“ទីក្រុងទឹកកក” នៃទីក្រុង Harbin ជារដ្ឋធានីដែលមានព្រិលធ្លាក់នៃខេត្ត Heilongjiangភាគឦសានប្រទេសចិន បានទាក់ទាញអ្នកទស្សនាយ៉ាងច្រើនកុះករ ក្នុងឱកាសបុណ្យចូលឆ្នាំសកល ដោយពួកគេបានរចនារូបចម្លាក់ទឹកកកដ៏ធំ នៃពិធីបុណ្យទឹកកក និងព្រិលប្រចាំឆ្នាំ សំណង់ទឹកកកដ៏មហិមា
បំភ្លឺនៅពេលយប់ ត្រូវបានសាងសង់ឡើងពីដុំទឹកកកដែលប្រមូលមកពីទន្លេ Songhuaដែលកកនៅក្បែរនោះ ទីភ្នាក់ងារសារព័ត៌មានរដ្ឋ Xinhua បានរាយការណ៍កាល ពីថ្ងៃពុធថា ពិធីបុណ្យឆ្នាំនេះបានទាក់ទាញ ភ្ញៀវទេសចរ3.05 លាននាក់ ទៅកាន់ទី ក្រុង Harbin – អំឡុងពេលថ្ងៃឈប់សម្រាក ឆ្នាំថ្មី រយៈពេល 3ថ្ងៃ ដែលបានបញ្ចប់កាល ពីថ្ងៃចន្ទ ដោយបង្កើតប្រាក់ចំណូល 5.91 ពាន់លានយន់ (826 លានដុល្លារអាមេរិក) នៅក្នុងវិស័យទេសចរណ៍។តួលេខនេះលើសពីចំនួនទៅមើលមុនកូវីដនៅឆ្នាំ2019។កាសែតក្នុងស្រុក Harbin Daily បានរាយ ការណ៍ថា កំណើននៃការស្នាក់នៅ និងម្ហូបអាហារបានកើនឡើងជាងទ្វេដងពីឆ្នាំ2019។កំណើននេះស៊ីនហួបាននិយាយថា នាយកដ្ឋានទេសចរណ៍ របស់ទីក្រុងបានសន្មតថា ដោយសារការកើនឡើងប្រជាប្រិយភាពរបស់ ទីក្រុង Harbin នៅលើប្រព័ន្ធផ្សព្វផ្សាយស ង្គម។ ការរីកដុះដាលនៃវិស័យទេសចរណ៍ បានកើតឡើង នៅពេលសកម្មភាពសវាកម្មរបស់ប្រទេសចិន បានពង្រីកក្នុងល្បឿន លឿនបំផុត ក្នុងរយៈពេល ៥ខែក្នុងខែធ្នូ ដោយបានលើកសុទិដ្ឋិនិយម ក្នុងវិស័យនេះ ដល់កម្រិតខ្ពស់ក្នុងរយៈពេល ៣ខែ ស៊ីន ហួ បាននិយាយថា អាជ្ញាធររបស់ទីក្រុង Harbin បានចាប់ផ្ដើមសកម្មភាពដើម្បីទាក់ ទាញភ្ញៀវទេសចរ រួមទាំងការសំដែងផ្ទាល់ និងការប្រគុំតន្ត្រី សួនកម្សាន្ត និងការបាញ់ កាំជ្រួច ក៏ដូចជាការកែលម្អសេវាកម្មអាហារ ការស្នាក់នៅ និងការទិញទំនិញផងដែរ។ ទូរទស្សន៍ខេត្ត Heilongjiang បានបង្ហោះតាមប្រព័ន្ធផ្សព្វផ្សាយសង្គមថា ឧទ្យានពិធីបុណ្យទឹកកក និងបុណ្យទឹកកកបានទទួល ភ្ញៀវចំនួន 163,200នាក់ អំឡុងពេលថ្ងៃ ឈប់សម្រាកចូលឆ្នាំថ្មី ច្រើនជាង 5 ដង កាលពីឆ្នាំមុន ដោយស្ទើរតែ 40% នៃអ្នកនោះមកលេងកម្សាន្ត នៅថ្ងៃចូលឆ្នាំសកល។ ស្ថានីយទូរទស្សន៍ខេត្តបាននិយាយថា បានបង្កើតប្រាក់ចំណូលចំនួន 46.18 លាន យន់ ដែលខ្ពស់ជាងឆ្នាំមុនជិត 6 ដង។ ខេត្ត
Heilongjiangបានស្វាគមន៍ភ្ញៀវទេសចរចំនួន 6.619 លាននាក់ ក្នុងរយៈពេល 3 ថ្ងៃ ជិត ៣ដងធៀបនឹងឆ្នាំមុន ដែលទទួលបានប្រាក់ចំណូលពីទេសចរណ៍ 6.920 ពាន់លានយន់ ស្ទើរតែ ៥ដងធៀបនឹងឆ្នាំមុន។
រដ្ឋាភិបាលទីក្រុងបានប្រកាសថ្ងៃឈប់សម្រាកសាធារណៈពិសេស គឺ Ice and Snow Holiday សម្រាប់ថ្ងៃសុក្រ ដើម្បីស្របពេលជាមួយការបើកជាផ្លូវការ នៃពិធី បុណ្យនេះ។ ការកើនឡើងនៃទេសចរណ៍រដូវ
រងាក្នុងស្រុកបានផ្ដល់អត្ថប្រយោជន៍ ដល់ក្រុមហ៊ុនក្នុងស្រុកនៅក្នុងវិស័យនេះ។ ភាគហ៊ុនរបស់ក្រុមហ៊ុន ChangBai Mountain Tourism ដែលជាក្រុមហ៊ុនសេវាកម្មទេសចរណ៍មានមូលដ្ឋាន នៅភាគឦសាន
នៃប្រទេសចិន បានកើនឡើង 26% នៅក្នុងការជួញដូរនៅទីក្រុងសៀងហៃ ចាប់តាំងពីសប្តាហ៍ចុងក្រោយនៃខែធ្នូ ដោយ បានវ៉ាដាច់ភាគហ៊ុនគោល៕ Reuters
ដោយ៖ Puthi News
Youtube Channel: Puthi News
Telegram Channel: Puthi News
Puthinews Android app: Puthi News
