ខេត្តតាកែវ ៖ ល្បែងសុីសងតាមអនឡាញ និងកន្ទុយលេខ កំពង់សប្បាយកើបលុយ ពីប្រជាពលរដ្ឋគ្រប់វ័យយ៉ាងគគ្រឹក គគ្រេងនៅ ភូមិស្វាយជ្រុំខាងជើង (ទួលចំការគ) សមត្ថកិច្ចមិនហ៊ានបង្ក្រាប ប្រជាពលរដ្ឋសង្ស័យថា ជាឆ្នាំងបាយរបស់សមត្ថកិច្ចហើយមើលទៅ បានជាមិនហ៊ានបង្ក្រាបដូច្នេះ។
យោងតាមសំដីប្រជាពលរដ្ឋម្នាក់បានលួចបង្ហើបប្រាប់ក្រុមការងារយើងអោយដឹងថា ទីតាំងល្បែងសុីសងនេះស្ថិតនៅទួលចំការគ នៃភូមិស្វាយជ្រុំខាងជើង ក្នុងសង្កាត់បារាយណ៍ ក្រុងដូនកែវ ខេត្តតាកែវ ជាកន្លែងដែលប្រមូលផ្ដុំមនុស្សគ្រប់វ័យពពាក់ពពូនគ្នាលេងល្បែងដូចជាបៀ កន្ទុយលេខនិងល្បែងឡូតូជាដើម។
ប្រភពដដែលបានបន្តទៀតថា ល្បែងសុីសងទាំងអស់នេះមិនដែលឃើញមានអាជ្ញាធរពាក់ព័ន្ធណាមកបង្ក្រាបឡើយ បណ្ដោឱ្យអ្នកញៀនល្បែងប្រមូលផ្ដុំលេងយ៉ាងរំភើយ ដោយមិនខ្លាចញញើតនិងសមត្ថកិច្ចបន្តិចសោះឡើយ មានល្បែងសុីសងប្រាកដជាមានអំពើហឹង្សា និងអំពើលួចឆក់ប្លន់ជាក់ជាមិនខាន ។
ប្រភពដដែលបានបន្តទៀតថា បើសមត្ថកិច្ចសង្កាត់បារាយណ៍ មិនហ៊ានបង្ក្រាបទេពួកគាត់ សូមសុំណូមពរដល់លោកអធិការនគរបាលក្រុងដូនកែង និងលោកស្នងការខេត្តតាកែវ សូមលោកមេតាជួយបង្ក្រាបល្បែងសុីសងគ្រប់ប្រភេទក្នុងមូលដ្ឋានឱ្យខានតែបានផង ដើម្បីទប់ស្កាត់អំពើហឹង្សាអំពើលួច ឆក់ ប្លន់ផ្សេងៗក្នុងមូលដ្ឋាន ស្របតាមគោលនយោបាយ៧ចំណុចថ្មី ភូមិ ឃុំ សង្កាត់ មានសុវត្តិភាព របស់រាជរដ្ឋាភិបាល៕
ដោយ៖ Puthinews
Telegram Channel: Puthinews
Youtube Channel: Puthi News
Puthinews Android app: Puthi News
