ស្តាប់អត្ថបទជាសម្លេង
ខេត្តសៀមរាប៖ អភិបាលខេត្តសៀមរាប លោកទៀ សីហា បាន ឱ្យដឹងថា ក្រុងសៀមរាប នឹងដាក់ជាតំបន់ក្រហម ក្នុងពេលឆាប់ៗនេះ ដោយមូលហេតុបងប្អូនប្រជាពលរដ្ឋ មួយចំនួនមិនសហការ មិនអនុវត្តតាមការណែនាំ មិនចេះការពារខ្លួន និងក្រុមគ្រួសាររបស់ខ្លួន បន្តនាំឱ្យឆ្លងដល់អ្នកដទៃ ដែលមានការយល់ដឹង និងប្រុងប្រយ័ត្នខ្ពស់។ នេះបើយោងតាមផេកហ្វេសប៊ុករបស់លោកទៀ សីហា នៅថ្ងៃទី១៦ ខែកញ្ញានេះ។
លោកអភិបាលខេត្តសៀមរាប បានសរសេរថា “ខ្ញុំបាទសូមការយោគយល់ និងអធ្យាស្រ័យ ចំពោះបងប្អូនប្រជាពលរដ្ឋក្នុងក្រុងដែលតែងតែគាំទ្រ និងអនុវត្តតាមការណែនាំរបស់ក្រសួងសុខាភិបាល និងរដ្ឋបាលខេត្ត”។
សូមជម្រាបថាកាលពីថ្ងៃទី១៥ ខែកញ្ញា ឆ្នាំ២០២១ ម្សិលមិញនេះ អាជ្ញាធរខេត្តសៀមរាប បានចេញសេចក្តីណែនាំមួយ ស្តីពីការកំណត់តំបន់ហានីភ័យនៅក្នុងខេត្តសៀមរាប ដោយបែងចែកជាតំបន់ក្រហម តំបន់លឿងទុំ និងតំបន់លឿង។ ប៉ុន្តែនៅក្នុងសេចក្តីណែនាំនោះ អាជ្ញាធរខេត្តនៅមិនទាន់បានកំណត់ថាទីតាំងណាជាតំបន់ហានិភ័យនៅឡើយនោះទេ៕
អត្ថបទ និងរូបភាពដោយ៖ Puthi News
