អភិបាលអង្គការ ណាសា លោក Bill Nelson បាននិយាយថា ប្រទេសចិន អាចព្យាយាមគ្រប់គ្រងទីតាំងដែលសម្បូរធនធានបំផុតនៅលើឋានព្រះចន្ទ ប្រសិនបើខ្លួនឈ្នះការប្រកួតប្រជែងជាមួយសហរដ្ឋអាមេរិក។
![](https://puthinews.com/wp-content/uploads/2023/01/photo_2023-01-04-16.44.37-1024x768.jpeg)
លោក Nelson បាននិយាយនៅក្នុងបទសម្ភាសជាមួយ Politico កាលពីចុងសប្តាហ៍ថា “ជាការពិត! យើងកំពុងស្ថិតក្នុងការប្រកួតប្រជែងនៅទីអវកាស។ ហើយវាជាការពិត! យើងត្រូវប្រយ័ត្នឲ្យបានល្អជាងនេះដែលថា ចិននឹងមិនទៅដល់កន្លែងមួយនៅលើឋានព្រះចន្ទ ក្រោមការដឹកនាំនៃការស្រាវជ្រាវវិទ្យាសាស្ត្រនោះទេ”។
ប្រធានទីភ្នាក់ងារអវកាសអាមេរិករូបនេះបានបន្ថែមថា បញ្ហាគឺថា មានកន្លែងច្រើនណាស់នៅលើប៉ូលខាងត្បូងនៃឋានព្រះចន្ទ ដែលគ្រប់គ្រាន់សម្រាប់ការបូមយកទឹក និងអ្វីៗផ្សេងទៀត។
![](https://puthinews.com/wp-content/uploads/2023/01/photo_2023-01-04-16.44.39-1024x576.jpeg)
![](https://puthinews.com/wp-content/uploads/2023/01/photo_2023-01-04-16.44.39-1024x576.jpeg)
ចំពោះហេតុផលសម្រាប់ការអះអាងរបស់លោក លោកបានលើកឡើងពីសកម្មភាពរបស់ទីក្រុងប៉េកាំង នៅលើភពផែនដី។ លោក Nelson និយាយថា “ប្រសិនបើអ្នកសង្ស័យ សូមក្រឡេកមើលអ្វីដែលចិនបានធ្វើជាមួយប្រជុំកោះ Spratly ជាប្រជុំកោះនៅសមុទ្រចិនខាងត្បូង ដែលត្រូវបានប្រកួតប្រជែងដោយប្រទេសផ្សេងទៀត ប៉ុន្តែជាកន្លែងដែលយោធាចិនបានបង្កើតមូលដ្ឋានទ័ព”។
![](https://puthinews.com/wp-content/uploads/2023/01/photo_2023-01-04-16.44.44.jpeg)
![](https://puthinews.com/wp-content/uploads/2023/01/photo_2023-01-04-16.44.44.jpeg)
គួរបញ្ជាក់ថា ក្នុងឆ្នាំ២០១៩ ចិនបានក្លាយជាប្រទេសដំបូងគេ ដែលធ្វើការចុះចតយាន នៅផ្នែកឆ្ងាយនៃឋានព្រះចន្ទដែលជាផ្នែកនៃបេសកកម្មមនុស្សយន្ត Chang’e 4 របស់ខ្លួន។ ក្រោយ មក ខ្លួន អាច បញ្ជូន គំរូ ព្រះចន្ទ ត្រលប់ មក ផែនដី វិញ។
ទីក្រុងប៉េកាំងនិយាយថា ខ្លួនរំពឹងថា នឹងដាក់មនុស្សម្នាក់នៅលើឋានព្រះចន្ទមុនឆ្នាំ២០៣០ ហើយក្រោយមកទៀតនឹងបង្កើតស្ថានីយស្រាវជ្រាវវិទ្យាសាស្ត្រនៅទីនោះតែម្តង។
![](https://puthinews.com/wp-content/uploads/2023/01/photo_2023-01-04-16.44.47.jpeg)
![](https://puthinews.com/wp-content/uploads/2023/01/photo_2023-01-04-16.44.47.jpeg)
ក្នុងរយៈពេលប៉ុន្មានឆ្នាំចុងក្រោយនេះ រដ្ឋបាលអវកាសជាតិចិន (CNSA) ក៏បានបញ្ជូនយានអវកាស និងយានរុករកទៅកាន់ភពព្រះអង្គារដោយជោគជ័យ ហើយបានបាញ់បង្ហោះស្ថានីយអវកាសជាតិរបស់ខ្លួនទៅកាន់គន្លងផែនដីផងដែរ៕
ដោយ៖ Puthinews
Telegram Channel: Puthi News
Puthinews Android app: Puthi News
Youtube Channel: Puthi News