កោះកុង÷អ្នកឧកញ៉ា គិត ម៉េង អគ្គនាយកក្រុមហ៊ុន ROYAL GROUP និងលោកជំទាវអ្នកឧកញ៉ា ម៉ៅ ចំណានព្រមទាំងបុត្រ នៅថ្ងៃទី03 មេសា ២០២៤នេះ បាននាំយកថវិកា ចំនួន 20000ដុល្លារអាមេរិក ប្រគល់ជូនលោកជំទាវ មិថុនា ភូថង ប្រធានកាកបាទក្រហមកម្ពុជា ខេត្តកោះកុងក្នុងឱកាសខួបទី១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៤។
![](https://puthinews.com/wp-content/uploads/2024/05/photo_2024-05-04_12-51-39-1024x697.jpg)
![](https://puthinews.com/wp-content/uploads/2024/05/photo_2024-05-04_12-51-41-1024x682.jpg)
![](https://puthinews.com/wp-content/uploads/2024/05/photo_2024-05-04_12-51-41-1024x682.jpg)
![](https://puthinews.com/wp-content/uploads/2024/05/photo_2024-05-04_12-51-23-1024x768.jpg)
![](https://puthinews.com/wp-content/uploads/2024/05/photo_2024-05-04_12-51-23-1024x768.jpg)
អ្នកឧកញ៉ា គិត ម៉េង ជាមហាសេដ្ឋីមួយរូបនៅកម្ពុជា ដោយកន្លងមកតែងតែចូលរួមឧបត្ថម្ភថវិកាជារៀងរាល់ឆ្នាំ ដល់កាកបាទក្រហមកម្ពុជាសម្រាប់ទិវា ៨ឧសភា និង បានចូលរួមឧបត្ថម្ភថវិកាជួយដល់រាជរដ្ឋាភិបាលយ៉ាងច្រើន តាមរយ:ការចូលរួមបរិច្ចាគថវិកាដល់ការទិញវ៉ាក់សាំងការពារកូវីដ១៩ ដើម្បីចាក់ជូនប្រជាពលរដ្ឋ, ជួយចូលរួមឧបត្ថម្ភថវិកាដល់យុទ្ធនាការទប់ស្កាត់ជំងឺកូវីដ១៩, ចូលរួមឧបត្ថម្ភថវិកាទិញមន្ទីរពេទ្យនគរទេព, ជួយបរិច្ចាគដី១កន្លែង តម្លៃជាង៨លានដុល្លារ ជូនដល់មូលនិធិគន្ធបុប្ផាកម្ពុជា, ជួយបរិច្ចាគថវិកាដល់ការសាងសង់មន្ទីរពេទ្យកាល់ម៉ែត, បរិច្ចាគថវិកាដល់ក្រុមគ្រូពេទ្យធីតា (TYDA), ជួយដល់ជនរងគ្រោះក្នុងករណីរលំបាក់អគារកម្ពស់៧ជាន់ នៅខេត្តកែប, ជួយដល់ជនរងគ្រោះក្នុងករណីរលំបាក់អគារនៅខេត្តព្រះសីហនុ, បរិច្ចាគថវិកាដល់មូលនិធិត្រីចក្រយានកម្ពុជា, ជួយថវិកាដល់សមាគមន៍ស៊ីក្លូ, ជួយប្រជាពលរដ្ឋរងគ្រោះដោយសារទឹកជំនន់ ព្រមទាំងចូលរួមជួយជាថវិកាដល់កម្មវិធីផ្សេងៗជាច្រើនទៀត។
![](https://puthinews.com/wp-content/uploads/2024/05/photo_2024-05-04_12-51-25-1024x768.jpg)
![](https://puthinews.com/wp-content/uploads/2024/05/photo_2024-05-04_12-51-25-1024x768.jpg)
ក្នុងឱកាសនោះ លោកជំទាវ មិថុនា ភូថង បានពាំនាំប្រសាសន៍របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ផ្តាំផ្ញើសួរសុខទុក្ខ និងថ្លែងអំណរគុណយ៉ាងជ្រាលជ្រៅ ចំពោះអ្នកឧកញ៉ា គិត ម៉េង និងលោកជំទាវ ម៉ៅ ចំណាន ព្រមទាំងបុត្រ ដែលតែងតែបានជួយឧបត្ថម្ភគាំទ្រដល់សកម្មភាពមនុស្សធម៌របស់កាកបាទក្រហមកម្ពុជា គ្រប់ឱកាស រហូតមកដល់បច្ចុប្បន្ននេះ។
![](https://puthinews.com/wp-content/uploads/2024/05/photo_2024-05-04_12-51-28-1024x537.jpg)
![](https://puthinews.com/wp-content/uploads/2024/05/photo_2024-05-04_12-51-28-1024x537.jpg)
លោកជំទាវ មិថុនា ភូថង បានបង្ហាញទឹកចិត្តសោមនស្សរីករាយយ៉ាងខ្លាំង និងបានថ្លែងការកោតសរសើរពីទឹកចិត្ដសប្បុរស របស់អ្នកឧកញ៉ា ដែលបានចូលរួមគ្រប់សកម្មភាពមនុស្សធម៌ ជួយប្រជាជនងាយរងគ្រោះ និងរងគ្រោះបំផុត ព្រមទាំងការជួយសង្គម និងអភិវឌ្ឍជាតិ ជាមួយរាជរដ្ឋាភិបាលកម្ពុជា និងសូមគោរពជូនពរដល់ អ្នកឧកញ៉ា គិត ម៉េង និងលោកជំទាវ ម៉ៅ ចំណាន ព្រមទាំងបុត្រ ក៏ដូចជាថ្នាក់ដឹកនាំ បុគ្គលិកទាំងអស់ សូមមានសុខភាពល្អ និងទទួលបានជោគជ័យគ្រប់ភារកិច្ច៕
![](https://puthinews.com/wp-content/uploads/2024/05/photo_2024-05-04_12-51-33-1024x768.jpg)
![](https://puthinews.com/wp-content/uploads/2024/05/photo_2024-05-04_12-51-33-1024x768.jpg)
![](https://puthinews.com/wp-content/uploads/2024/05/photo_2024-05-04_12-51-37-1024x768.jpg)
![](https://puthinews.com/wp-content/uploads/2024/05/photo_2024-05-04_12-51-37-1024x768.jpg)
![](https://puthinews.com/wp-content/uploads/2024/05/photo_2024-05-04_12-51-34-1024x768.jpg)
![](https://puthinews.com/wp-content/uploads/2024/05/photo_2024-05-04_12-51-34-1024x768.jpg)
ដោយ៖ Puthinews
Youtube Channel: Puthi News
Telegram Channel: Puthi News
Puthinews Android app: Puthi New