ភ្នំពេញ៖ អាជ្ញាធរសង្កាត់វាលវង់ ខណ្ឌ៧មករា បានចុះយកខ្សែហ៊ុំព័ទ្ធបិទខ្ទប់ ដើម្បីយកសំណាកលេីប្រជាពលរដ្ឋរកកូវីដ-១៩ នៅព្រឹកថ្ងៃទី១១ ខែកញ្ញា ឆ្នាំ២០២១។ នេះបេីយោងតាមការឱ្យដឹងពី លោកវរៈសេនីយ៍ត្រី ង៉ែត សារុន អធិការរងទទួលផែនសណ្តាប់ធ្នាប់ ខណ្ឌ៧មករា។
លោកវរៈសេនីយ៍ត្រី បានបញ្ជាក់ថា ការចុះបិទខ្ទប់តំបន់បុរីកីឡានេះ ដើម្បីរកមើលប្រជាពលរដ្ឋកើតជំងឺកូវីដ-១៩ មានការកើនឡើង ឬថយចុះ ហើយការបិទខ្ទប់នេះ បន្ទាប់ពីបានចុះផ្សព្វផ្សាយឱ្យពួកគាត់ដែលរស់នៅតំបន់នេះមានការយល់ដឹង និងពួកគាត់ក៏មានការស្ម័គ្រចិត្តទៅយកសំណាកយ៉ាងច្រើនផងដែរ ដែលប្រជាពលរដ្ឋរស់នៅតំបន់នេះមានជាង ១ ០០០គ្រួសារ៕
អត្ថបទ និងរូបភាពដោយ Puthi News
