ស្តាប់អត្ថបទជាសំឡេង
កំពង់ឆ្នាំង៖ ជនរងគ្រោះ២នាក់ប្ដីប្រពន្ធត្រូវបាន ជនមិនស្គាល់មុខ លបកាប់ប្រហារជាច្រើនកាំបិត បណ្ដាលឲ្យរងរបួសធ្ងន់ ខណ:ពេលដែលពួកគាត់ទៅដេកចាំរបាំងលបនៅពេលយប់។
![](https://puthinews.com/wp-content/uploads/2022/01/photo_2022-01-19_22-07-36.jpg)
ហេតុការណ៍នេះកើតឡើង កាលពីវេលាម៉ោង១១ និង៣០នាទីយប់ថ្ងៃទី១៨ ខែ
មករា ឆ្នាំ ២០២២ នៅចំណុចភូមិសេះស្លាប់ ឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង។
សមត្ថកិច្ចមូលដ្ឋានបានឲ្យដឹងថា ជនរង
គ្រោះជាប្តីមានឈ្មោះ អេង ថា អាយុ៣០
ឆ្នាំ និងប្រពន្ធឈ្មោះ អាត់ ស្រីមុំ អាយុ ៣១ ឆ្នាំ។ ជនរងគ្រោះមានទីលំនៅក្នុងភូមិ ឃុំខាងលើ ហើយមានមុខរបរធ្វើស្រែ និង នេសាទត្រី។
![](https://puthinews.com/wp-content/uploads/2022/01/photo_2022-01-19_22-07-33-1024x576.jpg)
![](https://puthinews.com/wp-content/uploads/2022/01/photo_2022-01-19_22-07-33-1024x576.jpg)
ប្រភពបានឲ្យដឹងទៀតថា នៅយប់ថ្ងៃកើតហេតុ ជនរងគ្រោះ២នាក់ប្ដីប្រពន្ធ បានទៅដេកចាំរបាំងលប នៅចំណុច កើតហេតុខាងលើ។ ខណ:កំពុងដេកលង់លក់ស្រាប់តែមានជនមិនស្គាល់មុខលបចូលទៅកាប់ប្រហារជាច្រើនកាំបិត បណ្តាលឲ្យរងរបួសធ្ងន់តែម្តង។
ក្រោយកើតហេតុ ជនរងគ្រោះត្រូវបានក្រុមគ្រួសារដឹកមកសង្គ្រោះបន្ទាន់នៅមន្ទីរ
ពេទ្យខេត្តកំពង់ឆ្នាំង។ ប៉ុន្តែដោយសារស្ថានភាពរបួសធ្ងន់ បានបញ្ជូនបន្តទៅសង្គ្រោះនៅមន្ទីរពេទ្យរាជធានីភ្នំពេញ។
![](https://puthinews.com/wp-content/uploads/2022/01/photo_2022-01-19_22-07-30-768x1024.jpg)
![](https://puthinews.com/wp-content/uploads/2022/01/photo_2022-01-19_22-07-30-768x1024.jpg)
ករណីនេះសមត្ថកិច្ចកំពុងធ្វើការស្រាវជ្រាវ
រកមុខជនដៃដល់ ដើម្បីចាប់ខ្លួនយកទៅផ្តន្ទាទោសតាមនិតិវិធីច្បាប់៕
អត្ថបទ និងរូបភាពដោយ Puthinews
YOUTUBE | Puthinews