ស្តាប់អត្ថបទជាសំឡេង
ភ្នំពេញ៖ សម្រាប់ថ្ងៃទី១ នៃការពិនិត្យបញ្ជីឈ្មោះ និងចុះឈ្មោះបោះឆ្នោតឆ្នាំ២០២១ សម្រាប់ថ្ងៃទី១៣ ខែតុលា ឆ្នាំ២០២១ នៅទូទាំងប្រទេស មានប្រជាពលរដ្ឋចំនួន ១០.៧៦៩នាក់។ ចំណែកអ្នកដែលត្រូវលុបឈ្មោះចេញពីបញ្ជីបោះឆ្នោត មានចំនួន៣២១០នាក់ អ្នកដែលបានកែតម្រូវឈ្មោះក្នុងទិន្នន័យមានចំនួន២.១២៧នាក់ និងអ្នកដែលត្រូវបានផ្ទេរទីលំនៅនៅចូលក្នុងឃុំ-សង្កាត់ថ្មី មានចំនួន២.៦៣៣នាក់។ នេះបើយោងតាមសេចក្តីប្រកាសព័ត៌មាន របស់គណ:កម្មាធិការជាតិរៀបចំការបោះ(គ.ជ.ប)។
![](https://puthinews.com/wp-content/uploads/2021/10/1-56-1024x525.jpg)
សូមបញ្ជាក់ថា ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២១ ប្រព្រឹត្តទៅចាប់ពីថ្ងៃទី១២ ខែតុលា ដល់ថ្ងៃទី៣០ ខែវិច្ឆិកា ឆ្នាំ២០២២ គិតទាំងថ្ងៃសៅរ៍ និងថ្ងៃអាទិត្យ។ គ.ជ.ប ក៏បានស្នើដល់ប្រជាពលរដ្ឋទាំងអស់ ឱ្យទៅពិនិត្យមើលឈ្មោះក្នុងបញ្ជីបោះឆ្នោតចុងក្រោយ ដើម្បីស្នើសុំកែទិន្នន័យ ប្រសិនបើមានចំណុចខុសឆ្គង។ ទន្ទឹមនឹងនេះ ក៏បានស្នើដល់ប្រជាពលរដ្ឋដែលទើបគ្រប់អាយុ១៨ឆ្នាំ (កើតមុន ឬកើតត្រឹមថ្ងៃទី៦ ខែមិថុនា ឆ្នាំ២០០៨) និងប្រជាពលរដ្ឋដែលមិនធ្លាប់ចុះឈ្មោះបោះឆ្នោតពីមុនមក ត្រូវទៅចុះឈ្មោះបោះឆ្នោតឱ្យបានគ្រប់ៗគ្នា។
![](https://puthinews.com/wp-content/uploads/2021/10/2-54-1024x768.jpg)
![](https://puthinews.com/wp-content/uploads/2021/10/2-54-1024x768.jpg)
យោងតាមស្ថិតិប្រជាពលរដ្ឋប៉ាន់ស្មានឆ្នាំ២០២១ គ.ជ.ប. មានផែនការចុះឈ្មោះអ្នកបោះឆ្នោតថ្មីចំនួន ១.៦៣៥.៩៩០នាក់ និងលុបឈ្មោះចេញពីបញ្ជីបោះឆ្នោត ចំនួន៨៣.០៤៣នាក់។ រីឯការិយាល័យ បោះឆ្នោតវិញ មានចំនួន២៣.៦១១ការិយាល័យ។ ចំពោះការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២១ ត្រូវប្រព្រឹត្តទៅចាប់ថ្ងៃទី១២ ខែតុណ ដល់ថ្ងៃទី៣០ ខែវិច្ឆិកា ឆ្នាំ២០២១ គិតទាំងថ្ងៃសៅរ៍ ទាំងថ្ងៃអាទិត្យ រាល់ម៉ោងធ្វើការ។
![](https://puthinews.com/wp-content/uploads/2021/10/3-51-768x1024.jpg)
![](https://puthinews.com/wp-content/uploads/2021/10/3-51-768x1024.jpg)
ចំពោះការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ នឹងប្រព្រឹត្តទៅនាថ្ងៃទី០៥ ខែមិថុនា ឆ្នាំ២០២២៕
![](https://puthinews.com/wp-content/uploads/2021/10/4-44-1024x768.jpg)
![](https://puthinews.com/wp-content/uploads/2021/10/4-44-1024x768.jpg)
![](https://puthinews.com/wp-content/uploads/2021/10/5-44-1024x768.jpg)
![](https://puthinews.com/wp-content/uploads/2021/10/5-44-1024x768.jpg)
អត្ថបទ និងរូបភាពដោយ៖ Puthinews