32 C
Phnom Penh
Wednesday, October 5, 2022

ការតវ៉ាហិង្សាប្រឆាំងនឹងជនអន្តោប្រវេសន៍ផ្ទុះឡេីងនៅតួកគីបន្ទាប់ពីយុវជនម្នាក់ត្រូវបានគេចាក់សម្លាប់

ស្តាប់អត្ថបទជាសម្លេង

ក្រុមអ្នកតវ៉ាប្រឆាំងជនអន្តោប្រវេសន៍បានវាយបំផ្លាញផ្ទះសម្បែង,  ហាងលក់ដូរ  និងរថយន្តដែលជាកម្មសិទ្ធិរបស់ជនជាតិស៊ីរីនៅក្នុងរដ្ឋធានីអង់ការ៉ា  (Ankara) របស់ប្រទេសតួកគី  បន្ទាប់ពីភាពតានតឹងបានផ្ទុះឡើងពាក់ព័ន្ធនឹងការសម្លាប់យុវជនតួកគីម្នាក់។

បង្អួចហាង  និងបង្អួចផ្ទះរបស់ជនជាតិស៊ីរីត្រូវបានគេវាយបំផ្លាញ ហើយរថយន្តមួយគ្រឿងត្រូវបានគេបំបះ  និងដុតកម្ទេចចោលនៅក្នុងកំឡុងពេលនៃចលាចល។ 

សាក្សីបាននិយាយថា  ប៉ូលិសបានបាញ់ឡេីងទៅលើដេីម្បីបញ្ឈប់អំពើហិង្សា។ យោងតាមប៉ូលិស  មនុស្សចំនួន  ៧៦នាក់ត្រូវបានចាប់ខ្លួនពាក់ព័ន្ធនឹងអំពេីហិង្សានេះ។ 

សូមបញ្ជាក់ថា  អំពើហិង្សានេះបានផ្ទុះឡើងកាលពីថ្ងៃព្រហស្បតិ៍បន្ទាប់ពីមានការឈ្លោះប្រកែកគ្នានៅតាមផ្លូវរវាងក្រុមយុវជនតួកគី ដែលជាម្ចាស់ស្រុក និងក្រុមយុវជនអន្តោប្រវេសន៍ស៊ីរី  ដែលនៅពេលនោះយុវជនតួកគីម្នាក់ត្រូវបានគេចាក់សម្លាប់។

អាជ្ញាធរបាននិយាយថា  ការស៊ើបអង្កេតត្រូវបានធ្វេីឡេីង  ហើយមនុស្សពីរនាក់ត្រូវបានចាប់ខ្លួន។

ភាពតានតឹងរវាងពលរដ្ឋតួកគី  និងក្រុមជនអន្តោប្រវេសន៍បានផ្ទុះឡើងនាពេលថ្មីៗនេះ  ស្របពេលដែលមានការមកដល់របស់ពលរដ្ឋអាហ្វហ្គានីស្ថានរាប់ពាន់នាក់  ដែលបានរត់ភៀសខ្លួនចេញពីសង្គ្រាមដែលកំពុងរីកធំយ៉ាងលឿននៅក្នុងប្រទេសរបស់ពួកគេ។

អង្គការសហប្រជាជាតិបានប៉ាន់ស្មានថា  បច្ចុប្បន្ននេះប្រទេសតួកគីបានទទួលយកជនភៀសខ្លួនច្រើនជាងគេមកពីជុំវិញពិភពលោក  ក្នុងនោះរួមទាំងពលរដ្ឋស៊ីរីជាងបីលាននាក់ផង៕

អអត្ថបទនិងរូបភាពដោយ៖ Puthi News

- Advertisement -spot_imgspot_img
- Advertisement -spot_imgspot_img

អានបន្ត