ភ្នំពេញ៖ លោកឧបនាយករដ្ឋមន្ត្រីប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការ អន្តរជាតិ បានមានប្រសាសន៍ថា នេះគឺជាដំណើរទស្សនកិច្ចផ្លូវរដ្ឋ របស់លោក វ៉ាង យី រដ្ឋមន្ត្រីក្រសួងការបរទេសចិន មកប្រទេសកម្ពុជា ជាលើកទី២ ក្នុងរយៈពេលមិនដល់១ឆ្នាំផង ជាពិសេសនៅក្នុងកាលៈទេសៈដ៏លំបាក។ ការបញ្ជាក់របស់លោកប្រាក់សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរ ជាតិ ជាមួយលោក វ៉ាង យី រដ្ឋមន្ត្រីក្រសួងការបរទេសចិន នៅរសៀល ថ្ងៃទី១២ ខែកញ្ញា ឆ្នាំ២០២១ នេះ នៅទីស្តីការក្រសួង។
![](https://puthinews.com/wp-content/uploads/2021/09/photo_2021-09-13-09.32.14-1024x768.jpeg)
ដំណើរទេស្សនកិច្ចរបស់លោក វ៉ាង យី នៅថ្ងៃនេះ គឺជាជំហានថ្មីមួយទៀតដ៏សំខាន់នៅក្នុងទំនាក់ ទំនងទ្វេភាគី (កម្ពុជា-ចិន) ដ៏សំបូរបែប និងបន្តពង្រឹងនូវមិត្តភាពដែកថែបរវាងប្រទេសទាំងពីរក៏ដូចកិច្ចសហប្រតិបត្តិការភាពជាដៃគូយុទ្ធសាស្ត្រគ្រប់ជ្រុងជ្រោយរវាងកម្ពុជា និងចិន។
លោក ឧបនាយករដ្ឋមន្ត្រី ប្រាក់សុខុន បានបញ្ជាក់ថា៖ លោកធ្លាប់បានពិភាក្សាជាមួយលោកវ៉ាង យី កាលពី៣ខែ កន្លងទៅនេះបន្ទាប់ពីលោកឧបនាយករដ្ឋមន្ត្រីផ្ទាល់បានអញ្ជើញទៅបំពេញទស្សនកិច្ចនៅប្រទេសចិន កាលពីខែមិថុនា កន្លងទៅនេះប្រកបដោយ លទ្ធផលផ្លែផ្កាទាំងបញ្ហាទ្វេភាគី និងបញ្ហាលក្ខណៈតំបន់នឹងពហុភាគីផងដែរ។
![](https://puthinews.com/wp-content/uploads/2021/09/photo_2021-09-13-09.32.11-1024x683.jpeg)
![](https://puthinews.com/wp-content/uploads/2021/09/photo_2021-09-13-09.32.11-1024x683.jpeg)
លោកឧបនាយករដ្ឋមន្ត្រី បានកត់សំគាល់ដោយរីករាយថាទំនាក់ទំនងនិងមិត្តភាពជិតស្និទ្ធ រវាងមេដឹកនាំកំពូលនៃប្រទេសទាំងពីរ (កម្ពុជា -ចិន) គឺបានរួមចំណែកដ៏សំខាន់ នៅក្នុងការពង្រឹងសេដ្ឋ កិច្ច សហប្រតិបត្តិការភាពជាដៃគូយុទ្ធសាស្ត្រ គ្រប់ជ្រុងជ្រោយ នៅក្នុងដំណាក់កាលថ្មីនេះ ក៏ ដូចជារួមចំណែកនៅក្នុងកិច្ចប្រឹងប្រែងរួម ក្នុងការកសាងនូវសហគមន៏ ជោគវាសនារួមដើម្បី ផលប្រយោជន៏ប្រជាជនប្រទេសទាំងពីរផងដែរ។
លោកឧបនាយករដ្ឋមន្ត្រីប្រាក់សុខុនមានប្រសាសន៌បញ្ជាក់ទៀតថា៖ លោកបានជំរាបទៅកាន់លោក វ៉ាង យី ដែរថា ប្រទេសចិន បានគ្រប់គ្រងដោយជោគជ័យនៃការរីករាលដាលជំងឺកូវីដ-១៩ ហើយបានស្តារនឹងអភិវឌ្ឍន៍សេដ្ឋកិច្ចរបស់ខ្លួនបាន យ៉ាងល្អប្រសើរ។
![](https://puthinews.com/wp-content/uploads/2021/09/photo_2021-09-13-09.32.10-1024x682.jpeg)
![](https://puthinews.com/wp-content/uploads/2021/09/photo_2021-09-13-09.32.10-1024x682.jpeg)
នៅក្នុងត្រីមាសទី១សេដ្ឋកិច្ចរបស់ចិន បានកើនឡើង ១៨,៣% ជាមួយនេះចិនក៏បានបោះដៃជួយដល់ ប្រទេសនានាលើពិភពលោកដែលត្រូវបានទាំងសំភារៈពេទ្យ និងវ៉ាក់សាំងសំរាប់ជំនះជំងឺកូវីដ-១៩ផងដែរ។
ឆ្លៀតនៅក្នុងឱកាសជំនួបទ្វេភាគីនេះ ដែរលោក ឧបនាយករដ្ឋមន្ត្រីប្រាក់សុខុន បានអរគុណដល់រដ្ឋាភិបាលចិន ប្រជាជនចិនចំពោះ ជំនួយសហ ប្រតិបត្តិការគាំទ្រដល់កិច្ចប្រឹងប្រែងរបស់កម្ពុជា ក្នុងការប្រយុទ្ធប្រឆាំងជាមួយនឹងជំងឺកូវីដ-១៩ និងការតស៊ូងើបឡើងវិញទាំងផ្នែកសង្គ -សេដ្ឋកិច្ច ពីផលវិបាកប៉ះពាល់ដោយសារជំងឺកូវីដ-១៩ ។ ជាឧទាហរណ៍ មួយនៃសាមគ្គីភាពរដែលចិនបានបង្ហាញ ចំពោះកម្ពុជា គឺមកដល់ម៉ោងនេះកម្ពុជា បានទទួលវ៉ាក់សាំងចំនួន២៦លាន៨សែនដូសពីប្រទេសចិន ដែលក្នុងនោះមានជំនួយឧបត្ថម្ភចំនួន៩លាន៣សែនដូស។
![](https://puthinews.com/wp-content/uploads/2021/09/photo_2021-09-13-09.32.07-1024x682.jpeg)
![](https://puthinews.com/wp-content/uploads/2021/09/photo_2021-09-13-09.32.07-1024x682.jpeg)
តាមរយៈលោកវ៉ាង យី រដ្ឋមន្ត្រីក្រសួងការបរទេសចិន ខណៈដែលបំពេញទស្សនៈកិច្ច នៅកម្ពុជា នាពេលនេះចិនសន្យាឧបត្ថម្ភវ៉ាក់សាំងបង្ការជំងឺកូវីដ-១៩ ចំនួន៣លានដូស បន្ថែមទៀត ហើយគ្មានប្រទេសណាទេនៅលើពិភពលោកដែលបានជួយកម្ពុជា ដូចចិនជួយកម្ពុជា ។
លោក ឧបនាយករដ្ឋមន្ត្រី បានសម្តែងអរគុណដល់ចិនចំពោះបន្តជួយកម្ពុជា ក្នុងការអភិវឌ្ឍន៏របស់ខ្លួន។ ការអភិវឌ្ឍរបស់កម្ពុជាលើគ្រប់វិស័យពុំអាចកាត់ផ្តាច់ចេញពីជំនួយឧបត្ថម្ភនិងការគាំទ្ររបស់មហាមិត្តចិន បាននោះទេ។
លោក ឧបនាយករដ្ឋមន្ត្រីប្រាក់សុខុន និងលោក វ៉ាង យី បានពិភាក្សាគ្នាអំពីមធ្យោ បាយដើម្បីធ្វើយ៉ាងណាពង្រឹងបន្តទៀត លើកិច្ចសហប្រតិបត្តិការលើវិស័យនយោ បាយ -វិស័យការពារជាតិ សន្តិសុខ និងការអភិវឌ្ឍន៏សេដ្ឋកិច្ចក៏ដូចជា ពាណិជ្ជកម្ម វិនិយោគ ។
![](https://puthinews.com/wp-content/uploads/2021/09/photo_2021-09-13-09.32.09-1024x682.jpeg)
![](https://puthinews.com/wp-content/uploads/2021/09/photo_2021-09-13-09.32.09-1024x682.jpeg)
លោក វ៉ាង យី សន្យាថា- ចិននឹងខិតខំធ្វើយ៉ាងណាឱ្យកសិផល កសិកម្ម ពីកម្ពុជាមានចំនួនកាន់តែច្រើន ចូលទៅកាន់ទៅទីផ្សារប្រទេសចិន និងវិស័យ វប្បធម៌ ទេសចរណ៍ ,សិក្សាធិការ ក៏ដូចជាសុខាភិបាលសាធារណៈ។
លោក វ៉ាង យី រដ្ឋមន្ត្រីក្រសួងការបរទេសចិននឹងធ្វើជាសាក្សីលើការចុះហត្ថលេខាលើឯកសារផ្តល់ជំនួយឥត សំណងចំនួន២៧០លានដុល្លារសំរាប់ អនុវត្តលើគំរោងផ្សេងៗរបស់កម្ពុជា។
កម្ពុជា បានបញ្ជាក់ពីការប្តេជ្ញាចិត្ត របស់ខ្លួនដល់ការគាំទ្រពហុភាគីនិយម គាំទ្រដល់សណ្តាប់ធ្នាប់អន្តរជាតិ ដែលផ្អែកទៅលើគោរពច្បាប់អន្តរជាតិ រក្សាការពារឱ្យបាននូវ សុវត្ថិភាព ស្ថេរភាព នៅលើពិភពលោក។
ប្រទេសចិនបានគាំទ្រដល់កម្ពុជាធ្វើជាម្ចាស់ផ្ទះ នៃកិច្ចប្រជុំកំពូលអាស៊ាននៅឆ្នាំក្រោយ៕
![](https://puthinews.com/wp-content/uploads/2021/09/photo_2021-09-13-09.31.56-1024x768.jpeg)
![](https://puthinews.com/wp-content/uploads/2021/09/photo_2021-09-13-09.31.56-1024x768.jpeg)
![](https://puthinews.com/wp-content/uploads/2021/09/photo_2021-09-13-09.31.47-1024x768.jpeg)
![](https://puthinews.com/wp-content/uploads/2021/09/photo_2021-09-13-09.31.47-1024x768.jpeg)
![](https://puthinews.com/wp-content/uploads/2021/09/photo_2021-09-13-09.32.02-1024x683.jpeg)
![](https://puthinews.com/wp-content/uploads/2021/09/photo_2021-09-13-09.32.02-1024x683.jpeg)
![](https://puthinews.com/wp-content/uploads/2021/09/photo_2021-09-13-09.31.59-1024x683.jpeg)
![](https://puthinews.com/wp-content/uploads/2021/09/photo_2021-09-13-09.31.59-1024x683.jpeg)
![](https://puthinews.com/wp-content/uploads/2021/09/photo_2021-09-13-09.32.03-1024x682.jpeg)
![](https://puthinews.com/wp-content/uploads/2021/09/photo_2021-09-13-09.32.03-1024x682.jpeg)
អត្ថបទ និងរូបភាពដោយ Puthi News