្វហ្គានីស្ថានដទៃទៀតចំពោះការភៀសខ្លួនចេញពីប្រទេស។
សូមបញ្ជាក់ថា លោក ហ្គានី បានចូលកាន់តំណែងជាប្រធានាធិបតីអាហ្វហ្គានីស្ថាននៅក្នុងឆ្នាំ២០១៤ ហើយបានជាប់បោះឆ្នោតឡើងវិញនៅខែកុម្ភៈ ឆ្នាំ២០២០៕
អត្ថបទនឹងរូបភាព Puthinews
