ស្តាប់អត្ថបទជាសំឡេង
ត្បូងឃ្មុំ៖ ប្រជាពលរដ្ឋនៅស្រុកតំបែរ ខេត្តត្បូងឃ្មុំ នឹងទទួលបានការពិនិត្យព្យាបាលជំងឺភ្នែកដោយឥតគិតថ្លៃ ក្រោមកិច្ចសហការរបស់មន្ទីរពេទ្យបង្អែកតំបែរ និងមន្ទីរសុខាភិបាលខេត្តត្បូងឃ្មុំ ជាមួយក្រុមគ្រូពេទ្យភ្នែកនៃកម្មវិធីជាតិសុខភាពភ្នែក ដែលឧបត្ថម្ភដោយមូលនិធិសេវា( SEVA.ORG)។ ការពិនិត្យ និងព្យាបាលភ្នែកដោយឥតគិតថ្លៃនេះ ផ្ដោតទៅលើបញ្ហាភ្នែកជំនួន ៣ចំណុច ពោលគឺ ពិនិត្យភ្នែក បកបាយភ្នែក និងបកកន្ទុយថ្លែនភ្នែកធ្ងន់ធ្ងរ។ នេះបើយោងតាមការបញ្ជាក់ពី លោក ផុស ពន្លឺ អនុប្រធានមន្ទីរសុខាភិបាលខេត្តត្បូងឃ្មុំ នៅថ្ងៃទី១០ ខែមករា ឆ្នាំ២០២២។
![](https://puthinews.com/wp-content/uploads/2022/01/photo_2022-01-10_12-23-27-1024x768.jpg)
លោក ផុស ពន្លឺ បានបញ្ជាក់ថា ការរៀបចំពិនិត្យ និងព្យាបាលជំងឺភ្នែកជូនប្រជាពលរដ្ឋក្នុងស្រុកតំបែរដោយឥតគិតថ្លៃនេះ នឹងប្រព្រឹត្តទៅរយៈពេល ៥ថ្ងៃពេញ ពោលគឺ ចាប់ពីថ្ងៃទី១០ ដល់ថ្ងៃទី១៤ ខែមករា ឆ្នាំ២០២២ ខណៈតាមគម្រោងនឹងអាចទទួលការពិនិត្យព្យាបាលជូនប្រជាពលរដ្ឋចន្លោះពី ១២០នាក់ ទៅ ១៧០នាក់។ ជាមួយនឹងការលើកឡើង លោក ផុស ពន្លឺ ក៏បានអំពាវនាវដល់ប្រជាពលរដ្ឋក្នុងស្រុកតំបែរទាំងមូល បើមានបញ្ហាសុខភាពភ្នែក សូមទៅពិនិត្យ និងព្យាបាលឱ្យបានគ្រប់គ្នា ព្រោះការព្យាបាលនេះ មិនតម្រូវឱ្យបង់ប្រាក់ទេ។
![](https://puthinews.com/wp-content/uploads/2022/01/photo_2022-01-10_12-23-28-1024x768.jpg)
![](https://puthinews.com/wp-content/uploads/2022/01/photo_2022-01-10_12-23-28-1024x768.jpg)
សូមជម្រាបថា នេះមិនមែនជាលើកទី១ទេ ដែលមន្ទីរសុខាភិបាលខេត្តត្បូងឃ្មុំ បានសហការជាមួយដៃគូ ក្នុងការពិនិត្យ និងព្យាបាលជំងឺជូនប្រជាពលរដ្ឋដោយឥតគិតថ្លៃ ខណៈកន្លងមកការពិនិត្យ និងព្យាបាលជំងឺភ្នែកដោយឥតគិតថ្លៃនេះ ធ្លាប់បានធ្វើជាបន្តបន្ទាប់នៅមន្ទីរពេទ្យនានាតាមបណ្តាក្រុង/ស្រុក រួចមកហើយ៕
![](https://puthinews.com/wp-content/uploads/2022/01/photo_2022-01-10_12-23-35-1024x768.jpg)
![](https://puthinews.com/wp-content/uploads/2022/01/photo_2022-01-10_12-23-35-1024x768.jpg)
![](https://puthinews.com/wp-content/uploads/2022/01/photo_2022-01-10_12-23-36-2-1024x768.jpg)
![](https://puthinews.com/wp-content/uploads/2022/01/photo_2022-01-10_12-23-36-2-1024x768.jpg)
![](https://puthinews.com/wp-content/uploads/2022/01/photo_2022-01-10_12-23-36-1024x768.jpg)
![](https://puthinews.com/wp-content/uploads/2022/01/photo_2022-01-10_12-23-36-1024x768.jpg)
អត្ថបទ និងរូបភាពដោយPuthinews