ខេត្តស្វាយរៀង៖ ដោយអនុវត្តតាមបទបញ្ជាយ៉ាងមុឺងម៉ាត់ ពីលោកឧត្ដមសេនីយ៍ ស្នងការនគរបាលខេត្ត កាលពីរសៀលថ្ងៃអាទិត្យ ទី២៦ ខែកុម្ភៈ ឆ្នាំ២០២៣ នៅវេលាម៉ោង១៣និង២០ នាទី កម្លាំងផ្ដល់ព័ត៌មានថា មានមុខសញ្ញាជួញដូរគ្រឿងញៀន កំពុងជួញដូរ។
![](https://puthinews.com/wp-content/uploads/2023/03/photo_2023-03-01-07.57.00.jpeg)
ភ្លាមៗនោះ លោកវរសេនីយ៍ទោ សោម សុភ័ណ្ឌ អធិការនគរបាលស្រុកស្វាយជ្រុំ បាន ដឹកនាំបញ្ជាកម្លាំងជំនាញផ្នែកប្រឆាំងបទល្មើស គ្រឿងញៀន ស្រុកស្វាយជ្រំ សហការជាមួយកម្លាំងប៉ុស្តិ៍នគរបាលរដ្ឋបាលពោធិរាជ ចុះធ្វើការស្រាវជ្រាវ ដល់កន្លែងកើតហេតុ ធ្វើការឃាត់ខ្លួនបានជនសង្ស័យម្នាក់ កំពុងជួញដូរគ្រឿងញៀន ស្ថិតនៅក្នុង ភូមិឃ្លាំង ឃុំពោធិរាជ ស្រុកស្វាយជ្រំ ខេត្តស្វាយរៀង។
![](https://puthinews.com/wp-content/uploads/2023/03/photo_2023-03-01-07.57.04-768x1024.jpeg)
![](https://puthinews.com/wp-content/uploads/2023/03/photo_2023-03-01-07.57.04-768x1024.jpeg)
សមត្ថកិច្ច បានឲ្យដឹងថា ធ្វើការឃាត់ខ្លួនជនសង្ស័យបានម្នាក់ មានឈ្មោះ វ៉ា ឌី (ហៅឌី) ភេទប្រុស អាយុ២៨ឆ្នាំ មុខរបរមិនពិតប្រាកដ មានទីលំនៅ ភូមិឃ្លាំង ឃុំពោធិរាជ ស្រុកស្វាយជ្រំ ខេត្តស្វាយរៀង ដកហូតបាន វត្ថុតាងរួមមាន ដូចខាងក្រោម៖
-ម៉្សៅក្រាមពណ៌សថ្លាថ្នាំញៀន (មេតាំហ្វេតាមីន) ចំនួន១២កញ្ចប់តូច
- ទូរស័ព្ទដៃ០២គ្រឿង
- កាំភ្លើងកែច្នៃចំនួន០២ដើម ខ្លី០១ដើម
- ដាវ ០១ដើម
- កូនកាំបិតស្នៀត០១
- គ្រាប់កង់សម្រាប់បាញ់២៦គ្រាប់
– សម្ភារៈឧបករណ៍ប្រើប្រាស់វេចខ្ចប់មួយចំនួន
សមត្តកិច្ចធ្វើការពិនិត្យទឹកម៉ូតស្វែងរកសារធាតុញៀន ជាលទ្ធផលវិជ្ជមាន (+)
បច្ចុប្បន្នសមត្ថកិច្ច នគរបាលជំនាញផ្នែកប្រឆាំងគ្រឿងញៀន កំពុងធ្វើការសាកសួរ និងកសាងសំណុំរឿងបញ្ជូនទៅសាលាដំបូងខេត្តស្វាយរៀង ចាត់ការបន្តតាមនីតិវិធីច្បាប់។
![](https://puthinews.com/wp-content/uploads/2023/03/photo_2023-03-01-07.57.08-1024x768.jpeg)
![](https://puthinews.com/wp-content/uploads/2023/03/photo_2023-03-01-07.57.08-1024x768.jpeg)
![](https://puthinews.com/wp-content/uploads/2023/03/photo_2023-03-01-07.57.11-1024x768.jpeg)
![](https://puthinews.com/wp-content/uploads/2023/03/photo_2023-03-01-07.57.11-1024x768.jpeg)
ដោយ៖ Puthinews
Telegram Channel: Puthi News
Puthinews Android app: Puthi News
Youtube Channel: Puthi News