ស្តាប់អត្ថបទជាសំឡេង
ភ្នំពេញ៖ បន្ទាប់ពីបានបញ្ចប់រដូវពងកូនឆ្នាំ២០២០-២០២១ដោយជោគជ័យ ហ្វូងសត្វចង្កៀលខ្យងពេញវ័យមួយចំនួន បានហើរចាកចេញពីសម្បុក ទៅរកទីតាំងផ្សេងៗ ដើម្បីរកចំណីចិញ្ចឹមជីវិត។ ដោយឡែក ក្នុងឆ្នាំ២០២១ ដែរ ចង្កៀលខ្យង បានមកកាច់សម្បុកពងកូនសារជាថ្មីនៅលើទីតាំងដដែល ក្នុងតំបន់ការពារទេសភាពបឹងព្រែកល្ពៅ។ នេះបើយោងតាមការឱ្យដឹងពីមន្ត្រីជំនាញអភិរក្សសត្វព្រៃ នៅថ្ងៃទី១៣ ខែតុលា ឆ្នាំ២០២១។
![](https://puthinews.com/wp-content/uploads/2021/10/1-50-1024x768.jpg)
សម្បុកចង្កៀលខ្យង ត្រូវបានគេប៉ាន់ប្រមាណថា ប្រហែលជាង២០០០សម្បុក ដែលមានទាំងសម្បុកថ្មី និងសម្បុកចាស់ ចំណែកសម្បុកខ្លះបានញាស់ និងខ្លះទៀតកំពុងបន្តក្រាបពង។ ដោយសារទឹកជំនន់ឆ្នាំនេះតូច ដូចនេះ មន្ត្រីជំនាញមិនទាន់បានជួបប្រទះនូវបញ្ហា សម្បុកលិចទឹក និងធ្លាក់ពងសត្វ ដោយសារព្យុះភ្លៀងនៅឡើយទេ។ ទន្ទឹមនឹងនេះ មន្ត្រីឧទ្យានុរក្ស ក៏បានសហការ យកចិត្តទុក្ខដាក់ខ្ពស់ ក្នុងកិច្ចការពារសម្បុកសត្វទាំងនោះ ដោយធ្វើការយាមល្បាតទាំងថ្ងៃទាំងយប់ ការពារជនខិលខូចមួយចំនួន ឆ្លៀតឱកាសបង្ករបទល្មើសផ្សេងៗ។ វត្តមាននៃសត្វស្លាបដែលនៅតែបន្តពងកូនក្នុងតំបន់ដីសើមនេះ បានបញ្ចាក់ឱ្យដឹងថា តំបន់ដីសើមនេះ ជាតំបន់ដ៏សំខាន់ និងមានតម្លៃជាអតិបរមា សម្រាប់ការងារអភិរក្ស ការពារធនធានធម្មជាតិ។
![](https://puthinews.com/wp-content/uploads/2021/10/8-23-1024x768.jpg)
![](https://puthinews.com/wp-content/uploads/2021/10/8-23-1024x768.jpg)
![](https://puthinews.com/wp-content/uploads/2021/10/8-23-1024x768.jpg)
សូមបញ្ជាក់ថា គម្រោងអភិរក្ស និងគ្រប់គ្រងតំបន់ដីសើមបឹងព្រែកល្ពៅ ស្ថិតក្រោមកិច្ចសហការរវាងក្រសួងបរិស្ថាន ដែលមានមន្ទីរបរិស្ថានខេត្តតាកែវ ជាសេនាធិការជាមួយភាពជាដៃគូនៃអង្គការអភិរក្សតំបន់ដីសើមមេគង្គក្រោម ដែលមានអង្គការជីវិតស្លាបអន្តរជាតិ អង្គការជីវិតធម្មជាតិនៅកម្ពុជា និងអង្គការWWT៕
![](https://puthinews.com/wp-content/uploads/2021/10/3-45-1024x768.jpg)
![](https://puthinews.com/wp-content/uploads/2021/10/3-45-1024x768.jpg)
![](https://puthinews.com/wp-content/uploads/2021/10/4-40-1024x768.jpg)
![](https://puthinews.com/wp-content/uploads/2021/10/4-40-1024x768.jpg)
![](https://puthinews.com/wp-content/uploads/2021/10/5-40-1024x768.jpg)
![](https://puthinews.com/wp-content/uploads/2021/10/5-40-1024x768.jpg)
![](https://puthinews.com/wp-content/uploads/2021/10/6-36-1024x768.jpg)
![](https://puthinews.com/wp-content/uploads/2021/10/6-36-1024x768.jpg)
![](https://puthinews.com/wp-content/uploads/2021/10/8-23-1024x768.jpg)
![](https://puthinews.com/wp-content/uploads/2021/10/8-23-1024x768.jpg)
![](https://puthinews.com/wp-content/uploads/2021/10/8-23-1024x768.jpg)
អត្ថបទ និងរូបភាពដោយ៖ Puthinews