28 C
Phnom Penh
Saturday, December 3, 2022

ក្រសួងសុខាភិបាល រៀបចំពិធីប្រគល់ទទួលជំនួយសម្ភារបរិក្ខាពេទ្យពីរដ្ឋាភិបាល និងប្រជាជនកូរ៉េ

ស្តាប់អត្ថបទជាសំឡេង

ភ្នំពេញ៖ ក្រសួងសុខាភិបាល បានរៀបចំពិធីប្រគល់-ទទួលជំនួយ របស់រដ្ឋាភិបាល និងប្រជាជន នៃសាធារណរដ្ឋកូរ៉េ តាមរយៈមូលនិធិថែទាំសុខភាពអន្តរជាតិ KOFIH (Korea Foundation for International Healthcare) ជូនរាជរដ្ឋាភិបាល និងប្រជាជននៃព្រះរាជាណាចក្រកម្ពុជា តាមរយៈ ក្រសួងសុខាភិបាល ដើម្បីប្រើប្រាស់ក្នុងការការពារ ទប់ស្កាត់ និងឆ្លើយតបការរាតត្បាតជំងឺកូវីដ-១៩ ក្រោមអធិបតីភាព លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល រួមជាមួយ លោកវេជ្ជបណ្ឌិត Kim Sang Gyeun ប្រធានមូលនិធិថែទាំសុខភាពអន្តរជាតិ KOHH ប្រចាំកម្ពុជា។

សម្ភារៈ និងបរិក្ខា ដែលរដ្ឋាភិបាលនិងប្រជាជននៃសាធារណរដ្ឋកូរ៉េ តាមរយៈមូលនិធិថែទាំសុខភាពអន្តរជាតិ KOFIH បានផ្តល់ ១) ម៉ាស៊ីនធ្វើតេស្តរក វីរុសកូរ៉ដ-១៩ ចំនួន២គ្រឿង ២ )តេស្តរកវីរុសកូវីដ-១៩ ចំនួន២៣.០៤០តេស្ត និង៣) សម្លៀកបំពាក់សុវត្ថិភាពសម្រាប់មន្ត្រី សុខាភិបាល ចំនួន៥០០ ជូនក្រសួងសុខាភិបាលសម្រាប់។

ក្នុងឱកាសនោះ លោកវិជ្ជបណ្ឌិត ប្រធានមូលនិធិថែទាំសុខភាពអន្តរជាតិ KOFIH ប្រចាំកម្ពុជា បានសម្តែងនូវការកោតសរសើរ ចំពោះរាជរដ្ឋាភិបាលកម្ពុជា និងក្រសួងសុខាភិបាល ដែលបានខិតខំប្រឹងប្រែងមិនខ្លាចនឿយហត់ ក្នុងការទប់ស្កាត់ ការរាតត្បាតជំងឺកូវីដ-១៩ ក៏ដូចជាការពារសុខភាពរបស់ប្រជាជនកម្ពុជាទាំងមូល។ លោកប្រធានមូលនិធិក៏ បានសម្តែងអំណរគុណយ៉ាងជ្រាលជ្រៅ ដល់រាជរដ្ឋាភិបាលកម្ពុជា ដែលបានផ្តល់វ៉ាក់សាំងកូវីដ-១៩ ដល់ជន ជាតិកូរ៉េទាំងអស់ ដែលរស់នៅលើទឹកដីកម្ពុជា ជាពិសេសបុគ្គលិកមូលនិធិ។

លោករដ្ឋមន្ត្រីក្រសួងសុខាភិបាល បានគូសបញ្ជាក់ថា ទឹកចិត្តសប្បុរសធម៌ដ៏ថ្លៃថ្លារបស់មូលនិធិថែទាំសុខភាពអន្តរជាតិ KOFI នៃសាធារណរដ្ឋកូរ៉េ ត្រូវបានចងចាំទុកដោយរាជរដ្ឋាភិបាលកម្ពុជា និងមន្ត្រីសុខាភិបាលព្រមទាំងអ្នករងគ្រោះដោយជំងឺកូវីដ-១៩។

លោករដ្ឋមន្ត្រីក្រសួងសុខាភិបាល បានថ្លែងអំណរគុណយ៉ាងជ្រាលជ្រៅ ចំពោះជំនួយមនុស្សធម៌ដ៏ថ្លៃ ថ្លារបស់មូលនិធីថែទាំសុខភាពអន្តរជាតិ KOFIH នៃសាធារណរដ្ឋកូរ៉េ គឺជាកាយវិការនៃវប្បធម៌ចែករំលែកជាមួយ រាជរដ្ឋាភិបាលកម្ពុជា ក្រោមការដឹកនាំដ៏ឈ្លាសវៃ និងប្រកបដោយគតិបណ្ឌិតរបស់ សម្តេចអគ្គមហាសេនា បតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ជាពិសេសក្នុងកាលៈទេសៈបច្ចុប្បន្ន ដែលយើងបាននឹងកំពុងខិតខំប្រឹងប្រែងរួមគ្នា ដើម្បីជំរុញវិធានការការពារ ទប់ស្កាត់ និងឆ្លើយតបការរាលដាល នៃជំងឺកូវីដ-១៩ នៃព្រឹត្តិការណ៍សហគមន៍ ២០កុម្ភៈ។


អត្ថបទ និងរូបភាពដោយ៖ Puthinews

- Advertisement -spot_imgspot_img
- Advertisement -spot_imgspot_img

អានបន្ត

spot_img
spot_imgspot_img