ភ្នំពេញ ៖ ជនសង្ស័យ២នាក់ប្ដីប្រពន្ធ ដែលពាក់ព័ន្ធករណីឃាតកម្មសម្លាប់បុរសម្នាក់ ដោយកាត់ក្បាល កាលពីខែធ្នូ ឆ្នាំ២០២២ ត្រូវបានបញ្ជូនមកដល់អយ្យការអមសាលាដំបូងរាជធានីភ្នំពេញ ហើយ នាព្រឹកថ្ងៃទី០៩ ខែកុម្ភៈ ឆ្នាំ២០២៣នេះ ។
![](https://puthinews.com/wp-content/uploads/2023/02/photo_2023-02-09-18.54.42-1024x726.jpeg)
ជនសង្ស័យទាំង២នាក់ ត្រូវបញ្ជូនមកតុលាការ ទី១ ឈ្មោះ ពេជ្យ ជីវ័ន្ត ភេទប្រុសអាយុ៣៨ឆ្នាំ មុខរបរជាងសំណង់ និងស្រ្តីជាប្រពន្ធឈ្មោះ ដា យ៉ា អាយុ៣០ឆ្នាំ។
បុរស ស្ត្រីទាំង២នាក់ប្ដីប្រពន្ធ ត្រូវបានសមត្ថកិច្ចនគរបាលនាយកដ្ឋាននគរបាលព្រហ្មទណ្ឌ នៃអគ្គស្នងការដ្ឋាននគរបាលជាតិ សហការជាមួយស្នងការដ្ឋាននគរបាលក្រុង និងនគរបាលខណ្ឌដង្កោ ស្រាវជ្រាវរហូតឃាត់ខ្លួនបាននៅព្រឹកថ្ងៃទី០៦ ខែកុម្ភៈ ឆ្នាំ២០២៣នេះ នៅចំណុចផ្លូវ១៣០ សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។
![](https://puthinews.com/wp-content/uploads/2023/02/photo_2023-02-09-18.54.46-1024x1024.jpeg)
![](https://puthinews.com/wp-content/uploads/2023/02/photo_2023-02-09-18.54.46-1024x1024.jpeg)
ក្នុងនោះកម្លាំងសមត្ថកិច្ចជំនាញបានធ្វើការឃាត់ខ្លួនឈ្មោះ ពេជ្យ ជីវ័ន្ត ជាជនដៃដល់ និងស្រ្តីជាប្រពន្ធឈ្មោះ ដា យ៉ា អាយុ៣០ឆ្នាំ។
![](https://puthinews.com/wp-content/uploads/2023/02/photo_2023-02-09-18.54.52-1024x576.jpeg)
![](https://puthinews.com/wp-content/uploads/2023/02/photo_2023-02-09-18.54.52-1024x576.jpeg)
សមត្ថិច្ចបានបញ្ជាក់ថា ក្រោយពីធ្វើការសាកសួរជនសង្ស័យឈ្មោះ ពេជ្យ ជីវ័ន្ត បានសារភាពថា ខ្លួនពិតជាបានកាប់ជនរងគ្រោះដាច់ក្បាលពិតមែន ដោយសារខឹងជនរងគ្រោះរំលោភប្រពន្ធរបស់ខ្លួន។
សូមរំលឹកថា កាលពីព្រឹកថ្ងៃទី២៦ ខែធ្នូ ឆ្នាំ២០២២កន្លងទៅ មានករណីប្រទះឃើញសពបុរសម្នាក់ដេកស្លាប់ក្នុងថ្លុកឈាម ក្នុងកន្លែងលាងរថយន្តមួយកន្លែង ស្ថិតនៅជិតច្រកចូលផ្សារទំនើបជីបម៉ុង ផ្លូវ៥០ម៉ែត្រ ក្នុងភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញ ដែលសមត្ថកិច្ចសង្ស័យជាករណីឃាតកម្ម ហើយបានបើកការស្រាវជ្រាវជាបន្ដបន្ទាប់ រហូតឈានដល់ការចាប់ខ្លួនជនដៃដល់៕
ដោយ៖ Puthinews
Telegram Channel: Puthi News
Puthinews Android app: Puthi News
Youtube Channel: Puthi News