ស្តាប់អត្ថបទជាសម្លេង
បន្ទាយមានជ័យ៖ សាច់ជ្រូក និងគ្រឿងក្នុង ជ្រូក ប្រមាណជា ១៥០០គីឡូក្រាម ត្រូវបានមន្ត្រីជំនាញការិយាល័យផលិតកម្ម និងបសុព្យាបាលនៃមន្ទីរកសិកម្មខេត្តបន្ទាយមានជ័យ សហការណ៍ជាមួយកម្លាំងយោធាសឹករង ស្រុកម៉ាឡៃ នៅថ្ងៃទី១៤ ខែសីហា ឆ្នាំ២០២១ នៅលើដងផ្លូវលំមួយជិត បន្ទាត់ព្រំដែន ស្ថិតនៅក្នុងភូមិសន្តិភាព ឃុំទួលពង្រ ស្រុកម៉ា ឡៃ ដោយសង្ស័យខូចគុណភាព និងមានលាយសារធាតុគីមី។
![](https://puthinews.com/wp-content/uploads/2021/08/photo_2021-08-15-19.34.43.jpeg)
សាច់ និងគ្រឿងក្នុងជ្រូកចម្រុះដ៏ច្រើន និងមានគ្រោះថ្នាក់នេះ មន្ត្រីជំនាញចាប់ស្ទាក់លើរថយន្ត១គ្រឿង ដោយក្នុងនោះមាន ចំនួន ៣០កេសស្នា ដែលក្នុង១កេសមានទម្ងន់ ៥០គីឡូក្រាម និងសរុបចំនួន ១៥០០គីឡូក្រាម។ ក្នុងករណីនេះ ក្រោយឃាត់បាន មិនមានជនណាម្នាក់ចេញមុខទទួលខុសត្រូវឡើយ ខណៈអ្នកបើកបររថយន្តដឹកសាច់ និងគ្រឿងក្នុង បានឆ្លើយបែបដោះសារថា ខ្លួនគ្រាន់តែស៊ីឈ្នួលដឹកឱ្យគេ និងមិនស្គាល់ម្ចាស់ ហើយថាសាច់ទាំងនេះគ្រោងដឹកទៅកាន់ខេត្តបាត់ដំបង។
![](https://puthinews.com/wp-content/uploads/2021/08/photo_2021-08-15-19.34.44.jpeg)
![](https://puthinews.com/wp-content/uploads/2021/08/photo_2021-08-15-19.34.44.jpeg)
ពាក់ព័ន្ធករណីនេះ លោក ហ៊ុយ ទូច ប្រធានការិយាផលិតកម្ម និងបសុព្យាបាល នៃមន្ទីរកសិកម្មខេត្ត បានឱ្យដឹងថា ខាងលោកបានសហការណ៍ជាមួយកម្លាំងយោធាសឹក រងស្រុកម៉ាឡៃ បានធ្វើការចាប់សាច់ និងគ្រឿងក្នុងជ្រូកខាងលើ ដោយឃាត់ខ្លួនមនុស្សចំនួន ២នាក់ (ម្នាក់ ជាអ្នកបើកបររថយន្ត និងម្នាក់ជាអ្នករួមដំណើរ) ហើយបេីយោងតាមការសាកសួរអ្នកបើកបររថយន្តដឹកសាច់ និងគ្រឿងក្នុងខាងលើហាក់និយាយដោះសារថា ខ្លួនមិនស្គាល់ម្ចាស់ទេ ហើយសាច់ទាំងនេះគ្មានលិខិតអនុញ្ញាត ពីក្រសួងកសិកម្ម្មថែមទៀត។ ចំពោះការវេចខ្ចប់នេះក៏មិនត្រឹមត្រូវតាមស្តង់ដា ឬបទដ្ឋានបច្ចេកទេស។ ទោះយ៉ាងនេះក៏ដោយ សាច់ទាំងនេះ និងមនុស្សទាំង២នាក់ កំពុងនាំយកទៅសាកសួរបន្តនៅការិយាល័យ។
![](https://puthinews.com/wp-content/uploads/2021/08/photo_2021-08-15-19.34.45.jpeg)
![](https://puthinews.com/wp-content/uploads/2021/08/photo_2021-08-15-19.34.45.jpeg)
លោកបន្តថា បើការដឹកជញ្ជូនមានលក្ខណៈស្តង់ដា ឬតាមបទដ្ឋានបច្ចេកទេសតែអត់ច្បាប់ខាងលោកគ្រាន់តែធ្វើកាផាកពិន័យតែប៉ុណ្ណោះ។ សាច់ និងគ្រឿងក្នុងជ្រូកទាំងនេះនឹងរាយការណ៍ជូន លោកព្រះរាជអាជ្ញាអមសាលាដំបូងខេត្ត ដើម្បីសុំគោលការណ៍ដុតកម្ទេចចោលរួចហើយ និងយក សំណាកវិភាគសាច់ទាំងនេះទៅធ្វើតេស្តរកមេរោគផងដែរ៕
![](https://puthinews.com/wp-content/uploads/2021/08/photo_2021-08-15-19.34.46.jpeg)
![](https://puthinews.com/wp-content/uploads/2021/08/photo_2021-08-15-19.34.46.jpeg)
![](https://puthinews.com/wp-content/uploads/2021/08/photo_2021-08-15-19.34.47.jpeg)
![](https://puthinews.com/wp-content/uploads/2021/08/photo_2021-08-15-19.34.47.jpeg)
![](https://puthinews.com/wp-content/uploads/2021/08/photo_2021-08-15-19.34.48-1.jpeg)
![](https://puthinews.com/wp-content/uploads/2021/08/photo_2021-08-15-19.34.48-1.jpeg)
![](https://puthinews.com/wp-content/uploads/2021/08/photo_2021-08-15-19.34.48.jpeg)
![](https://puthinews.com/wp-content/uploads/2021/08/photo_2021-08-15-19.34.48.jpeg)
![](https://puthinews.com/wp-content/uploads/2021/08/photo_2021-08-15-19.34.49.jpeg)
![](https://puthinews.com/wp-content/uploads/2021/08/photo_2021-08-15-19.34.49.jpeg)
អត្ថបទ និងរូបភាពដោយ៖ Puthi News