កាលពីថ្ងៃចន្ទ នាយករដ្ឋមន្ត្រីនូវែលសេឡង់លោកស្រី ចាស៊ីនដា អាដឺន (Jacinda Ardern) បានប្រកាសបន្តការបិទខ្ទប់នៅទូទាំងប្រទេសយ៉ាងតឹងរ៉ឹងដើម្បីទប់ស្កាត់ជំងឺកូវីដ-១៩ដោយនិយាយថាការផ្ទុះឡើងនៃវ៉ារ្យង់ Delta បច្ចុប្បន្ននេះនៅមិនទាន់ដល់ចំណុលកំពូលនៅឡើយទេ។
វិធានការបិទខ្ទប់កម្រិតទី៤នោះត្រូវបានបន្តរយៈពេល៣ថ្ងៃទៀតរហូតដល់ពាក់កណ្តាលយប់ថ្ងៃទី២៧ ខែសីហា ខណៈដែលទីក្រុងអកឡេន (Auckland) ដែលជាតំបន់មានការផ្ទុះឡើងខ្លាំងនៃជំងឺកូវីដ-១៩នឹងត្រូវស្ថិតក្រោមការរឹតបន្តឹងរហូតដល់យ៉ាងហោចថ្ងៃទី៣១ ខែសីហា។
![](https://puthinews.com/wp-content/uploads/2021/08/photo_2021-08-24-13.15.19-1024x683.jpeg)
លោកស្រី អាដឺន បាននិយាយថា មានទីតាំងជាង៣២០កន្លែងដែលជាប់ពាក់ព័ន្ធនឹងការឆ្លងរាលដាលនៃវីរុសកូវីដ-១៩ប្រភេទ Delta និងមានអ្នកប៉ះពាល់ប្រមាណ១៣,០០០នាក់ពោលគឺខ្ពស់ជាងការផ្ទុះឡើងមុនៗឆ្ងាយណាស់។
សូមបញ្ជាក់ថា កាលពីថ្ងៃចន្ទដដែលនោះនូវែលសេឡង់រាយការណ៍ពីករណីឆ្លងថ្មីចំនួន៣៥នាក់ថែមទៀតដោយធ្វើឲ្យចំនួនអ្នកឆ្លងសរុបក្នុងការផ្ទុះឡើងថ្មីៗនេះកើនដល់១០៧នាក់៕
![](https://puthinews.com/wp-content/uploads/2021/08/photo_2021-08-24-13.15.16.jpeg)
![](https://puthinews.com/wp-content/uploads/2021/08/photo_2021-08-24-13.15.16.jpeg)
![](https://puthinews.com/wp-content/uploads/2021/08/photo_2021-08-24-13.15.55-1024x577.jpeg)
![](https://puthinews.com/wp-content/uploads/2021/08/photo_2021-08-24-13.15.55-1024x577.jpeg)
![](https://puthinews.com/wp-content/uploads/2021/08/photo_2021-08-24-13.15.58.jpeg)
![](https://puthinews.com/wp-content/uploads/2021/08/photo_2021-08-24-13.15.58.jpeg)
អត្ថបទ និងរូបភាពដោយ Puthinews