30 C
Phnom Penh
Saturday, December 3, 2022

ឃាត់ខ្លួនអ្នកល្មើសវិធានការរដ្ឋបាលចំនួន៧២ករណី និងពិន័យជាប្រាក់ចំនួន ៣លានរៀល នាយប់ថ្ងៃទី១៦ខែកញ្ញា

ស្តាប់អត្ថបទជាសម្លេង

ភ្នំពេញ៖ សមត្ថកិច្ចបានអនុវត្តវិធានការច្បាប់ ចំពោះបុគ្គលល្មើសវិធានការសុខាភិបាល និងវិធានការរដ្ឋបាល ក្នុងកាអនុវត្តវិធានការច្បាប់មានចំនួន ៧២ករណី ឃាត់ខ្លួន (អប់រំ និងពិន័យ) ២៣៦នាក់ ឃាត់យានយន្ត (រថយន្ត ៩គ្រឿង និងម៉ូតូ ២៨គ្រឿង) ពិន័យជាប្រាក់ចំនួន ៣,០០០,០០០រៀល និងវិធានការអប់រំផ្សព្វផ្សាយចំនួន ៥៥៦ទីតាំង អប់រំតាមគោលដៅចរាចរផ្លូវគោកចំនួន ៣១៩នាក់ (យានយន្ត២២១គ្រឿង) នៅយប់ថ្ងៃទី១៦ ខែកញ្ញា ឆ្នាំ២០២១។ នេះបើយោងតាមសេចក្តីជូនដំណឹងរបស់គណៈកម្មាការអន្តរក្រសួង ដើម្បីប្រយុទ្ធនឹងជំងឺកូវីដ-១៩ នៅថ្ងៃទី១៧ ខែកញ្ញា ឆ្នាំ២០២១។

សូមបញ្ជាក់ថា នាពេលកន្លងមករដ្ឋបាលរាជធានីភ្នំពេញ បានសម្រេចបន្តផ្អាកជាបណ្ដោះអាសន្ន ចំពោះ សកម្មភាពការងារ មុខរបរ ឬអាជីវកម្ម ដែលមានហានិភ័យខ្ពស់នៃការឆ្លងរាលដាលជំងឺកូវីដ-១៩ និងការជួបជុំ ឬការប្រមូលផ្តុំមនុស្សជាលក្ខណៈឯកជន នៅក្នុងភូមិសាស្ត្ររាជធានីភ្នំពេញ សម្រាប់រយៈពេល ១៤ថ្ងៃ គិតចាប់ពីថ្ងៃទី១០ ខែកញ្ញា ឆ្នាំ២០២១ រហូតដល់ថ្ងៃទី២៣ ខែកញ្ញា ឆ្នាំ២០២១ ដើម្បីប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩។

ក្នុងអំឡុងពេលនៃការបន្តដាក់ចេញវិធានការរដ្ឋបាល ត្រូវបានផ្អាកជាបណ្តោះអាសន្នការជួបជុំ ឬការប្រមូលផ្តុំ មនុស្សជាលក្ខណៈឯកជនដែលមានមនុស្សចូលរួមលើសពី ១៥នាក់ លើកលែងតែការជួបជុំក្នុងចំណោមសមាជិកគ្រួសារ ដែលរស់នៅក្នុងលំនៅឋាន ឬទីសំណាកជាមួយគ្នា, ការរៀបចំពិធីបុណ្យសពដោយគោរពតាមការកំណត់របស់អាជ្ញាធរមានសមត្ថកិច្ច និងក្រោយពេលយកសំណាកសាកសពទៅវិភាគរកមេរោគកូវីដ-១៩ និងការជួបជុំផ្សេងៗទៀត ដែលកំណត់ដោយអាជ្ញាធរមានសមត្ថកិច្ច៕

ត្ថបទ និងរូបភាពដោយ Puthinews

- Advertisement -spot_imgspot_img
- Advertisement -spot_imgspot_img

អានបន្ត

spot_img
spot_imgspot_img