ស្តាប់អត្ថបទជាសំឡេង
ភ្នំពេញ៖ បុរសម្នាក់បានស្លាប់ភ្លាមៗនៅនឹងកន្លែងកើតហេតុ និងបុរសម្នាក់ទៀតបានរងរបួស បញ្ជូនទៅសង្គ្រោះនៅមន្ទីរពេទ្យភ្លាមៗ បន្ទាប់ពីពួកគេជិះម៉ូតូមួយគ្រឿង វ៉ាជែងជ្រុលចង្កូតទៅប៉ះរថយន្តធុនតូចមួយគ្រឿងបណ្តាលឱ្យដួលទៅនឹងថ្នល់ ក៏ត្រូវរថយន្តធុនធំមួយគ្រឿងទៀតកិន។ ករណីនេះបានកើតឡើងកាលពីវេលាម៉ោង ១០:៣០នាទី យប់ថ្ងៃទី២៤ ខែតុលា ឆ្នាំ២០២១ នៅចំណុចខាងលិចបុរីមនោរម្យប្រមាណជា ៦០ម៉ែត្រ តាមបណ្តោយជាតិលេខ៤ ក្នុងសង្កាត់កន្ទោក ខណ្ឌកំបូល រាជធានីភ្នំពេញ។
![](https://puthinews.com/wp-content/uploads/2021/10/photo_2021-10-25-12.11.39.jpeg)
យោងតាមរបាយការណ៍របស់សមត្ថកិច្ច បានឱ្យដឹងថា សពជនរងគ្រោះមានឈ្មោះ ងួន វណ្ណៈ ភេទប្រុស អាយុជាង២០ឆ្នាំ ស្នាក់នៅម្តុំផ្លូវវេងស្រេងកាណាស៊ីធី ក្នុងសង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។មុនកើតហេតុ គេឃើញបុរសម្នាក់រួមដំណើរជាមួយបុរសម្នាក់ទៀត ជិះម៉ូតូឌ្រីមសង់មួយគ្រឿងពណ៌ស បិតតែមស៊េរីឆ្នាំ២០២១ ពាក់ស្លាកលេខបាត់ដំបង1N-9743 ធ្វើដំណើរតាមបណ្តោយផ្លូវជាតិលេខ៤ ទិសដៅពីកើតទៅលិច។ លុះដល់ចំណុចកើតហេតុ បានវ៉ាជែងគ្នាជ្រុលចង្កូតទៅប៉ះនឹងរថយន្តធុនតូចមួយគ្រឿងបណ្ដាលឱ្យដួលលើថ្នល់ ស្របពេលមានរថយន្តធុនធំមួយគ្រឿងទៀតមិនចាំម៉ាកបើកបញ្ច្រាសទិសដៅគ្នាពីលិចទៅកើតកិនស្លាប់ម្នាក់និងម្នាក់ទៀតរងរបួស ត្រូវបានបញ្ជូនទៅសង្គ្រោះនៅឯមន្ទីរពេទ្យភ្លាមៗ។ ចំណែកម៉ូតូខ្ទេចមួយកំណាត់មុខរងការខូចខាតយ៉ាងដំណំ។ បន្ទាប់មករថយន្តបានបន្តដំណើរទៅមុខគេចខ្លួនបាត់។
![](https://puthinews.com/wp-content/uploads/2021/10/photo_2021-10-25-12.11.41.jpeg)
![](https://puthinews.com/wp-content/uploads/2021/10/photo_2021-10-25-12.11.41.jpeg)
ក្រោយពីកើតហេតុសមត្ថកិច្ចមូលដ្ឋាន បានចុះដល់កន្លែងកើតហេតុ និងបានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយកម៉ូតូទៅរក្សាទុកនៅអធិការដ្ឋានខណ្ឌកំបូលបណ្ដោះអាសន្ន។ ចំណែកសពជនរងគ្រោះសមត្ថកិច្ចធ្វើកំណត់ហេតុ និងធ្វើការស្រាវជ្រាវរកសាច់ញាតិ៕
![](https://puthinews.com/wp-content/uploads/2021/10/photo_2021-10-25-12.11.40-1.jpeg)
![](https://puthinews.com/wp-content/uploads/2021/10/photo_2021-10-25-12.11.40-1.jpeg)
អត្ថបទ និងរូបភាពដោយ៖ Puthinews
Join Telegram group: ឯកសារចំណេះដឹងសាធារណៈជន