ស្តាប់អត្ថបទជាសំឡេង
ភ្នំពេញ៖ រដ្ឋបាលខណ្ឌដូនពេញ បានសហការជាមួយក្រុមហ៊ុន មីហ្ស៊ូដា (Mizuda) សានីថេសិន ខេមបូឌា បានរៀបចំសិក្ខាសាលាស្ដីពី ការគ្រប់គ្រងសំរាម សំណល់រឹង នៅរាជធានីភ្នំពេញ ក្រោមវត្តមាន លោក សុខ ពេញវុធ អភិបាលខណ្ឌដូនពេញ និងមន្ត្រីពាក់ព័ន្ធ ប្រធានការិយាល័យសាធារណការ អនាម័យបរិស្ថាន និងសណ្ដាប់ធ្នាប់សាធារណៈ តំណាងក្រុមដែលទទួលបន្ទុកសេវាដឹកជញ្ជូនសំរាម និងសំណល់រឹងក្នុងខណ្ឌដូនពេញ ចៅសង្កាត់ទាំង១១ និងតំណាងប្រជាពលរដ្ឋផងដែរ នៅព្រឹកថ្ងៃទី២៥ ខែតុលា ឆ្នាំ២០២១។
![](https://puthinews.com/wp-content/uploads/2021/10/photo_2021-10-26-17.40.18-1024x461.jpeg)
សិក្ខាសាលានេះ ធ្វើឡើងដើម្បីជាជំនួយស្មារតី និងបង្កើនការយល់ដឹង ព្រមទាំងកិច្ចសហការដោយភាពរលូន ការទទួលខុសត្រូវ និងតម្លាភាព លើការងារសេវាប្រមូល សំអាត និងដឹកជញ្ជូនសំរាម សំណល់រឹងក្នុងភូមិសាស្ត្រខណ្ឌដូនពេញ ដែលជាបេះដូងនៃរាជធានីភ្នំពេញ។ ក្រៅពីនេះជាការចូលរួមផ្សព្វផ្សាយការយល់ដឹងអំពីដំណើរការប្រមូល ដឹកជញ្ជូន ព្រមទាំងកាតព្វកិច្ចចំពោះមុខរបស់ប្រជាពលរដ្ឋទូទៅ ពាក់ព័ន្ធនឹងការទុកដាក់សំរាម ការបែងចែក ឬញែកសំរាម សំណល់រឹង ដែលងាយប៉ះពាល់បរិស្ថាន និងបង្កគ្រោះថ្នាក់ផ្សេងៗ ជាពិសេសបង្កប៉ះពាល់ដល់សោភ័ណភាព និងសុខុមាលភាពរបស់ប្រជាពលរដ្ឋទូទៅផងដែរ។
![](https://puthinews.com/wp-content/uploads/2021/10/photo_2021-10-26-17.40.15-1024x528.jpeg)
![](https://puthinews.com/wp-content/uploads/2021/10/photo_2021-10-26-17.40.15-1024x528.jpeg)
ក្នុងនោះផងដែរ លោក សុខ ពេញវុធ ក៏បានចូលរួមចែករំលែកបទពិសោធន៍ ក៏ដូចជាកិច្ចការងារសំខាន់ៗ និងបញ្ហាប្រឈមនានាដែលបានឆ្លងកាត់នាពេលកន្លងមក លើកិច្ចការងារប្រមូល និងដឹកជញ្ជូនសំរាម សំណល់រឹង។ ក្រៅពីនេះក៏បានសរសើរដល់ក្រុមហ៊ុន មីហ្ស៊ូដា សានីថេសិន(Mizuda) ដែលបានអនុវត្តការងាររបស់ខ្លួនបានល្អប្រសើរនាពេលកន្លងមក ទាំងកិច្ចការប្រមូល និងដឹកជញ្ជូនសំរាមក្នុងមូលដ្ឋានខណ្ឌដូនពេញ៕
![](https://puthinews.com/wp-content/uploads/2021/10/photo_2021-10-26-17.40.12-1024x497.jpeg)
![](https://puthinews.com/wp-content/uploads/2021/10/photo_2021-10-26-17.40.12-1024x497.jpeg)
![](https://puthinews.com/wp-content/uploads/2021/10/photo_2021-10-26-17.40.09-1024x510.jpeg)
![](https://puthinews.com/wp-content/uploads/2021/10/photo_2021-10-26-17.40.09-1024x510.jpeg)
![](https://puthinews.com/wp-content/uploads/2021/10/photo_2021-10-26-17.40.04-1024x534.jpeg)
![](https://puthinews.com/wp-content/uploads/2021/10/photo_2021-10-26-17.40.04-1024x534.jpeg)
![](https://puthinews.com/wp-content/uploads/2021/10/photo_2021-10-26-17.39.58-851x1024.jpeg)
![](https://puthinews.com/wp-content/uploads/2021/10/photo_2021-10-26-17.39.58-851x1024.jpeg)
អត្ថបទ និងរូបភាពដោយ៖ Puthinews
Join Telegram group: ឯកសារចំណេះដឹងសាធារណៈជន