ទីភ្នាក់ងារការពារជនស៊ីវិល បាននិយាយថា ការ វាយប្រហាររបស់អ៊ីស្រាអែលបានសម្លាប់មនុស្ស 31 នាក់នៅកណ្តាលហ្គាហ្សាកាលពីថ្ងៃទី19 ខែឧសភាខណៈទីប្រឹក្សាសន្តិសុខជាតិអាមេរិកលោក Jake Sullivan បានទៅអីស្រាអែលជួបពិភាក្សា អំពី ជម្លោះនេះ។ កងទ័ពអ៊ីស្រាអែលបានចល័តចូលទៅទីក្រុង Rafah ភាគខាងត្បូង Gaza Strip ដែលកងទ័ពពណ៌នាថា ជាបន្ទាយ Hamas ចុងក្រោយដែលអាមេរិកនិយាយថាជនស៊ីវិល 800,000នាក់ត្រូវបានផ្លាស់ទីលំនៅថ្មី ដោយការប្រយុទ្ធគ្នា។ កង ពលតូចប្រដាប់អាវុធ Ezzedine Al-Qassam របស់ក្រុមហាម៉ាស បាននិយាយថា ខ្លួនកំពុងកំណត់គោលដៅលើកងកម្លាំងអីស្រាអែល ដែល ឈរជើងនៅច្រកឆ្លងកាត់ Rafah ដែលជាផ្លូវបញ្ជូនជំនួយមនុស្សធម៌ដ៏សំខាន់ ឥឡូវនេះត្រូវបានបិទដោយសារការបាញ់ផ្លោងគ្រាប់កាំភ្លើងត្បាល់។ អីស្រាអែលក៏បានវាយប្រយុទ្ធ និងទម្លាក់គ្រាប់បែកលើកងកម្លាំងហាម៉ាសដែលងើបឡើងវិញ នៅតំបន់ភាគខាងជើង និងកណ្តាលនៃទឹកដីឆ្នេរសមុទ្រ ដែលពីមុនត្រូវបានចាត់ទុកថា ស្ថិតនៅក្រោមការគ្រប់គ្រងរបស់កងទ័ព ធ្វើឱ្យមានការព្រមានពីអាមេរិកថាខ្លួនអាចនឹងជាប់គាំង នៅក្នុងយុទ្ធនាការប្រឆាំងការបះបោរដ៏យូរ។ នៅក្នុងការទម្លាក់គ្រាប់បែកចុងក្រោយតាមអាកាសពេញមួយយប់ទីភ្នាក់ងារការពារជនស៊ីវិលរបស់ Gaza បាននិយាយថា ការវាយប្រហាររបស់អ៊ីស្រាអែលបានសម្លាប់មនុស្ស 31នាក់ និងរបួស 20 នាក់ នៅក្នុងផ្ទះមួយនៅក្នុងជំរុំជនភៀសខ្លួន Nuseirat។ យោធារបស់អ៊ីស្រាអែលដែលកាលពីថ្ងៃអាទិត្យបានរាយការណ៍ថាយន្តហោះរបស់ខ្លួន “បានវាយប្រហារគោលដៅភេរវកម្មជាច្រើន” ក្នុងរយៈពេល 24 ម៉ោងកន្លងមកនេះ។ខ្លួនកំពុងពិនិត្យមើលរបាយការណ៍។សាក្សីYasser Abu Oula បានប្រាប់ AFP ថា អគារលំនៅដ្ឋានទាំងមូល “ត្រូវបានបំផ្លាញ” ហើយមានសាកសពនៅក្រោមគំនរបាក់បែក។ នាយករដ្ឋមន្ត្រីអ៊ីស្រាអែលលោក Benjamin Netanyahu បានប្តេជ្ញាថា នឹងបន្តប្រយុទ្ធជាមួយក្រុម Hamas នៅតំបន់ Gaza។ ប៉ុន្តែលោកបានប្រឈមមុខនឹងការប្រឆាំងយ៉ាងខ្លាំង ដែលអំពាវនាវឲ្យមានការប្រកាសផែនការសម្រាប់អភិបាលកិច្ច ក្រោយសង្គ្រាមរបស់ហ្គាហ្សាពីសម្ព័ន្ធមិត្តក្រុងវ៉ាស៊ីនតោន ហើយឥឡូវក៏មានការអំពាវនាវចេញពីសមាជិក នៃគណៈរដ្ឋមន្ត្រីសង្គ្រាមរបស់លោកផងដែរ។ កាលពីថ្ងៃសៅរ៍ អ្នកនយោបាយកណ្តាលនិយម Benny Gantz បានគំរាមថា នឹងចាកចេញពីក្រុមចម្រុះស្ដាំនិយមដែលកំពុងគ្រប់គ្រង លុះត្រាតែលោក Netanyahu យល់ព្រមលើ “ផែនការសកម្មភាព” ក្រោយសង្គ្រាម។លោក Sullivan បានជួបសមភាគីអ៊ីស្រាអែលលោក Tzachi Hanegbi និងលោក Netanyahuសម្រាប់កិច្ចពិភាក្សា ស្តីពីជម្លោះ Gaza និងសេណារីយ៉ូក្រោយសង្គ្រាម បន្ទាប់ពីបានជួបជាមួយស្តេចអារ៉ាប៊ីសាអូឌីត ព្រះអង្គម្ចាស់ Mohammed bin Salman។ ប្រធានាធិបតីអាមេរិកលោក Joe Biden បានអំពាវនាវកាលពីថ្ងៃអាទិត្យ សម្រាប់បទឈប់បាញ់នៅហ្គាហ្សាជាបន្ទាន់ ហើយបាននិយាយថាលោកកំពុងជំរុញឱ្យមានកិច្ចព្រមព្រៀងសន្តិភាពក្នុងតំបន់ “ដើម្បីទទួលបានដំណោះស្រាយរដ្ឋពីរដែលជាដំណោះស្រាយតែមួយគត់។ សង្គ្រាមនៅតំបន់ហ្គាហ្សាបានផ្ទុះឡើង បន្ទាប់ពីការវាយប្រហាររបស់ពួកហាម៉ាសកាលពីថ្ងៃទី7 ខែតុលា ទៅលើអ៊ីស្រាអែល បណ្តាលឱ្យមនុស្សស្លាប់ជាង 1,170 នាក់ ភាគច្រើនជាជនស៊ីវិល។ ក្រុមហាម៉ាសក៏បានចាប់ចំណាប់ខ្មាំងប្រហែល 250 នាក់ ដែលក្នុងនោះ 124 នាក់ នៅតែត្រូវបានឃុំខ្លួននៅហ្គាហ្សារួមទាំង 37 នាក់ ដែលកងទ័ពនិយាយថា បានស្លាប់។ ការវាយលុកសងសឹករបស់អ៊ីស្រាអែល បានសម្លាប់មនុស្សយ៉ាងហោចណាស់ 35,456 នាក់នៅតំបន់ហ្គាហ្សា ភាគច្រើនជាជនស៊ីវិល នេះបើយោង
តាមទិន្នន័យដែលផ្តល់ដោយក្រសួងសុខាភិបាលគ្រប់គ្រងដោយក្រុមហាម៉ាស៕
ដោយ៖ Puthinews
Youtube Channel: Puthi News
Telegram Channel: Puthi News
Puthinews Android app: Puthi New
