ស្តាប់អត្ថបទជាសំឡេង
ភ្នំពេញ៖ លោកស្រី លី អាយទ្បែន នាយិកាអង្គការសុខភាពពិភពប្រចាំនៅកម្ពុជា បានចាត់ទុកថា គម្រោងបើកប្រទេសឡើងវិញឆាប់ៗខាងមុខនេះ របស់កម្ពុជា គឺជាដំណឹងល្អមួយ និងបានកោតសរសើរដល់រាជរដ្ឋាភិបាលកម្ពុជា ចំពោះការប្រយុទ្ធប្រឆាំងជំងឺកូវីដ-១៩។
![](https://puthinews.com/wp-content/uploads/2021/10/photo_2021-10-22_22-31-51-1024x768.jpg)
លោកស្រី លី អាយឡាន ថ្លែងប្រាប់ក្រុមអ្នកសារព័ត៌មានក្នុងឱកាសទទួលបានវ៉ាក់សាំងស៉ីណូវ៉ាក់ (Sinovac) ចំនួន ១២៤,៨០០ដូសទៀត តាមរយៈយន្តការ COVAX (COVAX Facility) នៅព្រលានយន្តហោះអន្តរជាតិភ្នំពេញ នាល្ងាចថ្ងៃទី២២ ខែតុលា ឆ្នាំ២០២១នេះ។
![](https://puthinews.com/wp-content/uploads/2021/10/photo_2021-10-22_22-31-50-1024x768.jpg)
![](https://puthinews.com/wp-content/uploads/2021/10/photo_2021-10-22_22-31-50-1024x768.jpg)
លោកស្រី លី អាយឡែន បានលើកឡើងបន្តថា កម្ពុជាបានធ្វើការយ៉ាងអស្ចារ្យ ក្នុងការប្រយុទ្ធប្រឆាំងនឹងជំងឺកូវីដ១៩ ទាំងការផ្តល់វ៉ាក់សាំងជូនប្រជាពលរដ្ឋ ហើយកម្ពុជាក៏ស្ថិតនៅក្នុងចំណោមប្រទេសឈានមុខគេ នៃការផ្តល់តម្លៃរបស់អង្គការសុខភាពពិភពលោក (WHO) នៅតំបន់អាស៊ីប៉ាស៊ីហ្វិក ក្នុងការផ្តល់វ៉ាក់សាំងដល់ប្រជាពលរដ្ឋ ជាពិសេសជនងាយរងគ្រោះ និងមន្រ្តីជួរមុខ។
![](https://puthinews.com/wp-content/uploads/2021/10/photo_2021-10-22_22-31-49-1024x768.jpg)
![](https://puthinews.com/wp-content/uploads/2021/10/photo_2021-10-22_22-31-49-1024x768.jpg)
លោកស្រីបានបន្ថែមថា ការផ្តល់វ៉ាក់សាំងដល់ប្រជាពលរដ្ឋងាយរងគ្រោះ ធ្វើឱ្យកម្ពុជាធានានូវសុខភាពសាធារណៈ ដែលនឹងអាចឈានទៅការបើកដំណើរការសង្គមសេដ្ឋកិច្ចជាបន្តបន្ទាប់ទៀតបាន។
កម្ពុជាមានគម្រោងបើកប្រទេសឡើងវិញទាំងស្រុង នៅចុងឆ្នាំ២០២១នេះ ខណៈវិស័យផ្សេងៗកំពុងអនុញ្ញាតឱ្យដំណើរការជាបន្ត បន្ទាប់ផងដែរ។
![](https://puthinews.com/wp-content/uploads/2021/10/photo_2021-10-22_22-31-47-1024x768.jpg)
![](https://puthinews.com/wp-content/uploads/2021/10/photo_2021-10-22_22-31-47-1024x768.jpg)
លោកស្រីបានបញ្ជាក់ថា បើកាលណាយើងបើកវិញ យើងត្រូវតែមានការគ្រប់គ្រងហានិភ័យច្បាស់លាស់ ចៀសវាកុំឱ្យមានការត្រឡប់មកវិញនូវការកើនឡើងនៃការឆ្លងជំងឺកូវីដ១៩។ ពេលវេលានេះជាពេលដែលល្អសម្រាប់កម្ពុជា ក្នុងការរៀបចំប្រព័ន្ធដើម្បីគ្របគ្រង និងការរស់នៅតាមបែបគន្លងថ្មី។
![](https://puthinews.com/wp-content/uploads/2021/10/photo_2021-10-22_22-31-46-1024x768.jpg)
![](https://puthinews.com/wp-content/uploads/2021/10/photo_2021-10-22_22-31-46-1024x768.jpg)
លោកស្រីក៏បានរំលឹកផងដែរនូវ អ្វីដែលជាអនុសាសន៍របសស់ WHO ចំពោះប្រទេសកម្ពុជា ដែលបច្ចុប្បន្នកំពុងអនុវត្តជាមួយក្រសួងសុខាភិបាលកម្ពុជាផងដែរ នោះគឺត្រូវមានវ៉ាក់សាំង ការអនុវត្តវិធានការ «៣កុំ៣ការពារ» ការពង្រឹងប្រព័ន្ធសុខាភិបាល ការពង្រឹងការរុករកមេរោគឱ្យបានឆាប់រហ័ស និងការគ្រប់គ្រងហានិភ័យជាមួយអន្តរជាតិ។
លោកស្រីប្រធានអង្គការសុខភាពពិភពលោក លី អានឡែន បានកោតសរសើរផងដែរ ចំពោះរាជរដ្ឋាភិបាលកម្ពុជា ដែលមានភាពជាអ្នកដឹកនាំ ក្នុងការប្រយុទ្ធប្រឆាំងនឹងជំងឺកូវីដ១៩។ លោកស្រីបញ្ជាក់ថា មូលហេតុសំខាន់ៗ ដែលធ្វើឱ្យកម្ពុជាទទួលបានលទ្ធផលល្អប្រសើរក្នុងការប្រយុទ្ធប្រឆាំងនឹងជំងឺកូវីដ១៩ នោះគឺការសម្រេចចិត្តដ៏ត្រឹមត្រូវរបស់រាជរដ្ឋាភិបាល ទាំងការបញ្ជាទិញ ការធ្វើឱ្យមានវ៉ាក់សាំងគ្រប់គ្រាន់សម្រាប់ពលរដ្ឋ ដែលរដ្ឋាភិបាលខិតខំគ្រប់ច្រក ក្នុងនោះមានតាមរយៈយន្តការខូវ៉ាក់ ដែលរាជរដ្ឋាភិបាលមានភាពជាអ្នកដឹកនាំ ហើយមានការចូលរួមពីភាគីពាក់ព័ន្ធយ៉ាងច្រើន។ បន្ថែមពីនេះ លទ្ធផលនៃការប្រយុទ្ធប្រឆាំងនេះ ក៏មានការចូលរួមចំណែករបស់សាធារណជនផងដែរ។
![](https://puthinews.com/wp-content/uploads/2021/10/photo_2021-10-22_22-31-45-1024x768.jpg)
![](https://puthinews.com/wp-content/uploads/2021/10/photo_2021-10-22_22-31-45-1024x768.jpg)
សូមបញ្ជាក់ថា តាមរបាយការណ៍របស់ក្រសួងសុខាភិបាល បានឱ្យដឹងថា គិតត្រឹមយប់ថ្ងៃទី២១ ខែតុលា ឆ្នាំ២០២១ កម្ពុជាបានចាក់វ៉ាក់សាំងការពារកូវីដ១៩ ជូនមន្រ្តីរាជការ ប្រជាពលរដ្ឋ និងកងកម្លាំងប្រដាប់អាវុធ នៅទូទាំងប្រទេសសរុបចំនួន ១៣,៦៤៣,៤១៥នាក់។ ក្នុងរួមមាន៖ ទី១៖ ចាប់ពីអាយុ១៨ឆ្នាំឡើង ៩,៩៦៧,០៣៩នាក់, ទី២៖ ចាប់ពីអាយុ១២ដល់១៨ឆ្នាំ ១,៧៨០,៧០៧នាក់ និងទី៣៖ ចាប់ពីអាយុ០៦ដល់១២ឆ្នាំ ១,៨៩៥,៦៦៩នាក់។
ករណីឆ្លងប្រចាំថ្ងៃ បានធ្លាក់ចុះនៅរង្វង់អត្រាជាង១០០នាក់ ក្នុង១ថ្ងៃៗ ខណៈដែលករណីស្លាប់ប្រចាំថ្ងៃ ស្ថិតនៅក្នុងរង្វង់ជាង១០នាក់៕
![](https://puthinews.com/wp-content/uploads/2021/10/photo_2021-10-22_22-31-44-1024x768.jpg)
![](https://puthinews.com/wp-content/uploads/2021/10/photo_2021-10-22_22-31-44-1024x768.jpg)
![](https://puthinews.com/wp-content/uploads/2021/10/photo_2021-10-22_22-31-43-1024x768.jpg)
![](https://puthinews.com/wp-content/uploads/2021/10/photo_2021-10-22_22-31-43-1024x768.jpg)
![](https://puthinews.com/wp-content/uploads/2021/10/photo_2021-10-22_22-31-42-1024x768.jpg)
![](https://puthinews.com/wp-content/uploads/2021/10/photo_2021-10-22_22-31-42-1024x768.jpg)
![](https://puthinews.com/wp-content/uploads/2021/10/photo_2021-10-22_22-31-40-1024x768.jpg)
![](https://puthinews.com/wp-content/uploads/2021/10/photo_2021-10-22_22-31-40-1024x768.jpg)
អត្ថបទ និងរូបភាពដោយ៖ Puthinews
Join Telegram group: ឯកសារចំណេះដឹងសាធារណៈជន