27 C
Phnom Penh
Friday, December 9, 2022

កូរ៉េខាងត្បូងថា ការវិភាគកំពុងធ្វើឡើងទាក់ទងនឹង ការសាកល្បងមីស៊ីល របស់កូរ៉េខាងជើងនាពេលថ្មីៗនេះ

ស្តាប់អត្ថបទជាសម្លេង

ប្រទេសកូរ៉េខាងត្បូង  នៅថ្ងៃចន្ទនេះ  បានប្រកាសថា  ខ្លួនកំពុងសហការជាមួយអាមេរិក ដើម្បីធ្វើការវិភាគឱ្យបានលម្អិតទាក់ទងនឹងការសាកល្បងមីស៊ីលរបស់ប្រទេសកូរ៉េខាងជើងនាពេលថ្មីៗនេះ។ 

ប្រព័ន្ធផ្សព្វផ្សាយរបស់របស់កូរ៉េខាងជើង  នៅព្រឹកថ្ងៃចន្ទនេះ  បានរាយការណ៍ថា  កូរ៉េខាងជើងបានធ្វើការសាកល្បងមីស៊ីលផ្លោងរយៈចម្ងាយឆ្ងាយថ្មីដោយជោគជ័យកាលពីថ្ងៃចុងសប្តាហ៍  ដែលការសាកល្បងនេះត្រូវបានក្រុមអ្នកវិភាគមើលឃើញថា  អាចជាមីស៊ីលលើកដំបូងរបស់កូរ៉េខាងជើងដែលមានសមត្ថភាពបំពាក់ក្បាលគ្រាប់នុយក្លេអ៊ែរ។

យោងតាមប្រព័ន្ធផ្សព្វផ្សាយរបស់របស់កូរ៉េខាងជើង  មីស៊ីលទាំងនោះហោះបានចម្ងាយ ១ ៥០០គីឡូម៉ែត្រ មុនពេលវាយប្រហារចំគោលដៅ  និងធ្លាក់ចូលក្នុងដែនទឹករបស់កូរ៉េខាងជើងនៅក្នុងអំឡុងពេលនៃការសាកល្បងកាលពីថ្ងៃសៅរ៍ និងថ្ងៃអាទិត្យ។

នេះគឺជាការបាញ់សាកល្បងមីស៊ីលផ្លោងលើកដំបូងហើយរបស់កូរ៉េខាងជើង  ចាប់តាំងពីប្រទេសឯកោមួយនេះ បានបាញ់សាកល្បងមីស៊ីលផ្លោងរយៈចម្ងាយខ្លីប្រភេទថ្មី កាលពីខែមីនា។

ប្រទេសកូរ៉េខាងជើងក៏បានបាញ់សាកល្បងមីស៊ីលមួយដើមដែរ កាលពីចុងខែមករា  បន្ទាប់ពីប្រធានាធិបតីអាមេរិក  លោក ចូ  បៃដិន  (Joe Biden) បានចូលកាន់តំណែងបានប៉ុន្មានម៉ោង។ 

គេនៅមិនទាន់ដឹងច្បាស់ទេថាតើកូរ៉េខាងជើងសម្រេចបានបច្ចេកវិជ្ជាដើម្បីផលិតក្បាលគ្រាប់នុយក្លេអ៊ែរដែលតូចល្មមអាចបំពាក់បំពាក់នៅលើមីស៊ីលផ្លោងហើយ ឬនៅនោះទេ  ប៉ុន្តែមេដឹកនាំកូរ៉េខាងជើង  លោក  គីម  ជុងអ៊ុន  (Kim Jong Un) បាននិយាយកាលពីដើមឆ្នាំនេះថា ការអភិវឌ្ឍក្បាលគ្រាប់បែកនុយក្លេអ៊ែរបែបនោះ គឺជាគោលដៅកំពូលរបស់កូរ៉េខាងជើង៕

អត្ថបទ និងរូបភាពដោយ៖ Puthi News

- Advertisement -spot_imgspot_img
- Advertisement -spot_imgspot_img

អានបន្ត

spot_img
spot_imgspot_img